logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

సైకో రాజు కేసులో సంచలన విషయాలు.. అతనితో ఉంటున్న ఆ మైనర్ బాలిక ఎవరు?

విశాఖలో ఆదివారం రోజున చోటుచేసుకున్న ఓ ఘటన కలకలం రేపుతోంది. సైకో రాజుగా పిలుస్తున్న ఓ యువకుడు మనిషి పుర్రెను తీసుకువచ్చి కాల్చుకు తినేందుకు ప్రయత్నిస్తుండగా స్థానికులు పోలీసులకు సమాచారం అందించారు. ఒళ్ళు జలదరించే ఈ ఘటన పాత నగరంలోని రెల్లి వీధిలో చోటుచేసుకుంది. కాగా నిన్న అతన్ని అరెస్టు చేసిన పోలీసులు అతనితో పాటు ఆ గదిలో ఉంటున్న మరో మైనర్ బాలికను కూడా అదుపులోకి తీసుకున్నారు.

ఈ కేసులో రాజును విచారించగా సంచలన విషయాలు వెలుగులోకి వచ్చాయి. నిందితుడు ఆ పుర్రెను మెడికల్ కాలేజీ నుంచి తెచ్చినట్టుగా చెప్పాడు. అంతేకాదు తాను శివ భక్తుడినని అందుకే పుర్రెను తెచ్చి పూజిస్తే మంచి జరుగుతుందనే ఉద్దేశ్యంతో ఇలా చేసానని దానిని తినడానికి కాదని చెప్పాడు. కాగా నిందితుడిని పోలీసులు ఈరోజు కోర్టులో హాజరుపరచనున్నారు.

ఐదేళ్ల క్రితం రాజు తండ్రి అనారోగ్యంతో మరణించాడని, అతని తల్లి కొడుకు విపరీతమైన ప్రవర్తనను తట్టుకోలేక ఇల్లు విడిచి వెళ్ళిపోయి మరో ప్రాంతంలో ఉంటున్నట్టుగా పోలీసులు గుర్తించారు. అతనికి ఒక సోదరి ఉండగా వివాహం చేసుకుని వెళ్ళిపోయినట్టుగా తెలుస్తుంది. దీంతో అడిగేవారు ఎవరూ లేకపోవడంతో రాజు చెడు వ్యసనాలకు బానిసగా మారాడు. అప్పుడప్పుడు చిన్న చిన్న దొంగతనాలకు కూడా పాల్పడేవాడు.

కాగా ఈ కేసులో అతనితోపాటుగా ఉంటున్న మైనర్ బాలికను విచారణ అనంతరం పోలీసులు విడిచిపెట్టారు. అయితే అసలు ఆ బాలిక ఎవరు? అతనితో ఆ గదిలో ఎందుకు ఉంటుంది? అనే విషయాలు మిస్టరీగా మారాయి. పోలీసులు ఈ విషయాల్ని వెల్లడించవలసి ఉంది.

Related News