logo

  BREAKING NEWS

క‌రోనా బాధితుల‌కు గ్రీన్ ఫంగ‌స్ ముప్పు..లక్ష‌ణాలు, జాగ్ర‌త్త‌లు ఇవే  |   FACK CHECK: క‌రోనా వ్యాక్సిన్ వేసుకుంటే శ‌రీరం అయ‌స్కాంతం అవుతుందా ?  |   కేతిరెడ్డికి జ‌గ‌న్ బంప‌ర్ ఆఫర్.. షాక్‌లో వైసీపీ ఎమ్మెల్యేలు  |   క‌రోనా వ్యాక్సిన్ వేసుకున్నాక ఈ ప‌నులు అస్స‌లు చేయ‌కండి  |   గుడ్ న్యూస్‌.. ఆ వ్యాక్సిన్ సామ‌ర్థ్యం 90 శాతం  |   నెయ్యి తింటే లావుగా అవుతారా ? నెయ్యి ఆరోగ్యానికి మంచిది కాదా ?  |   అరుదైన రికార్డు సొంతం చేసుకోనున్న బైరెడ్డి సిద్ధార్థ‌రెడ్డి  |   కేసీఆర్ మాస్ట‌ర్‌స్ట్రోక్‌.. హుజురాబాద్‌లో ఈట‌లకు క‌ష్ట‌మే  |   జూనియ‌ర్ ఎన్టీఆర్ వేరు జెండా.. కుప్పంలో కొత్త డిమాండ్‌  |   పెట్రోల్‌లో 20 శాతం ఇథ‌నాల్‌.. భారీగా త‌గ్గ‌నున్న ధ‌ర.. మ‌రెన్నో లాభాలు  |  

మ‌ళ్లీ తెర‌పైన శ్రీహ‌రి, సౌంద‌ర్య‌ను చూసే అరుదైన‌ అవ‌కాశం

న‌టుడు శ్రీహ‌రి మ‌ర‌ణించి ఏడేళ్ల‌వుతున్నా ఆయ‌న‌ను మాత్రం తెలుగు సినీ ప్రేక్ష‌కులు మ‌రిచిపోలేదు. శ్రీహ‌రి న‌టించిన సినిమాలు టీవీల్లో వ‌స్తున్నాయంటే క‌చ్చితంగా ఆ సినిమా మొత్తం చూసే వారు చాలా మంది ఉంటారు. కొన్ని కొత్త సినిమాలు చూసిన‌ప్పుడు ఈ క్యారెక్ట‌ర్ శ్రీహరికి స‌రిగ్గా స‌రిపోతుండే అని ఆయ‌న‌ను గుర్తు చేసుకుంటూ ఉంటారు. తెలుగు సినీ ప‌రిశ్ర‌మ కోల్పోయిన అద్భుత‌మైన న‌టుల్లో శ్రీహ‌రి ఒక‌రు.

49 ఏళ్ల‌కే మ‌ర‌ణించిన శ్రీహ‌రి తెలుగుతో పాటు హిందీ, క‌న్న‌డ‌, త‌మిళ సినిమాల్లో హీరోగా, విల‌న్‌గా న‌టించి సినిమా రంగంలో చెర‌గ‌ని ముద్ర వేశారు. అందుకే తెలుగునాట శ్రీహ‌రికి చాలా మంది అభిమానులు ఉన్నాయి. కేవ‌లం శ్రీహ‌రి న‌ట‌న‌కే ఆయ‌న సేవాభావానికి కూడా అభిమానులు ఉన్నారు. గ‌త ఏడేళ్లుగా శ్రీహ‌రిని తెర‌మీద చూసే అవ‌కాశం కోల్పోయిన అభిమానుల‌కు ఇప్పుడు ఆ అవ‌కాశం ల‌భిస్తోంది. పైగా ప‌దిహేడేళ్ల క్రితం యువ‌కుడి ఉన్న శ్రీహ‌రిని తెర‌పై చూడ‌వ‌చ్చు.

కేవ‌లం శ్రీహ‌రినే కాదు మ‌నంద‌రి అభిమాన హీరోయిన్ల‌లో ఒక‌రైన సౌంద‌ర్య‌ను కూడా తెర‌పై చూడ‌వ‌చ్చు. ప‌ద‌హారేళ్ల క్రితం చిన్న వ‌య‌స్సులోనే ఎంతో అమూల్య‌మైన కెరీర్ ఉన్న సౌంద‌ర్య హెలీకాఫ్ట‌ర్ ప్ర‌మాదంలో మ‌ర‌ణించారు. ఆమె న‌ట‌న అద్భుతం. ఇప్ప‌టివ‌ర‌కు తెలుగునాట మంచి హీరోయిన్ల లిస్టు తీస్తే సౌంద‌ర్య క‌చ్చితంగా ఆ లిస్టులో ఉంటారు. సౌంద‌ర్య న‌ట‌న‌ను చూసే అవ‌కాశం కోల్పోయిన వారికి ఇప్పుడు ఆ అవ‌కాశం ల‌భించింది.

ఎలాగంటే.. నంద‌మూరి బాల‌కృష్ణ డైరెక్ట‌ర్‌గా ప‌దిహేడేళ్ల క్రితం న‌ర్త‌న‌శాల అనే సినిమా ప్రారంభ‌మైంది. కొంత‌కాలం షూటింగ్ కూడా జ‌రిగి అనివార్య కార‌ణాల వ‌ల్ల ఆగిపోయింది. ఈ సినిమాలో అర్జునుడిగా బాల‌కృష్ణ‌, భీముడిగా శ్రీహ‌రి, ద్రౌప‌దిగా సౌంద‌ర్య న‌టించారు. కొన్నాళ్ల‌కే చనిపోతార‌న‌గా సౌంద‌ర్య ఈ సినిమాలో న‌టించారు. అప్పుడు ఆగిపోయిన న‌ర్త‌న‌శాల సినిమా బాల‌కృష్ణ కెరీర్‌లో ఒక వెలితి.

ఇప్పుడు ద‌సరా పండుగ కానుక త‌న అభిమానుల‌కు న‌ర్త‌న‌శాల సినిమాను కానుక‌గా ఇవ్వ‌నున్నారు. ఈ సినిమాకు సంబంధించిన 17 నిమిషాల నిడివి గ‌ల వీడియోను శ్రేయాస్ ఈటీ ప్లాట్‌ఫార్మ్ పై ఆన్‌లైన్‌లో విడుద‌ల చేయ‌నున్నారు. ఇప్ప‌టికే ఈ సినిమా టిక్కెట్ల విక్ర‌యం ప్రారంభ‌మైంది. రూ.50కి ఈ టిక్కెట్ విక్రయిస్తుండ‌గా కొంద‌రు బాల‌య్య అభిమానులు ఏకంగా 10 ల‌క్ష‌ల‌కు ఒక‌టి చొప్పున కొంటున్నారు. అయితే, ఈ సినిమా కేవ‌లం బాలయ్య అభిమానుల‌కే కాదు శ్రీహ‌రి, సౌంద‌ర్య అభిమానుల‌కు కూడా అపురూప కానుక‌.

Related News