logo

  BREAKING NEWS

రేవంత్ రెడ్డి తెచ్చిన జోష్‌.. కాంగ్రెస్‌లోకి బిగ్ బాస్ కంటెస్టెంట్‌  |   రామ‌ప్ప‌కు యునెస్కో గుర్తింపు.. ఇప్ప‌టివ‌ర‌కు మ‌న దేశంలో, ఏపీ, తెలంగాణ‌లో ఎన్ని గుర్తించారో తెలుసా ?  |   కోవీషీల్డ్ వ్యాక్సిన్ వేసుకున్న వారికి సూప‌ర్ న్యూస్‌  |   అస‌లు మ‌న‌లో వ్యాక్సిన్ ప‌ని చేస్తుందా ? తెలంగాణ‌లో స‌ర్వే  |   ఈసారి ప‌వ‌న్ పోటీ ఇక్క‌డి నుంచే ? గెలుపు ప‌క్కా  |   ఇండియా vs పాకిస్థాన్ మ్యాచ్‌కు డేట్ ఫిక్స్‌  |   స్వంత ఇలాఖాలో రేవంత్‌కు షాక్‌  |   ఇదేం ప‌ని.. ఐదో త‌ర‌గ‌తి పిల్ల‌ల‌కు స్కూళ్ల‌లోనే కండోమ్‌లా ?  |   గుడ్‌న్యూస్‌.. క‌రోనా ముక్కు వ్యాక్సిన్ సూప‌ర్‌  |   ఈ కిట్‌తో మ‌న‌మే క‌రోనా టెస్టు చేసుకోవ‌చ్చు.. ధ‌ర ఎంతో తెలుసా ?  |  

సుశాంత్ కి ఇలాంటి పరిస్థితి రావడానికి కారణం వారేనా.?

బాలీవుడ్ హీరో సుశాంత్ సింగ్ రాజ్ పుత్ మరణం ప్రతి ఒక్కరిని కంటతడి పెట్టిస్తుంది. సినీ, రాజకీయ ప్రముఖులు సుశాంత్ మరణం పై తీవ్ర దిగ్బ్రతి వ్యక్తం చేసారు. వెండి తెరపై ఎంతో భవిష్యత్తు ఉన్న సుశాంత్ చిన్న వయసులోనే లోకాన్ని విడిచి వెళ్ళాడు. మానసిక సమస్యలే సుశాంత్ ని ఆత్మహత్యలు ప్రేరేపించాయని తెలుస్తుంది. కానీ సుశాంత్ అంతగా ఒత్తిడికి గురవ్వడానికి కారణాలేమిటి? ఇప్పుడు అతనికి ఎలాంటి ఆర్థిక ఇబందులు లేవు. ఒప్పుకుంటే గ్యాప్ లేకుండా సినిమాలు చేయగల క్రేజ్ అతని సొంతం. గ్రూప్ డాన్సర్ గా, టీవీ నటుడిగా కెరీర్ మొదలు పెట్టి ఒక్కో మెట్టు ఎదిగాడు.

ఎం ఎస్ ధోని బయోపిక్ లో నటించి జాతీయ స్థాయి గుర్తింపు తెచ్చుకున్నాడు. ఈ సినిమాతో ధోని అభిమానులంతా సుశాంత్ అభిమానులుగా మారిపోయారంటే ఆశ్చర్యం కలగక మానదు. జీవితంపై అతనికి ఎన్నో కళలు ఉన్నాయి. అంతరిక్షం పై ఉన్న ఇష్టంతో చంద్రుడిపై ఫ్లాట్ కొనుగోలు చేసిన మొదటి బాలీవుడ్ హీరో సుశాంతే. అయినా డిప్రెషన్ కు లోనయ్యాడు. బతకడం కంటే చావడమే నయమనుకునే స్థాయి అగాథంలోకి పడిపోయాడు. ఒక మనిషి ఒత్తిడికి గురైనప్పుడు ఇలాంటి తీవ్ర నిర్ణయాలే తీసుకుంటాడని వైద్య నిపుణులు చెప్తున్నారు.

