logo

  BREAKING NEWS

బిగ్ బాస్ – 5 కంటెస్టెంట్స్ ఫైన‌ల్ లిస్టు ఇదే  |   ఈ సినిమాతోనే.. వేణు రీఎంట్రీ  |   రేవంత్ రెడ్డి తెచ్చిన జోష్‌.. కాంగ్రెస్‌లోకి బిగ్ బాస్ కంటెస్టెంట్‌  |   రామ‌ప్ప‌కు యునెస్కో గుర్తింపు.. ఇప్ప‌టివ‌ర‌కు మ‌న దేశంలో, ఏపీ, తెలంగాణ‌లో ఎన్ని గుర్తించారో తెలుసా ?  |   కోవీషీల్డ్ వ్యాక్సిన్ వేసుకున్న వారికి సూప‌ర్ న్యూస్‌  |   అస‌లు మ‌న‌లో వ్యాక్సిన్ ప‌ని చేస్తుందా ? తెలంగాణ‌లో స‌ర్వే  |   ఈసారి ప‌వ‌న్ పోటీ ఇక్క‌డి నుంచే ? గెలుపు ప‌క్కా  |   ఇండియా vs పాకిస్థాన్ మ్యాచ్‌కు డేట్ ఫిక్స్‌  |   స్వంత ఇలాఖాలో రేవంత్‌కు షాక్‌  |   ఇదేం ప‌ని.. ఐదో త‌ర‌గ‌తి పిల్ల‌ల‌కు స్కూళ్ల‌లోనే కండోమ్‌లా ?  |  

డ్రగ్స్ కేసులో టాలీవుడ్ హీరో, నిర్మాత?

టాలీవుడ్ లో మరోసారి డ్రగ్స్ కలకలం రేపుతున్నాయి. ఇటీవల కర్ణాటక రాష్ట్రంలో వెలుగుచూసిన డ్రగ్స్ కేసులో ఓ టాలీవుడ్ యువ హీరో పేరు కీలకంగా వినిపిస్తుంది. ఈ కేసులో తాజాగా హీరో తనీష్ తో పాటుగా మొత్తం ఐదుగురికి బెంగుళూరు పోలీసులు నోటీసులు పంపించారు. వీరంతా సిట్ ఎదుట విచారణకు హాజరు ఆదేశించారు.

2017 లో టాలీవుడ్ పరిశ్రమను ఊపేసిన డ్రగ్స్ వివాదం ఇప్పుడు మరోసారి హాట్ టాపిక్ గా మారింది. బెంగుళూరులో ఇటీవల వెలుగు చూసిన డ్రగ్స్ కేసులో పోలీసులు విదేశీయులను అరెస్టు చేశారు. విచారణ సందర్బంగా వారి ద్వారా మస్తాన్, విక్కీ మల్హోత్రా పేర్లు బయటకు వచ్చాయి. వారిని అదుపులోకి తీసుకుని ప్రశ్నించడంతో నిర్మాత శంకర్ గౌడ పేరు వెలుగులోకి వచ్చింది.

నిర్మాత శంకర్ గౌడ తన ఆఫీసుల్లో పార్టీలు నిర్వహిస్తాడని, ఈ సందర్భంగా పలువురు సెలబ్రిటీలు వచ్చి వెళ్తుంటారని పోలీసులకు సమాచారం అందింది. దీంతో శంకర్ గౌడ పార్టీలకు హాజరైన వారందరికీ సిట్ అధికారులు నోటీసులు పంపిస్తున్నారు. అయితే
హీరో తనీష్ డ్రగ్స్ ఆరోపణలు ఎదుర్కోవడం ఇది రెండవసారి కావడం గమనార్హం.

తనీష్ కు నోటీసులు జారీ చేసిన విషయాన్ని బెంగుళూరు పోలీసులు తాజాగా నిర్దారించారు. అయితే తనకు ఎలాంటి నోటీసులు అందలేదని, తాను హైద్రాబాద్ లోనే ఉన్నానని ఎలాంటి పార్టీలకు హాజరు కాలేదని తనీష్ చెప్తున్నాడు. బాలనటుడిగా సినీ పరిశ్రమలోకి అడుగుపెట్టిన తనీష్ ఆ తర్వాత హీరోగా పలు సినిమాల్లో నటించాడు. కొన్ని సినిమాలు నిరాశపరచడంతో కొంతకాలంగా సక్సెస్ కోసం ఎదురుచూస్తున్నాడు.

 

Related News