logo

  BREAKING NEWS

చింత‌గింజ‌ల‌తో మోకాళ్ల నొప్పుల‌కు శాశ్వ‌త ప‌రిష్కారం‌  |   పాత రూ. 100, రూ.10, రూ.5 కరెన్సీ నోట్లు ఇకపై చెల్లవా.. నిజమెంత?  |   మాజీ మంత్రి జానారెడ్డికి ఊహించని షాక్.. బీజేపీ ప్లాన్ లో భాగమేనా?  |   వీడని ఉత్కంఠ.. పంచాయతీ ఎన్నికలపై మరో ట్విస్ట్..!  |   బ్రేకింగ్: వికటించిన కరోనా టీకా.. ఆశా కార్యకర్త బ్రెయిన్ డెడ్!  |   నిమ్మగడ్డకు ఉద్యోగ సంఘాల కౌంటర్: వెంకట్రామిరెడ్డి సంచలన వ్యాఖ్యలు!  |   అమెరికా అధ్యక్షుడి ప్రసంగాల వెనుక మన తెలుగోడి ప్రతిభ  |   ‘పంచాయతీ’ నోటిఫికేషన్ ఎఫెక్ట్: షాకిస్తున్న అధికారులు!  |   ముగిసిన 5 గంటల డెడ్ లైన్.. ఎస్ఈసీకి అధికారుల షాక్!  |   కాంగ్రెస్ కొత్త అధ్యక్షుడికి ముహూర్తం ఫిక్స్.. కీలక ప్రకటన!  |  

విశాఖ ఫార్మా సిటీలో భారీ అగ్ని ప్రమాదం.. ఒకరు మృతి?

విశాఖ పరవాడ ఫార్మా సిటీలో సోమవారం రాత్రి అగ్ని ప్రమాదం సంభవించింది. రాంకీ కోస్టల్‌ వేస్ట్‌ మేనేజ్‌మెంట్‌ ప్రాజెక్టు (సీఈటీపీ) సాల్వెంట్‌ పరిశ్రమలో సోమవారం రాత్రి 10:20 గంటల సమయంలో ఈ ప్రమాదం జరిగింది. అగ్ని ప్రమాదం సంభవించిన సమయంలో పరిశ్రమలో నలుగురు సిబ్బంది ఉన్నట్టు ప్రాథమికంగా నచ్చానా వేశారు. అందులో కెమిస్ట్ నాగేశ్వర రావు (40) మృతి చెందినట్టుగా గుర్తించారు.

ఎప్పటిలాగే అయన నిన్న రాత్రి పది గంటల షిఫ్టుకు వెళ్లారు. షిఫ్ట్ ప్రారంభమైన కోడికి సమయానికే ఈ పేలుడు సంభవించింది. అయితే ప్రమాదం జరిగిన తర్వాత ఆయన ఆచూకీ తెలియరాలేదు. కాగా మంగళవారం ఉదయం శిథిలాల కింద పూర్తిగా కాలిపోయిన మృతేహాన్ని గుర్తించారు. దీనిపై పోలీసులు గాని యాజమాన్యాలు గాని ఎలాంటి ప్రకటన చేయలేదు. పేలుడు ఘటనలోనే నాగేశ్వర్ రావు మృతి చెంది ఉంటాడని భావిస్తున్నారు.

ఈ ప్రమాదంలో తీవ్రంగా గాయపడిన మరో వ్యక్తి మల్లేష్(33) ను గాజువాక ఆసుపత్రికి తరలించి చికిత్స అందిస్తున్నారు. విశాఖ సాల్వెంట్‌ కంపెనీ ఫార్మా కంపెనీ నుంచి వచ్చే వ్యర్థ పదార్థాలను శుద్ధి చేసి తిరిగి ఫార్మా కంపెనీలకు విక్రయిస్తుంటుంది. వ్యర్థాలను శుద్ధి చేసే క్రమంలో కంపెనీలో ఉన్న ఐదు కాలమ్‌లలో ఒక కాలమ్‌లో పేలుడు జరిగి, మంటలు ఎగసిపడ్డాయి. మొత్తం 15 రసాయన డబ్బాలు పేలాయని తెలుస్తుంది.

కాగా ఈ ప్రమాదం జరిగిన సమయంలో పరిశ్రమలో 15 మంది వరకు సిబ్బంది ఉండి ఉంటారని అంచనా వేస్తున్నారు. ప్రస్తుతం అగ్నిమాపక సిబ్బంది మంటలను అదుపులోకి తీసుకొచ్చారు. ప్రమాద స్థలం నుంచి 5 కిలో మీటర్ల మేర పొగ చుట్టుముట్టడంతో స్థానికులు ప్రజలు నధోళన వ్యక్తం చేస్తున్నారు. ఈ పరిసర ప్రాంతాల్లో ప్రజలను అనుమతించడం లేదు.

Related News