logo

  BREAKING NEWS

క‌రోనా సెకండ్ వేవ్ అంటే ఏంటి ? మ‌న ద‌గ్గ‌ర ఎప్పుడు మొద‌ల‌వుతుంది ?  |   మీ ఫోన్‌లో ఈ 21 యాప్‌లు ఉన్నాయా ? ‌వెంట‌నే డిలీట్ చేసేయండి !  |   ప‌వ‌న్ క‌ళ్యాణ్ అంత రిస్క్ ఎందుకు తీసుకుంటున్నారు ?  |   క‌రోనా ప‌రీక్ష‌ల‌కు కొత్త విధానం.. ఇక క‌రోనా టెస్టులు సులువు, చౌక‌  |   క‌రోనా వ్యాక్సిన్ కావాలంటే బీజేపీకే ఓటేయాలా ?  |   గుడ్ న్యూస్: వ్యాక్సిన్ రిలీజ్ డేట్ చెప్పేసిన భార‌త్ బ‌యోటెక్‌  |   మీ పిల్ల‌ల‌కు ఉచితంగా కార్పొరేట్ స్థాయి హాస్ట‌ల్‌తో కూడిన‌ విద్య కావాలా  |   RRR టీజ‌ర్ కాపీ కొట్టారా..? ప్రూఫ్స్ చూపిస్తున్న నెటిజ‌న్లు  |   ఎన్నిక‌ల్లో గెలిస్తే ఉచితంగా క‌రోనా వ్యాక్సిన్‌… బీజేపీ హామీ  |   18 నెల‌ల జైలు జీవితం.. ఒక్క మాట‌తో వైఎస్సార్‌కు రాజీనామా లేఖ‌  |  

ఇక నుంచి ‘యాదాద్రి’ రైల్వే స్టేష‌న్‌

ఇంత‌కాలం యాదాద్రికి ప్ర‌త్యేక రైల్వే స్టేష‌న్ లేదు. కానీ, యాదాద్రికి ఆరు కిలోమీట‌ర్ల దూరంలో సికింద్రాబాద్ – కాజీపేట రైల్వే లైన్ మ‌ధ్య‌లో రాయ‌గిరి అనే రైల్వే స్టేష‌న్ ఉంది. యాదాద్రికి ఎవ‌రైనా రైలు మార్గం ద్వారా వెళ్లాలంటే ఈ రాయ‌గిరి రైల్వే స్టేష‌న్‌లోనే దిగాల్సి ఉంటుంది. యాదాద్రిని మ‌రింత అభివృద్ధి చేసి దేశంలోనే ప్ర‌సిద్ధ పుణ్య‌క్షేత్రాల్లో ఒక‌టిగా చేసేందుకు తెలంగాణ ప్ర‌భుత్వం ప‌నులు జ‌రుపుతోంది.

ఇప్ప‌టికే నూత‌న ఆల‌య నిర్మాణ ప‌నులు తుది ద‌శ‌కు చేరుకున్నాయి. ఈ నేప‌థ్యంలో రాయ‌గిరి రైల్వేస్టేష‌న్‌కు యాదాద్రి రైల్వే స్టేష‌న్‌గా నామ‌క‌ర‌ణం చేయాల‌ని తెలంగాణ ప్ర‌భుత్వం కేంద్ర రైల్వే శాఖ‌ను కోరింది. ఈ విన‌తి మేర‌కు రాయ‌గిరి స్టేష‌న్ పేరును యాదాద్రిగా మారుస్తూ కేంద్ర రైల్వే శాఖ ఉత్త‌ర్వులు జారీ చేసింది. ఈ ఉత్త‌ర్వులు త‌క్ష‌ణ‌మే అమ‌లులోకి రావ‌డంతో రాయ‌గిరి ఇక యాదాద్రి రైల్వే స్టేష‌న్‌గా మార‌నుంది.

హైద‌రాబాద్ నుంచి యాదాద్రికి ఎక్కువ‌గా భ‌క్తులు వెళుతుంటారు. యాదాద్రి చుట్టు ప‌క్క‌ల ప్రాంతాల ప్ర‌జ‌లు హైద‌రాబాద్‌కు ప్ర‌తి రోజూ వివిధ ప‌నులు చేసుకోవ‌డానికి వ‌స్తుంటారు. ఈ నేప‌థ్యంలో రాయ‌గిరి వ‌ర‌కు ఎంఎంటీఎస్ రైలును ఏర్పాటుచేయాల‌ని చాలా రోజులుగా ప్ర‌తిపాద‌న‌లు ఉన్నాయి. ఇప్పుడు రాయ‌గిరి పేరు యాదాద్రిగా మార‌డంతో ఈ ప్ర‌తిపాద‌న‌లు కూడా త్వ‌ర‌లోనే కార్య‌రూపం దాల్చే అవ‌కాశాలు క‌నిపిస్తున్నాయి.

Related News