logo

  BREAKING NEWS

ప‌ద్మ‌విభూష‌ణ్‌, ప‌ద్మ‌భూష‌ణ్‌, ప‌ద్మ‌శ్రీ అవార్డుల‌తో ఎంత డ‌బ్బు ఇస్తారో తెలుసా ?  |   హింసాత్మకంగా మారిన రైతుల ట్రాక్టర్ ర్యాలీ  |   ఏపీ పంచాయతీ వార్: జగన్ సర్కార్ ఆదేశాలకు ఎస్ఈసీ నో..!  |   తెలంగాణలో కొత్త పార్టీ.. క్లారిటీ ఇచ్చిన వైఎస్ షర్మిల!  |   సుప్రీం తీర్పు: అధికారులతో సీఎం జగన్ అత్యవసర సమావేశం!  |   పంచాయతీ ఎన్నికలు.. ఉద్యోగ సంఘాలకు నిమ్మగడ్డ షాక్!  |   బ్రేకింగ్: ఎన్నికలపై సుప్రీం తీర్పు: నిమ్మగడ్డ సంచలన నిర్ణయం!  |   బిగ్ బ్రేకింగ్: ఏపీ పంచాయతీ ఎన్నికలపై సుప్రీం కీలక తీర్పు!  |   సిక్కిం సరిహద్దుల్లో చైనా దుస్సాహసం.. బుద్ధి చెప్పిన సైనికులు  |   చింత‌గింజ‌ల‌తో మోకాళ్ల నొప్పుల‌కు శాశ్వ‌త ప‌రిష్కారం‌  |  

రోజా ఎంట్రీతో జీ తెలుగుపై జ‌గ‌న్ అభిమానుల కోపం చ‌ల్లారింది

ఇటీవ‌ల జీ తెలుగు ఛాన‌ల్ ప‌ట్ల ఆంధ్ర‌ప్ర‌దేశ్ ముఖ్య‌మంత్రి వై.ఎస్‌. జ‌గ‌న్మోహ‌న్ రెడ్డి అభిమానులు ఆగ్ర‌హావేశాలు వ్య‌క్తం చేశారు. త‌మ నాయ‌కుడిని అవ‌మానించేలా ఒక స్కిట్ వేయ‌డంతో జ‌గ‌న్ అభిమానుల‌కు జీ తెలుగుపైన ఆగ్ర‌హం వ్య‌క్తం చేస్తున్నారు. సోష‌ల్ మీడియా వేదిక‌గా జీ తెలుగును బ్యాన్ చేయాల‌ని పిలుపునిస్తున్నారు. అయితే, ఇప్పుడు ఉన్న‌ట్లుండి జీ తెలుగుపై జ‌గ‌న్ అభిమానుల కోపం చ‌ల్లారింది. వైసీపీ ఎమ్మెల్యే రోజా ఎంట్రీతోనే ఇది జ‌రిగింది.

జ‌న‌సేన నాయ‌కుడు నాగ‌బాబు ఆధ్వ‌ర్యంలో జీ తెలుగు ఛాన‌ల్‌లో అదిరింది అనే షో న‌డుస్తుంది. ఈ షోలో ఇటీవ‌ల గ‌ల్లీ బాయ్స్ అనే టీమ్ ఒక స్కిట్ వేసింది. రియాజ్ అనే యాక్ట‌ర్ జ‌గ‌న్‌ను ఇమిటేట్ చేశాడు. అన్న వ‌స్తున్నాడు అనే జ‌గ‌న్ డైలాగ్ కొడుతూ, చేతులు ఊపుతూ రియాజ్ వ‌స్తుంటే మిగ‌తా టీమ్ మెంబ‌ర్స్ పారిపోతుంటారు. వాళ్లు చేసిన ఈ స్కిట్ ప‌ట్ల జ‌గ‌న్ అభిమానులు హ‌ర్ట్ అయ్యారు.

