logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

రాత్రి 7 గంట‌లకు బ‌య‌ట‌కొచ్చి చ‌ప్ప‌ట్లు కొట్టాలి.. జ‌గ‌న్ రిక్వెస్ట్‌

మ‌నంద‌రికీ ఇంటి వ‌ద్ద‌కే వ‌చ్చి, మ‌న త‌లుపు త‌ట్టి స‌హాయం చేస్తున్న గ్రామ స‌చివాల‌య వ్య‌వ‌స్థ‌, వాలంటీర్ల వ్య‌వ‌స్థ‌ను ప్రారంభించి ఇవాళ‌టికి ఏడాది అవుతోంద‌ని ముఖ్య‌మంత్రి వై.ఎస్‌. జ‌గ‌న్మోహ‌న్ రెడ్డి పేర్కొన్నారు. గ్రామ వాలంటీర్లు ఎటువంటి వివ‌క్ష లేకుండా, లంచాల‌కు తావు లేకుండా నేరుగా ఇంటికి వ‌చ్చి మంచి చేస్తున్నార‌ని ఆయ‌న అన్నారు. గ్రామ స్వ‌రాజ్యం మ‌న క‌ళ్లెదుట క‌నిపించిలే వాలంటీర్లు, స‌చివాల‌య ఉద్యోగులు మ‌న‌కు సేవ‌లు అందిస్తున్నార‌ని పేర్కొన్నారు.

ఎటువంటి లాభాపేక్ష లేకుండా మ‌న‌కు సేవ‌లు అందిస్తున్న గ్రామ స‌చివాల‌య ఉద్యోగులు, వాలంటీర్ల‌కు సంఘీభావంగా, ప్రోత్స‌హించేంందుకు ఇవాళ రాత్రి 7 గంట‌ల‌కు ఇంటి బ‌య‌ట‌కు వ‌చ్చి చ‌ప్ప‌ట్లు కొట్టాల‌ని రాష్ట్ర ప్ర‌జ‌ల‌ను జ‌గ‌న్ కోరారు. తాను కూడా రాత్రి 7 గంట‌ల‌కు ఇంటి బ‌య‌ట‌కు వ‌చ్చి చ‌ప్ప‌ట్లు కొట్టి గ్రామ వాలంటీర్ల‌ను అభినందిస్తాన‌ని ఆయ‌న తెలిపారు.

గాంధీజీ క‌ల‌లు గ‌న్న గ్రామ స్వ‌రాజ్యాన్ని తీసుకొచ్చామ‌ని జ‌గ‌న్ చెప్పారు. అన్ని సేవ‌లు గ్రామాల్లోనే అందేలా చేస్తున్నామ‌ని అన్నారు. ఎన్నిక‌ల మ్యానిఫెస్టోను ప‌విత్రంగా భావిస్తూ అన్ని హామీల‌ను నెర‌వేరుస్తున్న‌ట్లు తెలిపారు. ప్ర‌తి పేద గిరిజ‌నుడికి 2 ఎక‌రాల భూమి ఇవ్వ‌డ‌మే ల‌క్ష్యంగా పెట్టుకున్న‌ట్లు చెప్పారు. గిరిజ‌నుల‌ను నా సొంత కుటుంబంగా భావిస్తున్న‌ట్లు చెప్పారు.

Related News