logo

  BREAKING NEWS

ఓటీటీలో రిలీజైన కేజీఎఫ్: చాప్ట‌ర్‌-2..! కానీ షాకిచ్చిన అమెజాన్ ప్రైమ్‌  |   టాయిలెట్‌లో కెమెరా.. హోంమంత్రికి ఫిర్యాదు  |   కాబోయే భ‌ర్త మృతి.. ఆ యువ‌తి చేసిన ప‌నికి క‌న్నీళ్లు ఆగ‌వు  |   స‌లార్ సినిమాపై కిక్కిచ్చే వార్త‌  |   మ‌హేష్ – రాజ‌మౌళి సినిమాపై ఫుల్ క్లారిటీ ఇచ్చిన విజ‌యేంద్ర ప్ర‌సాద్‌  |   వంద‌ల ఎక‌రాల భూమి ఉన్న కుటుంబంలో కేసీఆర్ పుట్టారు  |   2022 – 23కు కేంద్రీయ విద్యాల‌య అడ్మిష‌న్లు ప్రారంభం.. పూర్తి వివ‌రాలు  |   నిరుద్యోగుల‌కు భారీ శుభ‌వార్త‌.. రైల్వేలో 2,65,547 ఖాళీలు  |   మ‌రో కొత్త ప‌థ‌కాన్ని ప్రారంభించ‌నున్న జ‌గ‌న్‌.. దేశంలోనే మొద‌టిసారి  |   అండ‌మాన్ ఎన్నిక‌ల్లో మ‌రోసారి స‌త్తా చాటేందుకు చంద్ర‌బాబు స్కెచ్‌  |  

రామ్ చరణ్ మాస్టర్ ప్లాన్: ‘ఆర్ఆర్ఆర్’ తర్వాత రాబోయే భారీ సినిమాలు ఇవే!

బోయపాటి దర్శకత్వంలో వచ్చిన ‘వినయ విధేయ రామ’ సినిమా తర్వాత రామ్ చరణ్ నటించిన ఏ సినిమా విడుదలకాలేదు. జూనియర్ ఎన్టీఆర్ తో కలిసి నటిస్తున్న ఆర్ఆర్ఆర్ సినిమా షూటింగ్ లో చెర్రీ బిజీగా గడుపుతున్నాడు. ఈ సినిమాతోపాటుగా కొరటాల దర్శకత్వంలో తెరకెక్కుతున్న మెగాస్టార్ ‘ఆచార్య’ సినిమాలో స్టూడెంట్ లీడర్ గా కనిపించి ఫ్యాన్ కు ఐ ఫీస్ట్ అందించబోతున్నాడు. ఇదిలా ఉంటె ఈ సినిమాల ద్వారా వచ్చిన గ్యాప్ ను పూర్తిగా ఫిల్ చేయాలనుకుంటున్నాడు ఈ మెగా హీరో. అందుకే ఆర్ఆర్ఆర్ తర్వాత వరుస పెట్టి భారీ ప్రాజెక్టులకు ఒకే చేప్పేసాడు. అయితే ఈ ప్రాజెక్ట్స్ డీటెయిల్స్ తెలిస్తే అభిమానులు పండగ చేసుకోవడం ఖాయం. ఎందుకంటే ఒకటి కాదు రెండు కాదు దాదాపు అరడజనుకు పైగా సినిమాలతో సిద్దమవుతున్నాడు రామ్ చరణ్. అవన్నీ కూడా టాలీవుడ్ లో ప్రస్తుతం క్రేజీ డైరెక్టర్లుగా పేరున్న దర్శకులతోనే కావడం విశేషం.

ఆర్ఆర్ఆర్ తర్వాత రామ్ చరణ్ నటించబోయే సినిమాల లిస్టు చూస్తే.. ఇప్పటికే సంచలన దర్శకుడు శంకర్ తో ప్యాన్ ఇండియా సినిమాకు గ్రీన్ సిగ్నల్ ఇచ్చిన విషయం తెలిసిందే. ఈ సినిమా తర్వాత జెర్సీ డైరెక్టర్ గౌతమ్ తిన్ననూరి తో ఒక యాక్షన్ థ్రిల్లర్ ను చేయనున్నాడు. ప్రస్తుతం హిందీ జెర్సీ రేంక్ లో బిజీగా ఉన్నాడు. ఆర్ ఆర్ ఆర్ పూర్తవగానే శంకర్ సినిమాతో పాటుగానే ఈ సినిమాను కూడా సెట్స్ పైకి తీసుకెళ్లనున్నాడు. మరోవైపు వంశీ పైడిపల్లి చెప్పిన కథను ఒకే చేసాడు చరణ్. అయితే ఈ సినిమా ఎప్పుడు సెట్స్ పైకి వెళుతుందో చూడాలి. ‘చలో’, ‘భీష్మ’ లాంటి సినిమాలతో టాలీవుడ్ క్రేజీ డైరెక్టర్ల లిస్టులో చేరిపోయాడు వెంకీ కుడుముల. ఈ డైరెక్టర్ ఇప్పటికే మహెష్ బాబుతో ఓ భారీ ప్రాజెక్ట్ ఒకే చేయించాడు. అంతే కాకుండా ఇప్పుడు రామ్ చరణ్ కు ఓ మాంచి స్టోరీ చెప్పి ఇంప్రెస్ చేసాడు. ఈ కాంబినేషన్లో త్వరలోనే సినిమా ప్రకటించనున్నారు. ప్రస్తుతం ఎన్టీఆర్ తో సినిమా చేస్తున్న త్రివిక్రమ్ ఆ సినిమా తర్వాత రామ్ చరణ్ తో ఓ భారీ బడ్జెట్ మూవీని ప్లాన్ చేయనున్నాడని తెలుస్తుంది. అయితే ఈ సినిమాను పవన్ కళ్యాణ్ నిర్మిస్తారని టాక్ నెడుతుంది.

ఇదిలా ఉంటె అనిల్ రావిపూడి రామ్ చరణ్ ఇమేజ్ కు తగ్గట్టు ఓ హిల్లేరియస్ కథను రెడీ చేసుకున్నాడట. ఈ సినిమాపై చెర్రీ కూడా ఇంట్రెస్ట్ చూపుతున్నారని అన్ని ఒకే అయితే వెంటనే ఈ సినిమా పట్టాలెక్కబోతుందని సమాచారం. ఇక ఖైదీ, మాస్టర్ లాంటి సినిమాలతో దర్శకుడు లోకేష్ కనగరాజన్ పేరు మారుమోగిపోయింది. ఆచార్య, ఆర్అర్ఆర్ తర్వాత రామ్ చరణ్ ఈ దర్శకుడితో సినిమా చేసే అవకాశాలు ఎక్కువగా ఉన్నాయి. అయితే లోకేష్ మాత్రం కమల్ హాసన్ తో ఒక సినిమా చేస్తున్నాడు. ఆ తర్వాత జూనియర్ ఎన్టీఆర్ సినిమా ఫిక్స్ చేసాడు. ఆ తర్వాత రామ్ చరణ్ సినిమా ఉండవచ్చనే తెలుస్తుంది. ఈ సినిమాలతో పాటుగా అర్జున్ రెడ్డి డైరెక్టర్ సందీప్ రెడ్డి వంగ, మనం డైరెక్టర్ విక్రమ్ కే కుమార్ లతో సినిమా చేస్తాడనే ప్రచారం జరుగుతుంది.

Related News