logo

తెలంగాణలో టపాసుల ‘బ్యాన్’ పై సుప్రీం కోర్టు కీలక తీర్పు..!

తెలంగాణ వ్యాప్తంగా బాణాసంచా విక్రయాలు, కాల్చడంపై నిషేధం విధిస్తూ నిన్న తెలంగాణ హై కోర్టు తీర్పునిచ్చిన విషయం తెలిసిందే. కాగా ఈ తీర్పుతో తాను భారీగా నష్టపోతామంటూ బాణాసంచా విక్రయదారులు గగ్గోలు పెట్టారు. కోర్టు తీర్పుపై వారు సుప్రీం కోర్టును ఆశ్రయించారు. కోర్టు తీర్పుపై లంచ్ మోషన్ పిటిషన్ దాఖలు చేసారు.

దీంతో హై కోర్టు తీర్పుపై సుప్రీం ధర్మాసనం మధ్యంతర ఉత్తర్వులు జారీ చేసింది. హై కోర్టు తీర్పును సవరిస్తూ తెలంగాణలో గ్రీన్ క్రాకర్స్ ను కాల్చుకునే విధంగా అనుమతులు ఇచ్చింది. అదే విధంగా ఎన్జీటీ ఆదేశాలను అమలు చేయాలని పేర్కొంది. దీపావళి రోజు కేవలం 2 గంటలపాటు మాత్రమే టపాసులు కాల్చుకోవచ్చని, రాత్రి 8 గంటల నుంచి 10 గంటల వరకు మాత్రమే అనుమతులు ఇచ్చింది. సుప్రీం తీర్పుతో బాణాసంచా వ్యాపారులకు భారీ ఊరట లభించింది.

Related News