కానీ అలాంటి పరిస్థితి సుశాంత్ కు ఎందుకొచ్చిందనేది ఇపుడు చాలా మందిని వేధిస్తున్న ప్రశ్న. సినీ తారల జీవితం మామూలు వ్యక్తుల కన్నా వేరుగా ఉంటుంది. సక్సెస్ ను అందుకునే ప్రయత్నంలో ఎన్నో చేదు అనుభవాలు ఎదురవుతాయి. ఇలాంటి సమయంలోనే సెలెబ్రిటీలు డిప్రెషన్ భారిన పడతారు. దీపికా పదుకునే, శృతి హాసన్ లాంటి ఎందరో తారలు కూడా మానసిక సమస్యలను ఎదుర్కున్న వారే. కానీ వారు ధైర్యంగా ఆ పరిస్థితి నుంచి బయటపడ్డారు. వారిని తిరిగి మామూలు మనుషుల్ని చేయడానికి వారి కుటుంబం, ప్రేమించిన వక్తులు ఇలా ఎవరో ఒకరు వారి వెంట నిలిచారు.

కానీ సుశాంత్ పరిస్థితి వేరు. అతను ప్రాణంగా ప్రేమించిన తన తల్లి 2002 లో సుశాంత్ ను వదిలి వెళ్ళిపోయింది. ఆమె మరణం తర్వాత సుశాంత్ తీవ్ర వేదనకు లోనయ్యాడని అప్పటి నుండి ఆ షాక్ లోనే ఉన్నాడని అతని సన్నిహితులు చెప్తున్నారు. సుశాంత్ ప్రియురాలు కూడా అతన్ని వదిలేసింది. 2016 లో వీరిద్దరి మధ్య బ్రేక్ అప్ అయినప్పుడు అంకిత ఓ ట్వీట్ చేస్తూ.. నువ్వు ఒంటరి అని అనుకోకు నేను నీతో లేకపోయినా నీ మనసులో ఎప్పటికీ ఉంటాను’ అని ఆమె తెలిపింది. అంటే సుశాంత్ అప్పటి నుండే ఒంటరి తనంతో బాధపడుతున్నారు అర్థమవుతుంది. ఆ ట్వీట్ ను ఇప్పుడు సుశాంత్ అభిమానులు వైరల్ చేస్తున్నారు.

ఆ తర్వాత రియా చక్రవర్తితో రిలేషన్ లో ఉన్నాడని వార్తలు వచ్చాయి. కానీ ఏ ఒక్కరు అతని మానసిక స్థితిని ఎందుకు అర్థం చేసుకోలేక పోయారు అని సందేహం కలుగుతుంది. ప్రేమించిన వ్యక్తులు ఒక్కొక్కరుగా దూరం కావడమే సుశాంత్ ను మానసికంగా కుంగిపోయేలా చేసిందా? మరోవైపు సుశాంత్ ను బాలీవుడ్ దూరం పెట్టింది అనే వాదనలు కూడా వినిపిస్తున్నాయి. నిర్మాత, దర్శకుడు కరణ్ జోహార్ సుశాంత్ మరణం పై స్పందిస్తూ… సంవత్సర కాలంగా సుశాంత్ ను పట్టించుకోలేదు. అది నను ఇంకా బాధిస్తుంది. అతని మరణం నాకో మేలుకొలుపు. ఇప్పటికైనా మానవ సంబంధాలను మరింతగా పెంచుకోవాల్సిన అవసరం ఎంతైనా ఉందని గ్రహించాను అంటూ ట్వీట్ చేసారు. ఆర్నెల్లుగా డిప్రెషన్ కు సుశాంత్ చికిత్స తీసుకుంటున్నాడు. కుటుంబానికి దూరంగా బాంద్రాలో తన ఫ్లాట్ లో ఉంటున్నాడు. పైగా ఈ ఒంటరి తనానికి తోడు అతని తల్లి జ్ఞాపకాలతో కుమిలిపోయాడు. చివరకు ప్రతి ఒక్కరికి విషాదాన్ని మిగిల్చి వెళ్ళిపోయాడు.

Related News