logo

  BREAKING NEWS

8 గంట‌ల కంటే ఎక్కువ ప‌ని చేయ‌డం ఎంత డేంజ‌రో తెలుసా ?  |   53 మంది మహిళా ఖైదీలకు సీఎం జగన్ శుభవార్త!  |   బీజేపీ ఎన్నికల మేనిఫెస్టో విడుదల: గ్రేటర్ ప్రజలపై వరాల జల్లు!  |   ఎడ‌మ చేతివాటం ఎందుకు వ‌స్తుంది ? వారిలో తేడా ఏముంటుంది ?  |   ఏబీ వెంకటేశ్వర్ రావుకు సుప్రీంలో షాక్..!  |   జ‌గ‌న‌న్న తోడు.. పేద‌ల‌కు రూ.10 వేలు.. ఇలా పొందాలి  |   ‘దమ్ముంటే కూల్చరా’.. అక్బరుద్దీన్ కు బండి సంజయ్ సవాల్!  |   మేయర్ పీఠాన్ని దక్కించుకోగానే వారిని తరిమికొడతాం .. పాతబస్తీపై బండి సంచల వ్యాఖ్యలు  |   కరోనా సెకండ్ వేవ్: తెలంగాణ సర్కార్ కీలక నిర్ణయం!  |   మహిళల భద్రతకు ‘అభయం’ యాప్.. ఎలా పనిచేస్తుంది? ప్రత్యేకతలేమిటి?  |  

ఆ రోజు రాత్రి 9 గంట‌ల‌కు పాక్ ప‌ని ఖ‌త‌మ‌య్యేదా ?

గ‌త ఏడాది పుల్వామాలో పాక్ ప్రేరేపిత ఉగ్ర‌వాదులు మ‌న సైనికుల వాహ‌న‌శ్రేణిపై దాడి చేసి సుమారు 40 మంది సైనికుల‌ను పొట్ట‌న పెట్టుకున్నారు. ఈ ఘ‌ట‌న‌తో మ‌న దేశం యావ‌త్తు ఆగ్ర‌హంతో ఊగిపోయింది. పాకిస్థాన్ ప‌న్నిన ఈ దుష్ట ప‌న్నాగానికి బ‌దులు తీర్చుకోవాల‌ని దేశ ప్ర‌జ‌లంతా ముక్త‌కంఠంతో కోరారు. పెద్ద ఎత్తున సైనికుల‌ను కోల్పోయిన ఈ సంఘ‌ట‌న‌పైన మ‌న ప్ర‌భుత్వం తీవ్రంగా స్పందించింది. పాకిస్థాన్‌కు బుద్ధి చెప్పాల‌ని నిర్ణ‌యించింది.

అదును చూసి వేటేసింది. పాకిస్థాన్ భూభాగంలోకి వెళ్లి మ‌రీ మ‌న ఎయిర్‌ఫోర్స్ దాడి చేసింది. ఉగ్ర‌వాద స్థావ‌రాల‌పై బాంబుల వ‌ర్షం కురిపించింది. పాక్‌కు ఒక్క‌సారిగా ఈ ప‌రిణామం షాక్‌కు గురి చేసింది. రెండు దేశాల మ‌ధ్య ఉద్రిక్త ప‌రిస్థితులు నెల‌కొన్నాయి. ఈ క్ర‌మంలో భార‌త భూభాగంలోకి చొచ్చుకొచ్చేందుకు ప్ర‌య‌త్నించిన పాకిస్థాన్‌కు చెందిన యుద్ధ విమానాన్ని మ‌న ఎయిర్‌ఫోర్స్ కుప్ప‌కూల్చింది. ఈ క్ర‌మంలో సాంకేతిక లోపంతో మ‌న యుద్ధ విమానం ఒక‌టి పాకిస్థాన్ భూభాగంలో కూలిపోయింది.

