logo

  BREAKING NEWS

క‌రోనా బాధితుల‌కు గ్రీన్ ఫంగ‌స్ ముప్పు..లక్ష‌ణాలు, జాగ్ర‌త్త‌లు ఇవే  |   FACK CHECK: క‌రోనా వ్యాక్సిన్ వేసుకుంటే శ‌రీరం అయ‌స్కాంతం అవుతుందా ?  |   కేతిరెడ్డికి జ‌గ‌న్ బంప‌ర్ ఆఫర్.. షాక్‌లో వైసీపీ ఎమ్మెల్యేలు  |   క‌రోనా వ్యాక్సిన్ వేసుకున్నాక ఈ ప‌నులు అస్స‌లు చేయ‌కండి  |   గుడ్ న్యూస్‌.. ఆ వ్యాక్సిన్ సామ‌ర్థ్యం 90 శాతం  |   నెయ్యి తింటే లావుగా అవుతారా ? నెయ్యి ఆరోగ్యానికి మంచిది కాదా ?  |   అరుదైన రికార్డు సొంతం చేసుకోనున్న బైరెడ్డి సిద్ధార్థ‌రెడ్డి  |   కేసీఆర్ మాస్ట‌ర్‌స్ట్రోక్‌.. హుజురాబాద్‌లో ఈట‌లకు క‌ష్ట‌మే  |   జూనియ‌ర్ ఎన్టీఆర్ వేరు జెండా.. కుప్పంలో కొత్త డిమాండ్‌  |   పెట్రోల్‌లో 20 శాతం ఇథ‌నాల్‌.. భారీగా త‌గ్గ‌నున్న ధ‌ర.. మ‌రెన్నో లాభాలు  |  

ప్రజలారా.. ఆ వార్తలు నమ్మొద్దు.. దుబ్బాక ఓటర్లకు ఉత్తమ్ విజ్ఞప్తి

ఓ న్యూస్ ఛానెల్ లోగోను ఉపయోగించి దుబ్బాక కాంగ్రెస్ అభ్యర్థి చెరుకు శ్రీనివాస్ రెడ్డి టీఆర్ఎస్ పార్టీలో చేరారని సోషల్ మీడియాలో ఫేక్ న్యూస్ ప్రచారం అవుతున్న సంగతి తెలిసిందే. సదరు న్యూస్ ఛానెల్ కూడా ఆ వీడియో తమది కాదని సైబర్ క్రైమ్ పోలీసులకు ఫిర్యాదు చేయడంతో తాజాగా దీనిపై టీపీసీసీ చీఫ్ ఉత్తమ్ కుమార్ రెడ్డి, రేవంత్ రెడ్డి ధ్వజమెత్తారు.

ఈ ఫేక్ న్యూస్ వెనుక ఉన్నది హరీష్ రావు, రఘునందన్ లే అనే అనుమానం కలుగుతుంది, వారిద్దరూ దగ్గరి బంధువులు కావడంతో తమ పార్టీపై కుట్రపన్నారని మండిపడ్డారు. దుబ్బాక ఎన్నికల్లో ఓటమి భయంతోనే ఓటర్లను ప్రలోభపెట్టే విధంగా తమ అభ్యర్థిపై ఇలాంటి దిగజారుడు రాజకీయాలకు పాల్పడుతున్నారంటూ సంచలన వ్యాఖ్యలు చేసారు.

చెరుకు శ్రీనివాస్ రెడ్డి అత్యంత నిజాయతీపరుడని, నిబద్దత గల వ్యక్తి అన్నారు. అతను గెలిస్తే నియోజకవర్గం అభివృద్ధి కోసం కృషి చేస్తానన్నారు. శ్రీనివాస్ రెడ్డి టీఆర్ఎస్ లో చేరినట్టుగా జరుగుతున్న ప్రచారాన్ని ఎవ్వరూ నమ్మవద్దని నియోజకవర్గ ప్రజలకు ఉత్తమ్ పిలుపునిచ్చారు.

“దుబ్బాకలో బీజేపీ, టీఆర్ఎస్ లు కాంగ్రెస్ ను నేరుగా ఎదుర్కోలేక వెన్నుపోటు రాజకీయానికి తెర తీశాయి. కాంగ్రెస్ అభ్యర్థి చెరుకు శ్రీనివాస్ రెడ్డి పై తప్పుడు ప్రచారాలకు తెగబడ్డాయి.తప్పుడు వార్తలను వ్యాప్తి చేయడాన్ని తీవ్రంగా ఖండిస్తున్నాను. ప్రజలు అనవసర గందరగోళాలకు గురి కావద్దు..” అంటూ రేవంత్ రెడ్డి ప్రజలకు విజ్ఞప్తి చేసారు.

Related News