logo

  BREAKING NEWS

అమిత్ షా వ్యాఖ్యలకు మంత్రి కేటీఆర్ కౌంటర్!  |   ఫామ్ హౌస్ నుంచి బయటకు వస్తేనే కదా తెలిసేది: కేసీఆర్ పై అమిత్ షా  |   వ్యాయామం ఏ వయసు వారు ఎంతసేవు చేయాలి: డబ్ల్యూహెచ్వో మార్గదర్శకాలు  |   బ్రేకింగ్: మంత్రి పేర్ని నానిపై హ‌త్యాయ‌త్నం  |   తెలంగాణలో కరోనా అప్ డేట్.. కొత్తగా నమోదైన కేసులు ఎన్నంటే?  |   ‘సర్జికల్ స్ట్రయిక్స్’ అంటే ఏమిటి? ఎలాంటి సందర్భాలలో నిర్వహిస్తారు?  |   బీజేపీ పార్టీలోకి తెలంగాణ ఫైర్ బ్రాండ్?… క్లారిటీ వచ్చేసింది!  |   మేజర్ సందీప్ ఉన్నికృష్ణన్: చరిత్ర మరువని రియల్ హీరో స్టోరీ!  |   8 గంట‌ల కంటే ఎక్కువ ప‌ని చేయ‌డం ఎంత డేంజ‌రో తెలుసా ?  |   53 మంది మహిళా ఖైదీలకు సీఎం జగన్ శుభవార్త!  |  

ప‌వ‌న్ క‌ళ్యాణ్ అంత రిస్క్ ఎందుకు తీసుకుంటున్నారు ?

తెలుగు సినీ ప‌రిశ్ర‌మ‌లో ఎక్కువ‌గా క్రేజ్‌, ఫ్యాన్ పాలోయింగ్ ఉన్న హీరోల్లో ప‌వ‌ర్ స్టార్ ప‌వ‌న్ క‌ళ్యాణ్ ముందుంటారు. ప‌వ‌న్ క‌ళ్యాణ్‌తో సినిమా తీయ‌డం ప్ర‌తీ ద‌ర్శ‌కుడికి ఒక క‌ల లాంటిది. కానీ, కొంద‌రికి మాత్ర‌మే ప‌వ‌న్‌తో సినిమా తీసే అవ‌కాశం ల‌భిస్తుంది. ఇటువంటి అవ‌కాశం ఇప్పుడు అనూహ్యంగా ఒక యువ ద‌ర్శ‌కుడికి వ‌చ్చింద‌నే ప్ర‌చారం అటు ప‌వ‌న్ క‌ళ్యాణ్ అభిమానుల‌ను, ఇటు సినీ ప‌రిశ్ర‌మ వ‌ర్గాల‌ను ఆశ్చ‌ర్యానికి గురి చేస్తోంది.

మ‌ల‌యాళంలో సూప‌ర్ హిట్ అయిన అయ్య‌ప్ప‌నుమ్ కోషియుం తెలుగు రీమేక్‌లో ప‌వ‌న్ క‌ళ్యాణ్ న‌టిస్తున్న విష‌యం తెలిసిందే. ఇది మ‌ల్టీస్టార‌ర్ సినిమా. ప‌వ‌న్ క‌ళ్యాణ్‌తో పాటు మ‌రో హీరోగా ద‌గ్గుబాటి రానా న‌టించ‌డం కూడా దాదాపుగా ఖ‌రారైంది. సితార ఎంట‌ర్‌టైన్‌మెంట్స్ బ్యాన‌ర్‌పై ఈ చిత్రాన్ని రూపొందిస్తున్నారు. గ‌త ఏడాది ఈ సినిమా మ‌ల‌యాళంలో ఎటువంటి అంచ‌నాలు లేకుండా విడుద‌లై భారీ హిట్ అయ్యింది.

