logo

  BREAKING NEWS

ఓటీటీలో రిలీజైన కేజీఎఫ్: చాప్ట‌ర్‌-2..! కానీ షాకిచ్చిన అమెజాన్ ప్రైమ్‌  |   టాయిలెట్‌లో కెమెరా.. హోంమంత్రికి ఫిర్యాదు  |   కాబోయే భ‌ర్త మృతి.. ఆ యువ‌తి చేసిన ప‌నికి క‌న్నీళ్లు ఆగ‌వు  |   స‌లార్ సినిమాపై కిక్కిచ్చే వార్త‌  |   మ‌హేష్ – రాజ‌మౌళి సినిమాపై ఫుల్ క్లారిటీ ఇచ్చిన విజ‌యేంద్ర ప్ర‌సాద్‌  |   వంద‌ల ఎక‌రాల భూమి ఉన్న కుటుంబంలో కేసీఆర్ పుట్టారు  |   2022 – 23కు కేంద్రీయ విద్యాల‌య అడ్మిష‌న్లు ప్రారంభం.. పూర్తి వివ‌రాలు  |   నిరుద్యోగుల‌కు భారీ శుభ‌వార్త‌.. రైల్వేలో 2,65,547 ఖాళీలు  |   మ‌రో కొత్త ప‌థ‌కాన్ని ప్రారంభించ‌నున్న జ‌గ‌న్‌.. దేశంలోనే మొద‌టిసారి  |   అండ‌మాన్ ఎన్నిక‌ల్లో మ‌రోసారి స‌త్తా చాటేందుకు చంద్ర‌బాబు స్కెచ్‌  |  

కరోనా లక్షణాలున్నా టెస్టుల్లో నెగిటివ్ వస్తుందా? ఆలస్యం చేయకుండా ఈ టెస్టు చేయించుకోండి

దేశంలో కరోనా సెకండ్ వేవ్ వణికిస్తోంది. కేసులు విపరీతంగా పెరిగిపోతున్నాయి. రెండో దశలో లక్షణాలు లేకుండానే వైరస్ సోకుతుండటం ఆందోళన కలిగిస్తుంది. మరో వైపు కరోనా నిర్ధారణ పరీక్షల్లో సైతం గందరగోళం నెలకొంది. కొంత మందిలో కరోనా లక్షణాలు ఉండి పాజిటివ్ ఉన్న వారికి కూడా కరోనా పరీక్షల్లో నెగిటివ్ రావడం జరుగుతుంది. దీంతో వీరు కరోనా సూపర్ స్ప్రెడర్లుగా మారి మరింత మందికి వైరస్ వ్యాప్తి చేసే ప్రమాదం ఉంది.

చాలా మంది కరోనా పరీక్షల కోసం యాంటిజెన్ టెస్టులు చేయించుకుంటున్నారు. ఆర్టీపీసీఆర్ తో పోలిస్తే యాంటిజెన్ టెస్టుల్లో అరగంటలోనే ఫలితం వస్తుంది. అయితే ఈ టెస్టుల్లో ఖచ్చితత్వం ఉండటం లేదు. పాజిటివ్ ఉన్న వారికి కూడా కొన్ని సార్లు ఈ టెస్టుల్లో నెగిటివ్ చూపుతుంది.

85 శాతం ఖచ్చితత్వంతో ఉండే ఆర్టీపీసీఆర్ టెస్టులది కూడా ఇదే పరిస్థితి. గతంలో ఏ చిన్న పాటి లక్షణం ఉన్నా ఆర్టీపిసిఆర్ టెస్టులో తెలిసిపోయేది. పరీక్ష ఫలితాలు ఒకటి రెండు రోజులు ఆలస్యమైనా ట్రీట్మెంట్ మొదలు పెట్టిన వెంటనే బాధితులు 95 శాతం కోలుకునే వారు. కానీ ఇప్పుడు ఆర్టీపిసిఆర్ టెస్టుల్లో కూడా పాజిటివ్ ఉన్న వారికి నెగిటివ్ గా చూపుతుంది.

కొంత మందిలో కరోనా వైరస్ నోరు, ముక్కు ద్వారా సోకకుండా ఇతర మార్గాల ద్వారా వ్యాపించినప్పుడు వైరస్ ఆనవాళ్లు స్వాబ్ పరీక్షల్లో నమోదు కావడం లేదని వైద్యులు అంటున్నారు. మరో విధంగా వైరస్ కొత్త వేరియంట్లలో మార్పులు జరగడం, ప్రజల నుంచి సేకరించిన శ్వాబ్ ను నిల్వ చేయడంలో నిర్వహణా లోపాల కారణంగా కూడా ఈ విధంగా తప్పుడు ఫలితం వస్తుందని నిపుణులు చెప్తున్నారు.

సాధారణంగా లక్షణాలు మొదలైన ఏడు రోజుల లోపు అయితే ఆర్టీపీసీఆర్ మెథడ్‌‌లో, ఏడు రోజులు దాటితే యాంటీ బాడీ మెథడ్‌‌లో టెస్ట్ చేయొచ్చు. యాంటీ బాడీ టెస్టులో నెగిటివ్ వస్తే, ఆర్టీపీసీఆర్ మెథడ్‌‌లో టెస్ట్‌‌ చేయించాలి. కరోనా లక్షణాలు ఉండి ఆర్టీపీసీఆర్ పరీక్షల్లో నెగిటివ్ వస్తుంటే మాత్రం వారు కచ్చితంగా సీటీ స్కాన్ చేయించుకోవాలని లేదంటే వైద్యుల సలహా మేరకు ఛాతి ఎక్సరే తీయించాలని నిపుణులు సూచిస్తున్నారు. దగ్గు, జ్వరం, జలుబు లాంటి కరోనా లక్షణాలుంటే పరీక్షల విషయంలో నిర్లక్ష్యం వహించవద్దని హెచ్చరిస్తున్నారు.

Related News