కూలిన విమానం పైల‌ట్‌, వింగ్ క‌మాండ‌ర్ అభినంద‌న్ వ‌ర్ధ‌మాన్ పాకిస్థాన్ సైనికుల‌కు ప్రాణాల‌తో చిక్కారు. శత్రువుకు చిక్కాన‌నే భ‌యం ఆయ‌న‌లో క‌నిపించ‌లేదు. పాక్ సైనికులు విచ‌క్ష‌ణార‌హితంగా ఆయ‌న‌పై దాడి చేసినా అభినంద‌న్ ఎక్క‌డా భ‌య‌ప‌డ‌కుండా వీరుడిలా నిల్చున్నాడు. అభినంద‌న్‌ను అదుపులోకి తీసుకున్న పాకిస్థాన్ మొద‌ట ఆయ‌నను అడ్డం పెట్టుకొని మ‌న దేశాన్ని ఇబ్బంది పెట్టాల‌ని అనుకుంది.

కానీ, అనూహ్యంగా అభినంద‌న్‌ను విడిచిపెట్టింది. అంత‌ర్జాతీయ ఒప్పందాలు, శాంతి స్థాప‌న కోస‌మే తాము అభినంద‌న్‌ను విడిచిపెడుతున్నామ‌ని చెప్పింది. ఈ సంఘ‌ట‌న జ‌రిగి సుమారు రెండేళ్లు కావొస్తోంది. అయితే, అభినంద‌న్‌ను విడిచిపెట్ట‌డానికి అస‌లు కార‌ణం ఏంట‌నేది ఇప్పుడు బ‌య‌ట‌కు వ‌చ్చింది. పాకిస్థాన్ వైపు నుంచే అప్పుడు జ‌రిగిన ప‌రిణామాలు బ‌య‌టకు వ‌చ్చాయి.

పాకిస్థాన్ విప‌క్ష ఎంపీ అయాజ్ సాధిక్‌ ఆ రోజు ప‌రిణామాల‌ను బాహాటంగా వెల్ల‌డించారు. ”అభినంద‌న్‌ను అదుపులోకి తీసుకున్న త‌ర్వాత పాక్ ప్ర‌భుత్వం అఖిల‌ప‌క్ష స‌మావేశం ఏర్పాటు చేసింది. ఈ స‌మావేశానికి పాక్ ఆర్మీ చీఫ్ క‌మ‌ర్ జావేద్ బాజ్వా కూడా హాజ‌ర‌య్యారు. స‌మావేశానికి హాజ‌రైన విదేశాంగ మంత్రి షా మొహ‌మ్మ‌ద్ ఖురేషీ ప‌రిణామాల‌ను వివ‌రించారు. అభినంద‌న్‌ను వెంట‌నే విడుద‌ల చేయాలి, లేక‌పోతే రాత్రి తొమ్మిది గంట‌లు పాకిస్థాన్‌పై భార‌త్ దాడి చేస్తుంద‌ని ఆయ‌న సంచ‌ల‌న విష‌యాన్ని చెప్పారు.

ఖురేషీ ఈ మాట‌లు చెబుతున్న‌ప్పుడు పాక్ ఆర్మీ చీఫ్ క‌మ‌ర్ జ‌వేద్ బాజ్వా కాళ్లు భ‌యంతో వ‌ణికాయి. ఆయ‌న భ‌య‌ప‌డ‌టం నాకు ఇంకా గుర్తింది” అంటూ అయాజ్ సాధిక్ సంచ‌ల‌న వ్యాఖ్య‌లు చేశారు. భార‌త్‌కు పాకిస్థాన్ ఎంత భ‌య‌ప‌డిందో ఈ ఘ‌ట‌న ఉదాహ‌ర‌ణ‌గా నిలుస్తోంది. అయితే, అయాజ్ సాధిక్ వ్యాఖ్య‌ల త‌ర్వాత పాక్ మ‌రోసారి స్పందించింది. కేవ‌లం శాంతి కోస‌మే తాము అభినంద‌న్‌ను విడుద‌ల చేశామ‌ని చెప్పుకుంది.

Related News