logo

  BREAKING NEWS

మీనా భ‌ర్త మృతికి అస‌లు కార‌ణం ఇదే  |   మీ సిబిల్ స్కోర్ ఈజీగా పెంచుకోండి ఇలా  |   అంబాసిడ‌ర్ మ‌ళ్లీ వ‌స్తోంది.. కొత్త లుక్ సూప‌ర్‌  |   తిరుప‌తి రైల్వే స్టేష‌న్‌పై వివాదం.. డైరెక్ట‌ర్ నాగ్ అశ్విన్ ట్వీట్‌  |   వామ్మో.. ఓలా బైక్ ఎలా విరిగిపోయిందో చూడండి  |   ప‌వ‌న్ క‌ళ్యాణ్‌కు అందుకే నా మీద కోపం.. షాకింగ్ విష‌యం చెప్పిన‌ రాజ‌శేఖ‌ర్‌  |   ఆంటీతో యువ‌కుడి వివాహేత‌ర సంబంధం.. చివ‌ర‌కు విషాదాంతం  |   కేంద్రం బాట‌లో రాష్ట్రాలు.. భారీగా త‌గ్గుతున్న పెట్రోల్ ధ‌ర‌లు  |   దావోస్‌కు వెళ్లిన టీడీపీ ఎంపీ.. కేంద్ర‌మంత్రితో ఫోటో  |   రేవంత్ రెడ్డిని డిస్‌మిస్ చేయండి.. రాహుల్ గాంధీకి బండ్ల గ‌ణేష్ ఫిర్యాదు  |  

కరోనా బారిన పడ్డారా? చికిత్స ఎలా? ఆక్సిజన్ ఎక్కడ దొరుకుతుంది? ఆసుపత్రుల వివరాలు అన్నిటికీ ఒకటే యాప్

కరోనా బారిన పడిన కుటుంబాలు చితికిపోతున్నాయి. ఓ వైపు మహమ్మారి బారిన పడ్డామనే మనోవేదన మరో వైపు వైద్య సహాయం కోసం పడిగాపులు. ఎలాంటి సేవలు ఎక్కడ దొరుకుతాయో తెలియక అయోమయానికి గురవుతున్నారు. ఇలాంటి వారంతా సోషల్ మీడియాలో తమ ఆవేదనని పంచుకుంటున్నారు. కొంత మంది ప్లాస్మా కావాలని, మరికొంత మంది తమ వారికి ఆక్సిజన్ దొరకడం లేదని, రెమిడెసీవీర్ కావాలని ఇలా అనేక రకాల ప్రశ్నలు.

కొంత మంది దాతలు ఈ వినతులకు స్పందించి సహాయం చేయడానికి ముందుకొస్తున్నారు. ఈ విపత్కర పరిస్థితుల్లో కరోనాకు సంబందించిన పూర్తి సమాచారాన్ని ఓ యాప్ అందిస్తుంది. ‘హైద్రాబాద్ కోవిడ్ రిసోర్సెస్’ పేరిట ఇద్దరు హైద్రాబాద్ అమ్మాయిలు ఈ యాప్ ను రూపొందించారు. ఈ యాప్ లో కరోనాకు అవసరమైన చికిత్స, మందులు, ఉచిత బెడ్లు, చికిత్స అందిస్తున్న ఆసుపత్రుల వివరాలు, అంబులెన్సులను సంబందించిన ఫోన్ నంబర్లతో కూడిన డేటాను పొందుపరిచారు. ఇందులో ఉన్న ప్రతి సమాచారం వెరిఫై చేసి నిర్దారించుకున్నదే అని యాప్ రూపకర్తలు మేఘా కాద్రి, వెన్సీ కృష్ణా లు పేర్కొన్నారు. వినియోగదారులు సమాచారం కోసం hydcovidresources.com ను సందర్శించవచ్చు.

యాప్ విడుదలైన రెండు రోజుల్లోనే 50 వేలకు పైగా దీనిని వినియోగించుకున్నారు. రోజుకి 5 వేల మంది చొప్పున యాప్ లో ఉన్న సమాచారాన్ని తెలుసుకుంటున్నారు. కోవిడ్ బారిన పడినవారికి అవసరమైన సమాచారం అందిస్తుండటంతో ఇలాంటి యాప్ మా కోసం కూడా రూపొందించాలని బెంగుళూరు, ముంబై నగరాల నుంచి అభ్యర్థనలు వెల్లువెత్తుతున్నాయి. త్వరలోనే ఈ యాప్ సేవలు ఇతర రాష్ట్రాలకు కూడా విస్తరించే విధంగా నిర్వాహకులు ప్రయత్నాలు చేస్తున్నారు.

Related News
%d bloggers like this: