logo

  BREAKING NEWS

విశాఖ ప్లాంట్ తో మీకేంటి సంబంధం.. పార్లిమెంట్ సాక్షిగా కేంద్రం క్లారిటీ!  |   ఏపీ: అక్కడ ఎన్నికలకు హైకోర్టు బ్రేక్.. కీలక ఆదేశాలు!  |   మహిళ చెంప చెళ్లుమనిపించిన అశోక్ గజపతిరాజు.. కారణం ఇదే!  |   టీఆర్ఎస్ మహిళా మంత్రికి కరోనా.. ఆ నేతల్లో టెన్షన్!  |   విమెన్స్ డే: ఏపీ మహిళలకు సీఎం జగన్ శుభవార్త!  |   మ‌ళ్లీ పెరిగిన బంగారం ధ‌ర‌లు.. 07.03.2021 బంగారం ధ‌ర  |   ఫలించిన ‘శ్వేత రాయబారం’.. మనసు మార్చుకున్న బుద్ధా!  |   హిందూపురంలో సీన్ రిపీట్.. అభిమానికి విశ్వరూపం చూపించిన బాలయ్య!  |   నా అనుచరుడు ఒక్కడు చాలు.. నీ పని ఖతం: టీడీపీలో బుద్ధా వర్సెస్ కేశినేని  |   అవును అప్పులు చేసాం.. ఆ విషయం గర్వంగా చెప్తాం : మంత్రి బుగ్గన  |  

సొంత నియోజకవగంలో చంద్రబాబుకు కోలుకోలేని దెబ్బ!

ఏపీ మూడో విడత పోలింగ్ లో నారా చంద్రబాబు నాయుడుకు సొంత నియోజకవర్గంలోనే ఊహించని షాక్ తగిలింది. చిత్తూరు జిల్లా కుప్పం నియోజకవర్గానికి బాబు ప్రాతిధ్యం వహిస్తున్న విషయం తెలిసిందే. గ్రామ పంచాయతీ ఎన్నికల్లో కుప్పంలో వైఎస్సార్ కాంగ్రెస్ పార్టీ విజయ కేతనం ఎగురవేసింది. మూడు దశాబ్దాలుగా టీడీపీకి కంచుకోటగా ఉన్న కుప్పం నియోజకవర్గంలో టీడీపీ కుప్పకూలింది. మూడో విడత పోలింగ్ లో భాగంగా 80 శాతానికి పైగా వైసీపీ మద్దతుదారులు గెలుపొందారు.

కుప్పం నియోజకవర్గం పరిధిలో మొత్తం 89 గ్రామ పంచాయతీలకు ఎన్నికలు జరిగాయి. ఈ ఎన్నికల్లో వైసీపీ 74 చోట్ల విజయం సాధించగా టీడీపీ 14 పంచాయతీ స్థానాలను మాత్రమే గెలుచుకుంది. నియోగకవర్గంలోని గుడుపల్లెలో ఉన్న 18 స్థానాలలో 13 స్థానాలను వైసీపీ కైవసం చేసుకుంది.

శాంతిపురం 23 స్థానాలలో 20 స్థానాలను గెలుచుకుంది. అలాగే రామకుప్పం మండలంలో ఉన్న 22 పంచాయతీల్లో 20 వైసీపీ మద్దతుదారులకు దక్కాయి. దీంతో చంద్రబాబు నియోజకవర్గంలో వైసీపీ విజయ ఢంకా మోగించింది. బుధవారం నాడు 2,639 పంచాయతీల్లో పోలింగ్ జరిగిన విషయం తెలిసిందే. ఇందులో వైసీపీ మద్దతుదారులు 2,442 పంచాయతీ స్థానాల్లో విజయం సాధించారు. టీడీపీ 501 స్థానాలను గెలుచుకుంది.

Related News