1994 లో వచ్చిన కామెడీ ఎంటర్టైనర్ కమ్ సోషియో ఫాంటసీ సినిమాగా తెరకెక్కిన ‘యమలీల’ ప్రేక్షకులను విపరీతంగా ఆకట్టుకుంది. అప్పటికే కమెడియన్ గా దూసుకుపోతున్న అలీని ఈ సినిమాలో హీరోగా ప్రకటించారు ప్రకటించి షాకిచ్చారు దర్శకుడు ఎస్వీ కృష్ణారెడ్డి. ఈ సినిమాలో ఆలీకి జోడిగా ఇంద్రజ నటించిన విషయం తెలిసిందే.
కానీ అంతకు ముందు ఈ సినిమాలో ఓ స్టార్ హీరోయిన్ ను అనుకున్నారట. మొదట యమలీల కథకు ఒకే చెప్పిన ఆ హీరోయిన్ హీరో అలీ అని తెలిసి ఆలోచనలో పడ్డారట. కొంతసమయం తీసుకుని నేను మీ సినిమాలో నటించలేనని చెప్పేసిందట. ఆమె ఎవరో కాదు దివంగత నటి సౌందర్య.
తాజాగా ఓ మీడియా ఛానెల్ కు ఇచ్చిన ఇంటర్వ్యూలో కమెడియన్ అలీ గురించి కొన్ని ఆసక్తికర విషయాలు వెల్లడించారు సినిమా దర్శకుడు. అప్పటికే సౌందర్య పెద్ద హీరోల సరసన ఆఫర్లు వస్తుండటంతో అలీతో నటిస్తే తన కెరీర్ కు ఇబ్బంది ఏర్పడొచ్చని మీరే ఆలోచించండి నేను ఈ సినిమా ఒప్పుకోవడం కరెక్టేనా అని అడిగారట.
ఒకవేళ మీరు హీరోగా నటిస్తే చేస్తానని అన్నారట. సౌందర్యకు ఆ సమయంలో ఒక్కటే మాట చెప్పను అలీ కోసం ఈ సినిమాలో ఎవరినైనా మార్చుకుంటాను కానీ అలీని మాత్రం మార్చలేను వంద శాతం ఈ సినిమాలో నటించడానికి అలీ అర్హుడు. . ఒక వేళ అలీ స్టార్ హీరో అయితే అప్పుడు నటిస్తావా అతని పక్కన అని అడిగారట కృష్ణారెడ్డి. అందుకు ఆమె షాకయ్యారట.
ఆ తర్వాత ‘శుభలగ్నం’ సినిమాలో అలీతో ఓ స్పెషల్ సాంగ్ లో హీరోయిన్ కోసం వెతుకుతున్న విషయం తెలిసి సౌందర్య స్వయంగా తానే అలీతో నటిస్తానని ముందుకొచ్చారట. అంతే కాదు ఆ రోజు ఎస్వీకృష్ణా రెడ్డితో జరిగిన సంభాషణను గుర్తు చేస్తూ ఆ రోజు అలీతో అవకాశం వదులుకున్నానన్న వెలితి నాలో ఊడిపోయింది. మీకు అభ్యంతరం లేకపోతె ఆ ఒక్క పాట నేను చేస్తానని బతిమిలాడారట. అది సౌందర్య గొప్పతనం అంటూ చెప్పుకొచ్చారు దర్శకుడు.
