logo

  BREAKING NEWS

ఢిల్లీ రైతుల ఆందోళనపై పవన్ కళ్యాణ్ కీలక వ్యాఖ్యలు!  |   రామనాయుడుపై తీవ్ర స్థాయిలో మండిపడ్డ సీఎం జగన్!  |   మైండ్‌బ్లాక్ అయ్యే రీతిలో ”వ‌కీల్ సాబ్” రెమ్యున‌రేష‌న్‌  |   ఎమ్మెల్యేకు క‌రోనా.. ఏపీ అసెంబ్లీలో కోవిడ్ క‌ల‌వ‌రం  |   అంద‌రికీ వ్యాక్సిన్ అవ‌స‌రం లేదు… వ్యాక్సిన్ వ‌చ్చినా మాస్కులు త‌ప్ప‌వు  |   ఏపీ అసెంబ్లీ: చంద్రబాబు స్పీకర్ మధ్య మాటల యుద్ధం!  |   ప్ర‌భాస్ – ప్ర‌శాంత్ నీల్ తీసేది రీమేక్ సినిమా.. ఇంత రిస్క్ ఎందుకు..?  |   ఎగ్జిట్ పోల్స్ పై నిషేధం.. ఎన్నికల కమిషన్ సంచలన నిర్ణయం!  |   పేద విద్యార్థులకు ఎల్ఐసీ స్కాల‌ర్‌షిప్‌లు.. పూర్తి వివ‌రాలు ఇవీ  |   బ్రేకింగ్: గ్రేటర్ లోని ఆ ప్రాంతంలో పోలింగ్ రద్దు: ఎన్నికల సంఘం  |  

హిందుస్థాన్ షిప్ యార్డు ప్రమాదంపై సీఎం కీలక ఆదేశాలు

విశాఖను వరుస ప్రమాదాలు వెంటాడుతున్నాయి. ఇటీవల గ్యాస్ లీకేజి ఘటన మరువక ముందే హిందుస్థాన్ షిప్ యార్డులో మరో ఘోర ప్రమాదం చోటుచేసుకుంది. షిప్ యార్డయిలో భారీ క్రేన్ కుప్పకూలడంతో 11 మంది మృతి చెందారు. రోజు వారీ విధుల్లో భాగంగా క్రేన్ తో లోడింగ్ పనులను పర్యవేక్షిస్తున్న సమయంలో ఒక్కసారిగా క్రేన్ విరిగి పడి ఈ ప్రమాదం సంభవించినట్టు తెలుస్తుంది.

ఈ ఘటనపై ముఖ్యమంత్రి వైఎస్ జగన్మోహన్ రెడ్డి తీవ్ర దిగ్బ్రాంతి వ్యక్తం చేసారు. ప్రమాద ఘటనపై వివరాలు అడిగి తెలుసుకున్నారు. క్షతగాత్రులకు తక్షణమే మెరుగైన సహాయం అందించాలని విశాఖ జిల్లా కలెక్టర్‌, విశాఖ నగర పోలీస్‌ కమిషనర్‌ను సీఎం జగన్ ఆదేశించారు. కాగా ప్రమాదం సంభవించిన సమయంలో అక్కడ 15 నుంచి 20 మంది కార్మికులు పనిచేస్తున్నట్టుగా తెలుస్తుంది.

సమాచారం అందుకున్న అధికారులు హుటాహుటిన ప్రమాద స్థలికి చేరుకుని సహాయక చర్యలు చేపట్టారు. గాయపడిన వారిని స్థానిక ఆసుపత్రికి తరలించి చికిత్స అందిస్తున్నారు. భారీ క్రేన్ కావడంతో దానిని తొలగించేందుకు మరికొంత సమయం పడుతుందని అధికారులు వెల్లడించారు. కాగా ఈ ఘటనలో మృతుల సంఖ్య పెరిగే అవకాశం ఉంది.

ఈ ఘటనలో మృతుల సంఖ్య 11 కు చేరింది. మరి కొందరు తీవ్రంగా గాయపడ్డారు. కాగా భద్రతా ప్రమాణాలను పాటించే హిందుస్థాన్ వంటి కంపెనీలో ప్రమాదం సంభవించడం ఆందోళన కలిగిస్తుంది. ఈ షిప్ యార్డులో ఇలాంటి ప్రమాదం జరగడం ఇదే తొలిసారి అని 30 ఏళ్లుగా అక్కడ పని చేస్తున్న కార్మికులు అభిప్రాయపడుతున్నారు.

Related News