logo

  BREAKING NEWS

ముగిసిన 5 గంటల డెడ్ లైన్.. ఎస్ఈసీకి అధికారుల షాక్!  |   కాంగ్రెస్ కొత్త అధ్యక్షుడికి ముహూర్తం ఫిక్స్.. కీలక ప్రకటన!  |   అయోధ్య రామ‌మందిరానికి ప‌వ‌న్ క‌ళ్యాణ్ భారీ విరాళం  |    గవర్నర్ తో నిమ్మగడ్డ భేటీ.. ఏం తెలుస్తారో?  |   చికెన్‌, కోడిగుడ్లు ఇలా తింటే డేంజ‌ర్‌.. fssai జాగ్ర‌త్త‌లు  |   తిరుపతి ఉపఎన్నిక పోరులో జనసేన అభ్యర్థి.. పవన్ క్లారిటీ!  |   బ్రేకింగ్‌: తెలంగాణ‌లో ఇక వారికి 10 శాతం రిజ‌ర్వేష‌న్లు  |   పంచాయతీ ఎన్నికలు: నిమ్మగడ్డకు ఉద్యోగ సంఘాల షాక్!  |   ‘కాబోయే సీఎం కంగ్రాట్స్’ వేదికపైనే షాకిచ్చిన మంత్రి.. కేటీఆర్ రియాక్షన్ ఇదే!  |   ప‌వ‌న్ క‌ళ్యాణ్ – రామ్‌చ‌ర‌ణ్‌తో ఇండియా టాప్ డైరెక్ట‌ర్ సినిమా..?  |  

నా కోసం వైఎస్సార్ అన్ని ర‌కాల ప్ర‌య‌త్నాలు చేశారు

తాను రాష్ట్ర స్థాయి నేత కావాల‌ని కోరుకునే వాడిన‌ని, రాజ‌కీయాల్లో త‌న‌కంటూ ఒక ప్ర‌త్యేక‌మైన పేజీ ఉండాల‌ని కోరుకుంటాన‌ని టీపీసీసీ వ‌ర్కింగ్ ప్ర‌సిడెంట్‌, మ‌ల్కాజ్‌గిరి ఎంపీ రేవంత్ రెడ్డి పేర్కొన్నారు. తాజాగా ఒక టీవీ ఛాన‌ల్‌కు ఇచ్చిన ఇంట‌ర్వ్యూలో రేవంత్ రెడ్డి ఆస‌క్తిక‌ర‌మైన వ్యాఖ్య‌లు చేశారు. తాను విద్యార్థి ద‌శ‌లో ఏబీవీపీలో ప‌ని చేసిన విష‌యాన్ని ఆయ‌న ధ్రువీక‌రించారు.

తాను చ‌దువుకునే రోజుల్లో కేవ‌లం ఏబీవీపీ, పీడీఎస్‌యూ, ఆర్ఎస్‌యూ విద్యార్థి సంఘాలు మాత్ర‌మే ఉండేవ‌ని, అప్ప‌టి ప‌రిస్థితుల నేప‌థ్యంలో తాను ఏబీవీపీ ద్వారా విద్యార్థి రాజ‌కీయాల్లోకి వ‌చ్చిన‌ట్లు ఆయ‌న చెప్పారు. ఆ త‌ర్వాత టీఆర్ఎస్ స్థాపించిన కొత్త‌లో మ‌హ‌బూబ్‌న‌గ‌ర్ జిల్లాలో ఆ పార్టీకి మ‌ద్ద‌తు ఇవ్వ‌మ‌ని కోరార‌ని, అందుకే కొంత‌కాలం టీఆర్ఎస్‌కు స‌హ‌క‌రించాన‌ని రేవంత్ స్ప‌ష్టం చేశారు.

అయితే, తాను మిడ్జిల్ జెడ్‌పీటీసీగా ఇండిపెండెంట్‌గా గెలిచాని, ఆ త‌ర్వాత మ‌హ‌బూబ్‌న‌గ‌ర్ స్థానిక సంస్థ‌ల ఎమ్మెల్సీగా కూడా ఇండిపెండెంట్‌గానే గెలిచాన‌ని చెప్పారు. దివంగత ముఖ్య‌మంత్రి వైఎస్ రాజ‌శేఖ‌ర్ రెడ్డి హ‌యాంలో, కాంగ్రెస్ పార్టీ హ‌వా న‌డుస్తున్న స‌మ‌యంలోనే త‌న‌ను పార్టీలో చేర్చుకోవ‌డానికి అన్ని ర‌కాల ప్ర‌య‌త్నాలు చేశార‌ని రేవంత్ రెడ్డి తెలిపారు. వైఎస్సార్ ఇప్పుడు లేరు కాబ‌ట్టి ఇంత‌కంటే ఎక్కువ చెప్ప‌లేన‌ని పేర్కొన్నారు.

Related News