logo

  BREAKING NEWS

 గవర్నర్ తో నిమ్మగడ్డ భేటీ.. ఏం తెలుస్తారో?  |   చికెన్‌, కోడిగుడ్లు ఇలా తింటే డేంజ‌ర్‌.. fssai జాగ్ర‌త్త‌లు  |   తిరుపతి ఉపఎన్నిక పోరులో జనసేన అభ్యర్థి.. పవన్ క్లారిటీ!  |   బ్రేకింగ్‌: తెలంగాణ‌లో ఇక వారికి 10 శాతం రిజ‌ర్వేష‌న్లు  |   పంచాయతీ ఎన్నికలు: నిమ్మగడ్డకు ఉద్యోగ సంఘాల షాక్!  |   ‘కాబోయే సీఎం కంగ్రాట్స్’ వేదికపైనే షాకిచ్చిన మంత్రి.. కేటీఆర్ రియాక్షన్ ఇదే!  |   ప‌వ‌న్ క‌ళ్యాణ్ – రామ్‌చ‌ర‌ణ్‌తో ఇండియా టాప్ డైరెక్ట‌ర్ సినిమా..?  |   ‘గుంటూరు’కు చెందిన కోహినూర్ వజ్రం బ్రిటన్ చేతికి ఎలా వెళ్ళింది?  |   బ్రేకింగ్: పంతం నెగ్గించుకున్న నిమ్మ‌గ‌డ్డ‌.. జ‌గ‌న్‌కు భారీ షాక్‌  |   వ్యాక్సిన్ అంద‌రూ తీసుకోవాలా ? క‌రోనా వ‌చ్చి త‌గ్గిన వారూ తీసుకోవాలా ?  |  

మరో దారుణం.. ఇంజినీరింగ్ విద్యార్థినిపై ఘాతుకం

ప్రేమోన్మాది ఘాతుకానికి ఓ ఇంజినీరింగ్ విద్యార్థిని బలైంది. బెజవాడలోని మాచర్లకు చెందిన దివ్య తేజస్విని అనే యువతిని తన నివాసంలో స్వామీ అనే యువకుడు కత్తితో గొంతుకోశాడు. కుటుంబసభ్యులు, స్థానికులు గమనించి యువతిని ఆసుపత్రికి తరలించేలోపే ఆమె పరిస్థితి విషమించి మరణించింది. తేజస్వినిపై దాడి చేసిన అనంతరం నిందితుడు అదే కత్తితో తనను తాను గాయపరుచుకున్నాడు.

ప్రస్తుతం నిందితుడు గుంటూరు ఆసుపత్రిలో చికిత్స పొందుతుండగా అతని పరిస్థితి కూడా విషమంగా ఉన్నట్టు సమాచారం. కాగా నగరంలోని ఓ ఇంజినీరింగ్ కళాశాలలో తేజసిని బీటెక్ చదువుతుంది. వీరిద్దరికి గతంలోనే పరిచయం ఉందా లేక తన ప్రేమను తిరస్కరించిందన్న కోపంతోనే నిందితుడు ఈ ఉన్మాదానికి పాల్పడ్డాడా అనే విషయం తెలియాల్సి ఉంది.

ఈరోజు 11 గంటల ప్రాంతంలో తేజస్విని ఇంటి వెనకవైపు గోడ దూకి ఆమె ఇంట్లోకి ప్రవేశించాడు. అనంతరం తన వెంట తెచ్చుకున్న కత్తితో ఆమె గొంతుపై బలంగా కోశాడు. అంతా తేరుకుని ఆసుపత్రికి తరలించేలోపే తేజస్విని అపస్మారక స్థితిలోకి వెళ్ళిపోయింది. కత్తి బలంగా మెడపై దిగడంతో ఆసుపత్రిలో ప్రాణాలు వదిలింది. ఈ ఘటనకు సంబంధించి పూర్తి వివరాలు తెలియాల్సి ఉంది.

Related News