logo

  BREAKING NEWS

ఢిల్లీ రైతుల ఆందోళనపై పవన్ కళ్యాణ్ కీలక వ్యాఖ్యలు!  |   రామనాయుడుపై తీవ్ర స్థాయిలో మండిపడ్డ సీఎం జగన్!  |   మైండ్‌బ్లాక్ అయ్యే రీతిలో ”వ‌కీల్ సాబ్” రెమ్యున‌రేష‌న్‌  |   ఎమ్మెల్యేకు క‌రోనా.. ఏపీ అసెంబ్లీలో కోవిడ్ క‌ల‌వ‌రం  |   అంద‌రికీ వ్యాక్సిన్ అవ‌స‌రం లేదు… వ్యాక్సిన్ వ‌చ్చినా మాస్కులు త‌ప్ప‌వు  |   ఏపీ అసెంబ్లీ: చంద్రబాబు స్పీకర్ మధ్య మాటల యుద్ధం!  |   ప్ర‌భాస్ – ప్ర‌శాంత్ నీల్ తీసేది రీమేక్ సినిమా.. ఇంత రిస్క్ ఎందుకు..?  |   ఎగ్జిట్ పోల్స్ పై నిషేధం.. ఎన్నికల కమిషన్ సంచలన నిర్ణయం!  |   పేద విద్యార్థులకు ఎల్ఐసీ స్కాల‌ర్‌షిప్‌లు.. పూర్తి వివ‌రాలు ఇవీ  |   బ్రేకింగ్: గ్రేటర్ లోని ఆ ప్రాంతంలో పోలింగ్ రద్దు: ఎన్నికల సంఘం  |  

కేసీఆర్ దొరగారు ఆ విషయాన్ని ఇప్పటికైనా గ్రహించాలి: విజయశాంతి

సినీ నటి, తెలంగాణ ప్రదేశ్ కాంగ్రెస్ చైర్ పర్సన్ విజయశాంతి కేసీఆర్ సర్కార్ పై తీవ్ర స్థాయిలో ధ్వజమెత్తారు. తెలంగాణ రాష్ట్రంలో మహిళలపై రోజురోజుకి నేరాలు పెరిగిపోతున్నాయి, వాటిని కట్టడి చేయడంలో ప్రభుత్వం పూర్తిగా విఫలమైందని అసంతృప్తి వ్యక్తం చేసారు.

‘నా తెలంగాణలోని ఆడబిడ్డలపై కొందరు ఇంతటి హేయమైన నేరాలకు పాల్పడటం తల తీసుకోవాలనే ఆక్రోశాన్ని కల్పిస్తోంది. ఏడాది కిందట జరిగిన దిశ ఘటన చేసిన గాయాలు ఇంకా ఆరకముందే… నిజామాబాద్‌లో మరో యువతిపై కొంతమంది సామూహిక అత్యాచారానికి పాల్పడటం మనసును కలచివేస్తోంది. సాక్షాత్తూ జిల్లా పరిపాలనా యంత్రాంగం కొలువై ఉండే కలెక్టరేట్‌కు సమీపాన ఈ దారుణం జరిగింది…

గతంలో ఇటువంటి దారుణాలు జరిగినప్పుడు, మహిళా రక్షణకు అంత చేస్తాం… ఇంత చేస్తామంటూ తెలంగాణ పాలకులు చెప్పిన కబుర్ల నీటిమీద రాతలేనని స్పష్టమైంది. రాష్ట్రంలో ఇప్పటికే అమీన్‌పూర్ ఆశ్రమంలో అనాథ బాలిక మృతి ఘటన కలకలం రేపుతూనే ఉంది. ఎన్‌కౌంటర్లు సమర్థనీయం కానప్పటికీ, దిశ ఘటనలో నిందితులు తూటాలకు నేలకొరిగినా… పోలీసులంటే ఏ మాత్రం భయంలేని రీతిలో… మహిళా రక్షణ చట్టాలంటే ఏమాత్రం లెక్కలేనితనంతో కామాంధులు చెలరేగిపోతున్నారంటే… తెలంగాణలో ఆ చట్టాల అమలు ప్రభావం ఎంత గొప్పగా ఉందో అర్థమవుతూనే ఉంది.

తెలంగాణలోని ఈ పరిస్థితులు రాష్ట్రంలోని మహిళలందరినీ తీవ్ర అభద్రతా భావంలోకి నెడుతున్నాయనే వాస్తవాన్ని కేసీఆర్ దొరగారు ఇప్పటికైనా గ్రహించాలి.’ అని విజయశాంతి పేర్కొన్నారు.

Related News