logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

వెండి సింహాలు మాయం… ఏపీలో మొద‌లైన మ‌రో వివాదం

ఆంధ్ర‌ప్ర‌దేశ్ దేవాదాయ శాఖ‌కు సంబంధించి మ‌రో వివాదం రాజుకుంది. అంత‌ర్వేది శ్రీ ల‌క్ష్మీనర‌సింహస్వామి ర‌థం దగ్ధం ఘ‌ట‌న‌కు సంబంధించి ఇక వివాదం చ‌ల్లార‌క‌ముందే మ‌రో వివాదాస్ప‌ద ఘ‌ట‌న చోటుచేసుకుంది. బెజ‌వాడ దుర్గ‌మ్మ ర‌థానికి ఉండే మూడు వెండి సింహాల బొమ్మ‌లు మాయ‌మ‌య్యాయి. ఈ ర‌థానికి నాలుగు వైపులా నాలుగు వెండి సింహాలు ఉంటాయి. ఇందులో మూడు మాయ‌మ‌య్యాయి.

దుర్గ‌మ్మ న‌వ‌రాత్రి ఉత్స‌వాలు స‌మీపిస్తున్న స‌మ‌యంలో ఇటువంటి ఘ‌ట‌న జ‌ర‌గ‌డం గ‌మ‌నార్హం. ఈ విష‌యం తెలుసుకున్న దేవాద‌య శాఖ మంత్రి వెల్లంప‌ల్లి శ్రీనివాస్ దేవాద‌య శాఖ క‌మిష‌న‌ర్ అర్జున్‌రావుతో క‌లిసి దుర్గ‌మ్మ ఆల‌యం వ‌ద్ద‌కు చేరుకొని ర‌థాన్ని ప‌రిశీలించారు. అనంత‌రం దేవాద‌య ఈవో నుంచి వివ‌రాలు అడిగి తెలుసుకున్నారు. సాయంత్రం లోపు ఈ ఘ‌ట‌న‌పై నివేదిక ఇస్తామ‌ని వెల్లంప‌ల్లి ప్ర‌క‌టించారు. ఆల‌యాల్లో ర‌థాల భ‌ద్ర‌త‌పై ప్ర‌త్యేక జాగ్ర‌త్త‌లు తీసుకుంటామ‌ని తెలిపారు.

కాగా, దుర్గమ్మ ర‌థం వెండి సింహాల మాయంపై బీజేపీ కూడా సీరియ‌స్ అయ్యింది. ఈ ఘ‌ట‌న గురించి తెలియ‌గానే బీజేపీ రాష్ట్ర అధ్య‌క్షుడు సోము వీర్రాజు ఇంద్ర‌కీలాద్రి చేరుకొని ర‌థాన్ని ప‌రిశీలించారు. దేవాద‌య శాఖ అధికారుల నిర్ల‌క్ష్యం వ‌ల్లే ఈ ఘ‌ట‌న జ‌రిగింద‌ని ఆయ‌న ఆరోపించారు. రాష్ట్రంలో చాలా చోట్లు ఇటువంటి సంఘ‌ట‌నే జ‌రుగుతున్న‌ట్లు సోము వీర్రాజు పేర్కొన్నారు. వెంట‌నే ఈ ఘ‌ట‌న‌పై విచార‌ణ జ‌రిపి దోషుల‌ను శిక్షించాల‌ని ప్ర‌భుత్వాన్ని డిమాండ్ చేశారు.

Related News