logo

  BREAKING NEWS

ఓటీటీలో రిలీజైన కేజీఎఫ్: చాప్ట‌ర్‌-2..! కానీ షాకిచ్చిన అమెజాన్ ప్రైమ్‌  |   టాయిలెట్‌లో కెమెరా.. హోంమంత్రికి ఫిర్యాదు  |   కాబోయే భ‌ర్త మృతి.. ఆ యువ‌తి చేసిన ప‌నికి క‌న్నీళ్లు ఆగ‌వు  |   స‌లార్ సినిమాపై కిక్కిచ్చే వార్త‌  |   మ‌హేష్ – రాజ‌మౌళి సినిమాపై ఫుల్ క్లారిటీ ఇచ్చిన విజ‌యేంద్ర ప్ర‌సాద్‌  |   వంద‌ల ఎక‌రాల భూమి ఉన్న కుటుంబంలో కేసీఆర్ పుట్టారు  |   2022 – 23కు కేంద్రీయ విద్యాల‌య అడ్మిష‌న్లు ప్రారంభం.. పూర్తి వివ‌రాలు  |   నిరుద్యోగుల‌కు భారీ శుభ‌వార్త‌.. రైల్వేలో 2,65,547 ఖాళీలు  |   మ‌రో కొత్త ప‌థ‌కాన్ని ప్రారంభించ‌నున్న జ‌గ‌న్‌.. దేశంలోనే మొద‌టిసారి  |   అండ‌మాన్ ఎన్నిక‌ల్లో మ‌రోసారి స‌త్తా చాటేందుకు చంద్ర‌బాబు స్కెచ్‌  |  

బొడ్రాయి అంటే ఏమిటి? ఊరి మధ్యనే ఎందుకు ప్రతిష్టిస్తారు?

పల్లెల్లో ప్రతి గ్రామానికి సంబందించి ప్రధాన ద్వారం ఉంటుంది. దానినే ఊరి వాకిలి, పొలిమేర లాంటి పేర్లతో పిలుస్తారు. ఈ ద్వారం దగ్గర బొడ్రాయి అని పిలిచే గుండ్రటి ఆకారంలో ఒక రాయిని ప్రతిష్టిస్తారు. బొడ్రాయికి సంబందించిన సంస్కృతి మన దేశంలో జమిందారీ వ్యవస్థ నుంచీ ఉన్నట్టుగా ఆనవాళ్లు బయటపడ్డాయి. ఈ బొడ్రాయిని కొన్ని గ్రామాల్లో ఊరి బయట కట్టి ఉంచితే మరికొన్ని చోట్ల ఊరి నడి బొడ్డున దీనిని ప్రతిష్టిస్తారు. కొన్ని గ్రామాల్లో లింగయ్య పేరుతో పూజిస్తారు. వివాహాల సందర్భాల్లో ఆడపిల్ల ఊరు దాటి వెళ్ళేటప్పుడు, బయటి ఆడపిల్లలు ఆ ఊరికి కొత్త కోడళ్ళుగా అడుగుపెట్టేటప్పుడు గాని ఆ గ్రామ ప్రవేశ ద్వారం దగ్గర ఉండే బొడ్రాయికి పూజలు చేయిస్తారు.

ఆ తర్వాతనే గ్రామం విడిచి వెళ్లడం లేదా గ్రామంలోకి అడుగుపెట్టడం చేస్తారు. ఈ సందర్భంలో బొడ్రాయి దగ్గర పూజారులుగా ఆగ్రామంలోని బోయలు, తలారి ఉంటారు. గ్రామ దేవతల పూజల సమయంలో, శుభకార్యాలలో ఈ రాయి దగ్గరే జంతువులను బలిస్తారు. చివరకు ఊర్లో ఎవరైనా చనిపోయినా ఆ శవాన్ని ఈ రాయి దాటించాల్సిందే. ప్రతి గ్రామాల్లో బొడ్రాయి పండుగ పేరుతో ఉత్సవాలు జరుపుతారు. ఈ సందర్భంగా ఊరంతా ఒక చోట చేరి పండుగను జరుపుకుంటారు. అంతేకాకుండా గ్రామంలో అరిష్టం ఏర్పడినప్పుడు, కలరా, మశూచి లాంటి వ్యాధులు ఆ ఊర్లోకి ప్రవేశించకుండా గ్రామస్థులు బొడ్రాయి ప్రతిష్ట చేస్తారు. దీనిని మహాలక్ష్మి అంశగా భావిస్తారు. ఈ రాయిని ప్రతిష్ఠిస్తే ఆ గ్రామానికి చలువ చేకూరుస్తుందని ప్రజలు నమ్ముతారు.

గ్రామదేవతకు ప్రతినిథిగా ఈ రాయిని భావిస్తారు. ఇది గ్రామానికి ధ్వజస్థంభం లాంటిది. ఈ రాయిని ప్రతిష్టించే ఆ గ్రామంలోని ప్రజలకు కొన్ని ఆంక్షలను విధిస్తారు. ప్రతిష్ట జరిగే రోజు ఊర్లోని వారంతా గ్రామంలోనే ఉండాలి. ఊరు ధాటి ఎవరూ వెళ్లకూడదను. అలాగే పెళ్లిళ్లు చేసుకుని వెళ్లి వేరే చోట ఉండే ఇంటి ఆడపడుచులందరినీ పిలిపిస్తారు. దీనికి కారణం బొడ్రాయి అంటే ఊరి నడిబొడ్డును గుర్తించడం. ఊరి భౌగోళిక పరిమాణం, ఊరి నిర్మాణం పైన ప్రజలాంటిదరికీ అవగాహన కల్పించడం కోసమే ఈ పండుగ చేస్తారని అంటారు. అందులో భాగంగానే ఆడపడుచులను సైతం పిలుస్తారు. ఊరిలోని వారంతా కలిసి ఐక్యమత్యంగా ఉండాలని ఊరి బాగు కోసం ప్రతి ఒక్కరు ఆలోచించాలనేది దీని వెనక ఉన్న ప్రధాన ఆంతర్యం. ప్రతిష్ట చేయడమే కాకుండా ప్రతి ఏటా వార్షికోత్సవం ఉత్సవాలను జరపడం కూడా సంప్రదాయంగా వస్తుంది.

Related News