logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

హైదరాబాద్ లో నిజాం ప్రతిష్టించిన సీతారాములు.. ఎక్కడున్నారో తెలుసా?

భద్రాచలం రాముడి కల్యాణానికి హైదరాబాద్ రాజ్యం నుంచి పట్టు వస్త్రాలు, తలంబ్రాలు వెళ్లడం అనేది అనాదిగా వస్తున్న ఆనవాయితీ. కుతుబ్ షాహీల కాలంలో మొదలైన ఈ సంప్రదాయాన్ని నిజాం పాలకులు కూడా కొనసాగిస్తూ వచ్చారు. పరిమతసహనానికి హైదరాబాద్ ప్రతీకగా ఉండేదని ఈ సంఘటనలు తెలియజేస్తుంటాయి.

అయితే హైదరాబాద్ లో నిజాం చేతుల మీదుగా ప్రతిష్టించబడిన సీతారాముల ఆలయం ఒకటి ఉందని చాలా తక్కువ మందికి మాత్రమే తెలుసు. అదే రాంబాగ్ శ్రీరామాలయం. మూడో నిజాం అక్బర్ అలీ ఖాన్ హయాంలో హైదరాబాద్ సంస్థానంలో రాజా భవానీ పర్షాద్ ఉన్నత ఉద్యోగిగా ఉండేవారు. దురదృష్టవశాత్తు ఆయన చేతికందిన కొడుకుని పోగొట్టుకోవలసి వచ్చింది.

కుమారుడి మరణంతో కుంగిపోయిన ఆయన అత్తాపూర్ లో ఓ రామాలయాన్ని నిర్మించాలని అనుకున్నాడు. 10 ఎకరాల భూమిని సేకరించి ఆలయ నిర్మాణం చేపట్టాడు. గద్వాల్‌ సంస్థానం నుంచి సీతారామ, లక్ష్మణ విగ్రహాలను తెప్పించాడు. రామ భక్తుడైనప్పటికీ విగ్రహ ప్రతిష్టాపనను అప్పటి నిజాం మీర్ అక్బర్ అలీ ఖాన్ (సికిందర్ ఝా) చేతుల మీదుగా చేయించాలని అనుకున్నాడు.

ఆ విధంగా 1812లో రాంబాగ్ ఆలయంలో సీతారామ లక్ష్మణుల విగ్రహాలను నిజాం ప్రతిష్టించాడు. అలాగే ఆలయంలో పూజ కైంకర్యాలు కోసం 50ఎకరాల భూమిని కూడా రాసిచ్చారు. నిజాం ఏటా శ్రీరామనవమినాడు రామచంద్రుడికి పట్టువస్త్రాలు సమర్చించే వాడు. అమూల్యమైన ఆభరణాలను కూడా చేయించాడు. ఈ ఆలయం హైదరాబాద్ లో విభిన్న సంస్కృతుల కలయికను తెలియజేస్తుంది.

Related News