logo

  BREAKING NEWS

పెరిగిన బంగారం ధరలు 15.04.2021 బంగారం, వెండి ధరలు  |   బ‌జాజ్ చేత‌క్ మ‌ళ్లీ వ‌చ్చేసింది.. ధ‌ర ఎంతో తెలిస్తే ఎగిరి గంతేస్తారు  |   హ‌మ్మ‌య్య‌… ఆ వ్యాక్సిన్‌లు కూడా వ‌చ్చేస్తున్నాయి  |   మీ ఫేస్ బుక్ ఖాతా హ్యాక్ అయ్యిందా? మీ డేటా ఎక్కడైనా లీక్ అయ్యిందా? ఇలా తెలుసుకోండి  |   తగ్గిన బంగారం ధరలు 14.04. 2021 నాటి బంగారం, వెండి ధరలు  |   మళ్ళీ పెరిగిన బంగారం ధరలు 13.04.2021 నాటి బంగారం, వెండి ధరలు  |   శుభవార్త: భారత్ లో మరో వాక్సిన్ కు గ్రీన్ సిగ్నల్!  |   కరోనా సెకండ్ వేవ్: ఎక్కువ మందిలో బయటపడుతున్న లక్షణం ఇదే  |   బ‌ట్ట‌లు లేకుండా అమ్మాయిలు వీడియో కాల్ చేస్తారు టెంప్ట్ అయితే మీ ప‌ని ఖ‌తం  |   హలీమ్ తింటే బరువు పెరుగుతారా?  |  

దాదా సాహెబ్ ఫాల్కే అవార్డు గురించి ఈ విషయాలు మీకు తెలుసా?

దాదా సాహెబ్ ఫాల్కే అవార్డు ప్రతి ఏటా భారతీయ సినీరంగానికి విశేష సేవలు అందించిన వారిని వరిస్తుంది. అయితే ఈ పురస్కారాన్ని అందుకునేవారు చాలా అరుదుగా ఉంటారు. ఎవరికైనా ఈ అవార్డు దక్కింది అంటే వారు అందించిన ఎనలేని సేవలకు గుర్తుగా దానిని భావిస్తారు. అయితే ఈ అవార్డును భారతీయ సినిమాకు పితామహుడిగా భావించే దాదా సాహెబ్ ఫాల్కే జయంతి సందర్భంగా కేంద్ర ప్రభుత్వం ప్రకటిస్తుంది.

దాదా సాహెబ్ ఫాల్కే అసలు పేరు ధుండిరాజ్ గోవింద్ ఫాల్కే. భారతదేశం బ్రిటిష్ పాలనలో ఉన్న సమయంలో మహారాష్ట్రలోని టింబక్ అనే ఊరిలో 1870 ఏప్రిల్ 30 న ఈయన జన్మించారు. తొలి భారతీయ సినిమాను రూపొందించిన ఘనత ఫాల్కే సొంతం. చిన్ననాటి నంచి సృజనాత్మకత, కళలపై విపరీతమైన ఇష్టం పెంచుకున్న ఆయన విధ్యభయాసాన్ని కూడా ఫొటోగ్రఫీ డ్రామా, లిథోగ్రాఫీ లాంటి సబీజెక్టులతో పూర్తి చేశారు. కొంత కాలం పెయింటర్ గా, సినిమా సెట్లకు డిజైనర్ గా కూడా పని చేశారు. అయితే 1910లో ఏసుక్రీస్తు జీవితం ఆధారంగా రూపొందిన ‘ది లైఫ్ ఆఫ్ క్రైస్ట్’ అనే మూకీ సినిమాను ఆయన చూసారు.

ఈ సినిమా ఆయన జీవితాన్నే మలుపు తిప్పింది. తాను కూడా హిందూ దేవుళ్ళ పై ఇలాంటి సినిమాలను తీయాలని నిర్ణయించుకున్నారు. సినిమాలపై పరిశోధనలు చేయడానికి లండన్ వెళ్లి మరింత నైపుణ్యం పెంచుకున్నారు. ఆ తర్వాత 1913 లో భారత్ కు వచ్చిన ఆయన నిర్మాత, దర్శకుడిగా మారి రాజా హరిశ్చంద్ర అనే మూకీ సినిమాను తెరకెక్కించారు. ఆ తర్వాత హిందుస్థాన్ ఫిలిం కంపెనీని స్థాపించి లంకా దహన్, శ్రీ కృష్ణ జన్మ, సైరంధ్రి, శకుంతల లాంటి ఎన్నో పౌరాణిక సినిమాలను తీశారు. ఇవన్నీ ప్రేక్షకులను విపరీతంగా ఆకట్టుకున్నాయి.

ఇలా మొత్తం 95 సినిమాలను, 26 షార్ట్ ఫిలిమ్స్ ను తెరకెక్కించారు. అయితే జీవితంలో ఎంత సంపాదించారో అదంతా తిరిగి పరిశ్రమ కోసమే ఖర్చు చేసారు. ఎప్పుడైతే సినిమాలను సౌండ్ ఎఫెక్ట్స్ ఉపయోగించి తీయడం మొదలు పెట్టారో ఆనాటి నుంచి దాదా సినిమాలు మరుగున పడిపోయాయి. మూకీ సినిమాలకు ఆదరణ తగ్గిపోవడంతో ఆ తర్వాత దాదా సినిమాలు తీయడం మానేశారు. కానీ అప్పటివరకు హాలీవుడ్ పరిశ్రమకు మాత్రమే పరిమితమైన సినిమా అనే కాన్సెప్ట్ ను భారతీయులకు పరిచయం చేసిన వ్యక్తిగా దాదా సాహెబ్ ఫాల్కే పేరు చరిత్రలో నిలిచిపోయింది. 1944 ఫిబ్రవరి 16న నాసిక్‌లో దాదా మరణించారు.

మన దేశంలో ఈ అవార్డును అందుకున్న తెలుగు ప్రముఖులలో పైడి జైరాజ్, ఎల్వీ ప్రసాద్, అక్కినేని నాగేశ్వరరావు, డి.రామానాయుడు, కె. విశ్వనాథ్ లాంటి వారు ఉన్నారు. కాగా గతంలో అమితాబ్ బచ్చన్ ఈ అవార్డు వరించగా ఈ ఏడాది సూపర్ స్టార్ రజనీకాంత్ కు ఈ అవార్డును కేంద్రం ప్రకటించింది.

Related News