logo

  BREAKING NEWS

పాపం.. కొన్న మూడు నెల‌ల‌కే న‌డిరోడ్డుపై కాలిపోయిన కారు

ఓ వ్య‌క్తి ఎన్నో క‌ల‌లు క‌ని, క‌ష్టార్జితాన్ని రూపాయి రూపాయి ఆదా చేసుకొని కొనుక్కున్న కారు మూడు నెల‌ల‌కే కాలిపోయింది. మ‌ల్కాజ్‌గిరి విమ‌లాదేవి న‌గ‌ర్‌కు చెందిన వెంక‌ట్‌రెడ్డి అనే వ్య‌క్తి మూడు నెల‌ల క్రితం కుషాయిగూడ‌లోని ఓ షోరూంలో రెనౌల్ట్ క్విడ్ కారును కొనుగోలు చేశారు. ఇవాళ కారులో ప‌నిపై బ‌య‌ట‌కు వెళ్ల‌గా మ‌ల్కాజ్‌గిరి ఆనంద్‌బాగ్ ప్రాంతంలో కారులో ఒక్క‌సారిగా మంట‌లు వ్యాపించాయి. దీంతో కారులో ప్ర‌యాణిస్తున్న వారు అప్ర‌మ‌త్త‌మై వెంట‌నే దిగిపోవ‌డంతో సుర‌క్షితంగా బ‌య‌ట‌ప‌డ్డారు. కారు పూర్తిగా ద‌‌గ్ధ‌మైంది. కారు కొన్న మూడు నెల‌ల‌కే న‌డిరోడ్డుపైన కాలిపోవ‌డంపై కారు ఓన‌ర్ ఆవేద‌న వ్య‌క్తం చేస్తున్నారు. ఈ విష‌య‌మై కారు కొనుగోలు చేసిన షోరూంకు ఫోన్ చేసినా స‌రిగ్గా స్పందించ‌లేద‌ని ఆయ‌న ఆరోపించారు.

Related News