logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

క్ష‌మించండి.. ర‌కుల్‌, సారా అలీ ఖాన్‌కు స‌మంత సారీ

డ్ర‌గ్స్ వినియోగదారులుగా ప్ర‌చారం జ‌రిగిన హీరోయిన్లు ర‌కుల్ ప్రీత్ సింగ్‌, సారా అలీ ఖాన్‌ల‌కు మ‌రో హీరోయిన్ స‌మంత సారీ చెప్పారు. నిజానికి స‌మంత త‌ప్పు ఏమీ లేక‌పోయినా నెటిజ‌న్లు, ప్ర‌జ‌ల త‌ర‌పున ఆమె వారిద్ద‌రికీ సారీ చెప్పారు. ఏం జ‌రిగిందంటే.. బాలీవుడ్ హీరో సుశాంత్ సింగ్ రాజ్‌పుత్ అనుమానాస్ప‌ద మృతి కేసులో ఆయ‌న ప్రేయ‌సి రియా చ‌క్ర‌వ‌ర్తిని పోలీసులు విచారించారు. ఈ క్ర‌మంలో డ్ర‌గ్స్ ముఠాతో ఆమెకు సంబంధాలు వెలుగులోకి వ‌చ్చారు.

దీంతో నార్కోటిక్స్ కంట్రోల్ బ్యూరో ఆమెపై కేసు న‌మోదు చేసి విచారిస్తోంది. ఈ క్ర‌మంలో రియా చ‌క్ర‌వ‌ర్తి బాలీవుడ్‌లో డ్ర‌గ్స్ వినియోగిస్తున్న 25 మంది ప్ర‌ముఖ‌ల పేర్లు బ‌య‌ట‌పెట్టార‌నే ప్ర‌చారం జ‌రిగింది. ఇందులో టాలీవుడ్ టాప్ హీరోయిన్ ర‌కుల్ ప్రీత్ సింగ్‌, బాలీవుడ్ హీరోయిన్ సారా అలీ ఖాన్ పేర్లు కూడా ఉన్న‌ట్లు వార్త‌లు వ‌చ్చాయి. మెయిన్‌స్ట్రీమ్ మీడియాలోనూ ఈ వార్త‌లు రావ‌డంతో నెటిజ‌న్లు నిజ‌మే అని న‌మ్మారు.

ర‌కుల్‌, సారాకు వ్య‌తిరేకంగా నెటిజ‌న్లు సోష‌ల్ మీడియాలో ఆరోప‌ణ‌లు, విమ‌ర్శ‌లు చేశారు. అయితే, బాలీవుడ్ ప్ర‌ముఖుల జాబితాను తామేమీ సిద్ధం చేయ‌లేద‌ని, అవ‌న్ని త‌ప్పుడు ప్ర‌చారాలేన‌ని ఎన్‌సీబీ అధికారులు వెల్ల‌డించారు. ర‌కుల్ ప్రీత్ సింగ్‌, సారా అలీ ఖాన్ పేర్లు కూడా లేవ‌ని, డ్ర‌గ్స్ ముఠా పేర్ల‌నే సేక‌రించామ‌ని తెలిపారు. దీంతో ఇన్నిరోజులుగా ర‌కుల్‌, సారాపై జ‌రుగుతున్న‌ది త‌ప్పుడు ప్ర‌చార‌మే అని తేలింది.

దీంతో నెటిజ‌న్లు ర‌కుల్ ప్రీత్ సింగ్‌, సారా అలీ ఖాన్‌కు సోష‌ల్ మీడియాలో క్ష‌మాప‌ణ‌లు చెబుతున్నారు. హీరోయిన్ స‌మంత కూడా సోష‌ల్ మీడియా వేదిక‌గా వీరికి సారీ చెప్పారు. వీరికి వ్య‌తిరేకంగా జ‌రిగిన ప్ర‌చారం కార‌ణంగా స‌మంత కూడా నెటిజ‌న్ల త‌ర‌పున ఈ సారీ చెప్పిన‌ట్లున్నారు.

Related News