త‌మ నాయ‌కుడిని, ముఖ్య‌మంత్రి హోదాలో ఉన్న జ‌గ‌న్‌ను కించ‌ప‌రిచార‌ని భావించారు. దీంతో సోష‌ల్ మీడియా వేదిక‌గా ఆగ్ర‌హం వ్య‌క్తం చేశారు. ఈ స్కిట్ చేసిన యాక్ట‌ర్లు, ఈ స్కిట్ చూసి ప‌డి ప‌డి న‌వ్విన యాంక‌ర్ శ్రీముఖి, గెస్ట్‌ల‌పై త‌మ కోపాన్ని చూపించారు. కొంద‌రైతే వీరిని బండ‌బూతులు తిడుతూ సోష‌ల్ మీడియాలో పోస్టులు పెట్టారు. జ‌గ‌న్ అభిమానులు హ‌ర్ట్ అయ్యార‌ని తెలియ‌గానే యాక్ట‌ర్ రియాజ్‌, అదిరింది టీమ్ క్ష‌మాప‌ణ‌లు కోరింది. మ‌రోసారి ఇలా జ‌ర‌గ‌ద‌ని, తాము కూడా జ‌గ‌న్ అభిమానుల‌మే అని చెప్పారు.

దీంతో వీరిపై జ‌గ‌న్ అభిమానులు కొంత శాంతించారు. కానీ, అదిరింది షో అన్నీ తానై నిర్వ‌హించే జ‌న‌సేన నాయ‌కుడు నాగ‌బాబు కావాల‌నే జ‌గ‌న్‌ను కించ‌ప‌రిచేలా ఇలాంటి స్కిట్‌లు వేయిస్తున్నార‌ని జ‌గ‌న్ అభిమానులు భావించారు. దీనికితోడు నాగ‌బాబు వీరి కోపం మ‌రింత పెరిగేలా ట్విట్ట‌ర్‌లో పోస్టులు పెట్టారు. దీంతో జ‌గ‌న్ అభిమానులు నాగ‌బాబుపై, జీ తెలుగు ఛాన‌ల్‌పై ఆగ్ర‌హం వ్య‌క్తం చేస్తున్నారు. బాయ్‌కాట్ జీ తెలుగు పెరుతో సోష‌ల్ మీడియాలో పోస్టులు పెట్ట‌డం ప్రారంభించారు.

అయితే, ఇప్పుడు మాత్రం జీ తెలుగుపై జ‌గ‌న్ అభిమానుల కోపం ఒక్క‌సారిగా చ‌ల్లారింది. జీ తెలుగు సేవాభావ‌మే ఇందుకు కార‌ణం. కార్పొరేట్ సోష‌ల్ రెస్పాన్సిబులిటీ కింద జీ తెలుగు వాళ్లు ఆంధ్ర‌ప్ర‌దేశ్ ప్ర‌భుత్వానికి 10 ఆంబులెన్స్‌లు, నాలుగు వేల పీపీఈ కిట్ల‌ను విరాళంగా ఇచ్చారు. ఈ కార్య‌క్ర‌మానికి మంత్రి పేర్ని నాని, వైసీపీ ఎమ్మెల్యే రోజా హాజ‌ర‌య్యారు.

ఏపీ ప్ర‌భుత్వానికి పెద్ద ఎత్తున విరాళం ఇచ్చినందున జీ తెలుగు గౌర‌వంగా సారీ చెప్పిన‌ట్లుగా జ‌గ‌న్ అభిమానులు భావిస్తున్నారు. దీంతో వీరు జీ తెలుగును టార్గెట్ చేయ‌డం మానేశారు. అయితే, యాదృచ్ఛికంగానే ఇప్పుడు జీ తెలుగు ఈ విరాళాన్ని ఇచ్చిందా లేదా జ‌గ‌న్ అభిమానుల కోపం చ‌ల్లార‌నే ఆలోచ‌న‌తో ఇచ్చిందా అనేది తెలియాల్సి ఉంది. ఎమ్మెల్యే రోజానే జీ తెలుగు వారికి ఈ ఐడియా ఇచ్చింద‌నే ప్ర‌చారం కూడా జ‌రుగుతోంది. ఏదేమైనా జీ తెలుగు మాత్రం క్ష‌మాప‌ణ‌లు చెప్ప‌కుండానే జ‌గ‌న్ అభిమానుల కోపాన్ని త‌గ్గించ‌గ‌లిగింది.

Related News