ఇద్ద‌రు అగ్ర‌స్థాయి హీరోలు క‌లిసి న‌టిస్తున్న ప్ర‌తిష్ఠాత్మ‌క‌మైన ఈ సినిమాకు ఒక యువ ద‌ర్శ‌కుడు ద‌ర్శ‌క‌త్వం వ‌హించ‌బోతున్నాడ‌నేదే ఇప్పుడు అంద‌రినీ షాక్‌కు గురి చేస్తోంది. ఈ యువ ద‌ర్శ‌కుడి పేరు సాగ‌ర్ చంద్ర‌. నారా రోహిత్‌, శ్రీ విష్ణు హీరోలుగా అప్ప‌ట్లో ఒకడుండేవాడు అనే చిత్రానికి సాగ‌ర్ చంద్ర ద‌ర్శ‌క‌త్వం వ‌హించాడు. ఈ సినిమాకు మంచి పేరే వ‌చ్చినా, అంత‌గా హిట్ ఏమీ కాలేదు.

ఈ సినిమా త‌ర్వాత సాగ‌ర్ చంద్ర మ‌రే సినిమా కూడా చేయ‌లేదు. ఇలా త‌క్కువ అనుభ‌వం ఉన్న ఒక యువ ద‌ర్శకుడికి ఇంత పెద్ద సినిమా తీసే ఛాన్స్ ప‌వ‌న్ క‌ళ్యాణ్ ఇవ్వ‌డం ఆస‌క్తిక‌ర‌మే. ప‌వ‌న్ కళ్యాణ్ ఈ విషయంలో యంగ్ ట్యాలెంట్‌పై న‌మ్మ‌కంతో భారీ రిస్క్ చేస్తున్న‌ట్లు క‌నిపిస్తోంది. ఈ సినిమా క‌థ‌కు ప‌వ‌న్ క‌ళ్యాణ్ ఫిదా అయ్యార‌ని తెలుస్తోంది.

అందుకే ఈ సినిమాను వెంట‌నే ప‌ట్టాలెక్కించాల‌ని ఆయ‌న భావిస్తున్నారు. ప్ర‌స్తుతం వ‌కీల్ సాబ్ చిత్రంలో ప‌వ‌న్ న‌టిస్తున్నారు. ఈ సినిమా షూటింగ్ దాదాపుగా పూర్తి కావొచ్చింది. ఈ సినిమా త‌ర్వాత వ‌రుస‌గా మ‌రో మూడె సినిమాల‌కు ప‌వ‌న్ ఓకే చెప్పారు. కానీ, ఇప్పుడు వాటన్నింటి కంటే ముందే వ‌కీల్ సాబ్ పూర్తి కాగానే అయ్య‌ప్ప‌నుమ్ కోషియుమ్ రీమేక్‌ను ముందుగా టేక‌ప్ చేయాల‌ని ప‌వ‌న్ క‌ళ్యాణ్ భావిస్తున్నార‌ట‌.

ఈ సినిమా క‌థ చాలా ఆస‌క్తిక‌రంగా ఉంటుంది. ఒక ఎస్సై, ఒక రిటైర్డ్ ఆర్మీ ఆఫీస‌ర్ మ‌ధ్య చిన్నగా మొద‌లైన గొడ‌వ ఇద్ద‌రి మ‌ధ్య విభేదాలు, ప‌గ‌ల‌కు దారి తీస్తుంది. ఈ క్ర‌మంలో ఒక‌రిపై ఒక‌రు పైచేయి సాధించేందుకు ఇద్ద‌రూ అనేక ప్ర‌య‌త్నాలు చేస్తారు. ఇద్ద‌రు హీరోల మ‌ధ్య ఈ క‌థ కొత్త‌గా ఉంటుంది. అందుకే మ‌ల‌యాళంలో సినిమా గ్రాండ్ హిట్ అయ్యింది. తెలుగులోనూ హిట్ అవ్వ‌డం ఖాయ‌మే కావ‌చ్చు.

Related News