logo

  BREAKING NEWS

మే 15 లోపు వాట్సాప్ ప్రైవసీ పాలసీని యాక్సెప్ట్ చేయకుంటే ఏమవుతుంది?  |   జ‌గ‌న్ – ష‌ర్మిల మ‌ధ్య విభేదాలు 100 % నిజం.. ఇదే సాక్ష్యం  |   శ‌త్రువులు కూడా ఈ విష‌యంలో జ‌గ‌న్‌ను శ‌భాష్ అంటారు  |   కరోనాను అడ్డుకునే అస్త్రం అదొక్కటే.. శుభవార్త చెప్పిన శాస్త్రవేత్తలు  |   శుభవార్త: తగ్గిన బంగారం ధరలు 16.04.2021 బంగారం, వెండి ధరలు  |   కరోనా తీవ్ర ఇన్ఫెక్షన్ వీరిలోనే ఎక్కువ.. కారణం ఇదే  |   పెరిగిన బంగారం ధరలు 15.04.2021 బంగారం, వెండి ధరలు  |   బ‌జాజ్ చేత‌క్ మ‌ళ్లీ వ‌చ్చేసింది.. ధ‌ర ఎంతో తెలిస్తే ఎగిరి గంతేస్తారు  |   హ‌మ్మ‌య్య‌… ఆ వ్యాక్సిన్‌లు కూడా వ‌చ్చేస్తున్నాయి  |   మీ ఫేస్ బుక్ ఖాతా హ్యాక్ అయ్యిందా? మీ డేటా ఎక్కడైనా లీక్ అయ్యిందా? ఇలా తెలుసుకోండి  |  

తెలంగాణలో మళ్ళీ మూతపడనున్న పాఠశాలలు.. ఆ తరగతులకు బ్రేక్?

దేశవ్యాప్తంగా కరోనా మహమ్మారి మరోసారి విరుచుకుపడే అవకాశాలు కనిపిస్తున్నాయి. ఈ నేపథ్యంలో గత కొన్ని రోజులుగా కరోనా కేసులు పెరుగుతున్నాయి. దీంతో సుదీర్ఘ విరామం తర్వాత ఇప్పుడిప్పుడే తెరుచుకున్న పాఠశాలల కొనసాగింపుపై సందిగ్దత నెలకొంది. మరో వైపు తెలుగు రాష్ట్రాల్లో కొన్ని పాఠశాలల్లో విద్యార్థులు,ఉపాధ్యాయులు కరోనా బారిన పడుతున్న విషయం తెలిసిందే. ఈ నేపథ్యంలో తెలంగాణ రాష్ట్ర ప్రభుత్వం పాఠశాలల కొనసాగింపుపై కీలక నిర్ణయం తీసుకోనున్నట్టుగా తెలుస్తుంది.

రాష్ట్రంలో గత ఫిబ్రవరి 24 వ తేదీ నుంచి 6వ తరగతి నుంచి 8వతరగతి వరకు విద్యార్థులకు పాఠశాలలను ప్రారంభించిన సంగతి తెలిసిందే. 1 నుంచి 5వ తరగతి విద్యార్థులకు మాత్రం ఇప్పుడే తరగతుల ద్వారా బోధన అవసరం లేదని నిర్ణయించింది. ఇప్పుడు కరోనా కేసులు పెరుగుతుండటంతో మొదలు పెట్టిన తరగతులను కూడా నిలిపివేసే దిశగా ప్రభుత్వం ఆలోచనలో ఉంది. అసెంబ్లీలో బడ్జెట్ సమావేశ సందర్భంగా ఈ విషయం సీఎం కేసీఆర్ దృష్టికి రావడంతో సీఎం ఈ అంశంపై స్పందించారు.

దీంతో మరో నాలుగు రోజుల్లో ఈ విషయంపై స్పష్టత వచ్చే అవకాశం ఉంది. ప్రభుత్వ వర్గాల నుంచి అందుతున్న సమాచారం మేరకు రాష్ట్రవ్యాప్తంగా 6,7,8 వ తరగతి విద్యర్థులకు ఇంటి వద్దనే డిజిటల్ లేదా ఆన్ లైన్ తరగతులను బోధించే విధంగా మార్పులు చేయనున్నారు. మరోవైపు 9వ తరగతి విద్యార్థులకు పరీక్షలు లేకుండానే పదవ తరగతికి ప్రమోట్ చేసే ఆలోచన కూడా ఉన్నట్టుగా తెలుస్తుంది.

ఇక 10 వ తరగతి పరీక్షలకు టైం టేబుల్ ఖరారు కావడం, ఇప్పటికే విద్యార్థులు ఫీజులు కూడా చెల్లించడంతో వీరికి తరగతులను ఆపేస్తే బోర్డు పరీక్షలు ఇబ్బందిగా మారతాయని అధికారులు భావిస్తున్నారు. రాష్ట్ర ప్రభుత్వం తాజా నిర్ణయంతో మరోసారి 6,7,8 వ తరగతి విద్యార్థులు ఇళ్లకే పరిమితం కానున్నట్టు తెలుస్తుంది.

Related News