logo

  BREAKING NEWS

షాకింగ్‌.. భార్య‌ల‌ను అద్దెకు ఇస్తున్నారు  |   కౌశీక్ రెడ్డికి బంప‌ర్ ఆఫ‌ర్‌.. ఏకంగా డ‌బుల్ ప్ర‌మోష‌న్‌..!  |   తెలంగాణ బీజేపీకి జోష్‌.. త్వ‌ర‌లోనే మాజీ ఎంపీ, కాంగ్రెస్ కీల‌క నేత చేరిక‌  |   రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |  

దేశంలోనే నాలుగో స్థానంలో ఏపీ సీఎం జ‌గ‌న్‌

ఆంధ్ర‌ప్ర‌దేశ్ ముఖ్య‌మంత్రి వై.ఎస్‌. జ‌గ‌న్మోహ‌న్ రెడ్డి మ‌రో ఘ‌న‌త సాధించారు. దేశంలోని పాపుల‌ర్ ముఖ్య‌మంత్రుల జాబితాలో జ‌గ‌న్‌కు నాలుగో స్థానం ద‌క్కింది. 78.01 శాతం మంది ముఖ్య‌మంత్రి జ‌గ‌న్ పాల‌న ప‌ట్ల సంతృప్తిగా ఉన్నార‌ని తేలింది. సీ-ఓట‌ర్ అనే ప్ర‌ముఖ స‌ర్వే ఏజెన్సీ దేశ‌వ్యాప్తంగా కేంద్ర ప్ర‌భుత్వం, రాష్ట్ర ప్ర‌భుత్వాల ప‌నితీరుపై స‌ర్వే జ‌రిపి ఆస‌క్తిక‌ర విష‌యాలు వెల్ల‌డించింది.

ప్ర‌ధాని మోడీ ప‌నితీరు ప‌ట్ల 58.36 శాతం మంది చాలా సంతృప్తిగా ఉన్నారు. 24.04 శాతం మంది కొంత సంతృప్తితో ఉండ‌గా, 16.71 శాతం మంది పూర్తిగా అసంతృప్తితో ఉన్న‌ట్లు ఈ స‌ర్వే తేల్చింది. ఒడిశా, హిమాచ‌ల్ ప్ర‌దేశ్‌, చ‌త్తీస్‌ఘ‌డ్‌లో ప్ర‌ధాని ప‌నితీరుకు 90 శాతానికి పైగా సంతృప్తి వ్య‌క్తం కాగా ఆంధ్ర‌ప్ర‌దేశ్‌, ఝార్ఖండ్‌, క‌ర్ణాట‌క‌లో 80 శాతానికి పైగా సంతృప్తి వ్య‌క్త‌మైంది. తెలంగాణ‌లో 71.51 శాతం మంది మోడీ ప‌నితీరు ప‌ట్ల సంతృప్తి వ్య‌క్తం చేశారు. త‌మిళ‌నాడు, కేర‌ళ‌లో కేవ‌లం 32 శాతం మంది మాత్ర‌మే మోడీ ప‌ట్ల సంతృప్తిగా ఉన్నారు.

ఇక‌, మోస్ట్ పాపుల‌ర్ ముఖ్య‌మంత్రుల జాబితాలో 82.96 శాతంతో ఒడిశా ముఖ్య‌మంత్రి న‌వీన్ ప‌ట్నాయ‌క్ మొద‌టి స్థానంలో ఉన్నారు. ఆయ‌న త‌ర్వాత చ‌త్తీస్‌ఘ‌డ్ సీఎం భూపేశ్ భాగెల్ 81.06 శాతంతో రెండో స్థానంలో, కేర‌ళ ముఖ్య‌మంత్రి పున‌ర‌యి విజ‌య‌న్ 80.28 శాతంతో మూడో స్థానంలో నిలిచారు. ఇక‌, ఇటీవ‌లే ఏడాది ప‌ద‌వీకాలాన్ని విజ‌య‌వంతంగా పూర్తి చేసుకున్న ఆంధ్ర‌ప్ర‌దేశ్ ముఖ్య‌మంత్రి జ‌గ‌న్ 78.01 శాతంతో నాలుగో స్థానంలో నిలిచారు. ఆయ‌న త‌ర్వాత మ‌హారాష్ట్ర ముఖ్య‌మంత్రి ఉద్ధ‌వ్ ఠాక్రే, ఢిల్లీ సీఎం అర‌వింద్ కేజ్రీవాల్ ఉన్నారు.

కాగా, తెలంగాణ ముఖ్య‌మంత్రి కేసీఆర్ పాల‌న ప‌ట్ల మాత్రం కొంత అసంతృప్తి ఉన్న‌ట్లు ఈ స‌ర్వేలో తేలింది. ఆయ‌న పాల‌న ప‌ట్ల 54.22 శాతం మంది మాత్ర‌మే సంతృప్తిగా ఉన్నార‌ని స‌ర్వే తేల్చింది. మొత్తంగా కేంద్ర ప్ర‌భుత్వ ప‌నితీరుపై 62 శాతం మంది సంతృప్తిని వ్య‌క్తం చేశారు. ఇక ప్ర‌ధాని మోడీ పాపులారిటీతో పోల్చితే కాంగ్రెస్ నేత రాహుల్ గాంధీ చాలా దూరంలోనే ఆగిపోయారు. ప్ర‌ధాని మోడీ వైపు 62 శాతం మంది మొగ్గు చూపితే రాహుల్ గాంధీకి 36.12 శాతం మ‌ద్ద‌తు ప‌లికారు. గోవా, త‌మిళ‌నాడు, కేర‌ళ రాష్ట్రాల్లో ప్ర‌ధాని న‌రేంద్ర మోడీ కంటే రాహుల్ గాంధీకే ఎక్కువ పాపులారిటీ ఉన్న‌ట్లు సీ-ఓట‌ర్ స‌ర్వే అంచ‌నా వేసింది.

Related News