logo

  BREAKING NEWS

మహిళలు పీరియడ్స్ సమయంలో వాక్సిన్ తీసుకుంటే ప్రమాదమా?  |   బీపీ, షుగర్ ఉన్నవారు వాక్సిన్ వేసుకోవచ్చా..?  |   కోవిడ్ చికిత్సకు కొత్త మందు.. ఆమోదించిన డీసీజీఐ, ఒక్క డోసుతో కరోనా ఆటకట్టు  |   కరోనా రోగులకు ఆక్సిజన్ స్థాయిలు అమాంతం పెంచే టెక్నిక్.. సూచించిన ఆరోగ్య శాఖ  |   మళ్ళీ తగ్గిన బంగారం ధరలు: 24.04. 2021 బంగారం, వెండి ధరలు  |   మౌత్ వాష్ లతో తగ్గుతున్న కరోనా ముప్పు.. నోట్లోనే వైరస్ ఖతం!  |   రూ. 50 వేల ప్రారంభ వేతనంతో.. డీఎఫ్‌సీసీఐఎల్ ప్రభుత్వ రంగ సంస్థలో భారీగా ఉద్యోగాలు  |   కరోనా రోగులకు శుభవార్త: ఇంట్లోనే ఆక్సిజన్.. ఈ ఒక్కటి ఉంటె చాలు!  |   కరోనా తిప్పలు తీరుస్తున్న ‘తిప్పతీగ’.. మహమ్మారికి దివ్యౌషధం, కరోనా సోకినా ఏమీ చేయలేదట!  |   కరోనా బారిన పడ్డారా? చికిత్స ఎలా? ఆక్సిజన్ ఎక్కడ దొరుకుతుంది? ఆసుపత్రుల వివరాలు అన్నిటికీ ఒకటే యాప్  |  

MGNF-2021 నోటిఫికేషన్: నెలకు రూ. 60,000 ఫెలోషిప్.. అర్హతలు ఇవే!‌

విద్యార్థులకు, నిరుద్యోగులకు కేంద్ర ప్రభుత్వం నుంచి మరో అద్భుతమైన అవకాశం లభించనుంది. కేంద్ర ప్రభుత్వం నుంచి మహాత్మా గాంధీ ఫెలోషిప్- MGNF కు సంబందించిన నోటిఫికేషన్ విడుదలైంది. ఈ ఫెలోషిప్ కు ఎంపికయ్యే అభ్యర్థులకు దేశాభివృద్ధిలో తమవంతు సహకారం అందించే సువర్ణావకాశం లభిస్తుంది. రెండేళ్ల పాటు ఉండే ఈ ఫెలోషిప్ లో అభ్యర్థులకు మొదటి ఏడాది నెలకు రూ. 50 వేలు రెండో ఏడాది నుంచి నెలకు రూ. 60 వేల స్టయిఫండ్ లభిస్తుంది.

కేంద్ర స్కిల్ డెవలప్ మెంట్, ఆంట్రప్రెన్యూర్షిప్ మంత్రిత్వ శాఖ దేశంలోని 69 జిల్లాల్లో ఈ పైలట్ పద్దతిని ప్రారంభిందించి. తాజాగా మహాత్మాగాంధీ నేషనల్ ఫెలోషిప్ ను ప్రారంభించింది. వరల్డ్ బ్యాంకు సహకారంతో సంకల్ప్ ప్రోగ్రామ్ లో భాగంగా ఈ ఫెలోషిప్ లను అందిస్తుంది కేంద్రం. ఈ ఫెలోషిప్ కు ఎంపికయ్యే అభ్యర్థులకు దేశంలోనే అత్యత్తమమైన 9 ఐఐఎంలలో శిక్షణ ఇప్పిస్తారు. అందులో భాగంగా ఐఐఎం విశాఖపట్నం, ఐఐఎం అహ్మదాబాద్, ఐఐఎం లక్నో, ఐఐఎం బెంగళూరు, ఐఐఎం ఉదయ్‌పూర్, ఐఐఎం నాగ్‌పూర్, ఐఐఎం రాంచీ, ఐఐఎం జమ్మూ, ఐఐఎం కోజికోడ్ ఈ ఫెలోషిప్ లను అందిస్తున్నాయి.

ఇందులో రెండు దశల ట్రైనింగ్ ప్రోగ్రామ్ ఉంటుంది. మొదటి దశలో ఐఐఎంలలో శిక్షణ, రెండో దశలో డిస్ట్రిక్ట్ స్కిల్ కమిటీ, డిస్ట్రిక్ట్ స్కిల్ అడ్మినిస్ట్రేషన్‌తో కలిసి పని చేసే అవకాశం లభిస్తుంది. ఈ ఫెలోషిప్ ద్వారా దేశంలోని స్కిల్ డెవలప్మెంట్ వ్యవస్థ, ప్రభుత్వం అందిస్తున్న స్కిల్ డెవలప్ మెంట్ ప్రోగ్రామ్స్ కు సంబందించిన పరిజ్ఞానం పై శిక్షణ ఉంటుంది. ఆ తర్వాత జిల్లా స్థాయిలో నైపుణ్యాభివృద్ధిని పెంచేందుకు ప్రణాళికలను తయారు చేయవలసి ఉంటుంది. ఈ ఫెలో షిప్ పూర్తి చేసిన వారికి ఐఐఎం నుంచి సర్టిఫికెట్ ఆఫ్ పబ్లిక్ పాలసీ అండ్ మేనేజిమెంట్ లభిస్తుంది.

ఈ ఫెలోషిప్ కు గుర్తింపు పొందిన యూనివర్సిటీ నుంచి ఏదైనా బ్యాచిలర్ డిగ్రీ అర్హత ఉండాలి. దేశవ్యాప్తంగా మొత్తం 660 ఫెలోషిప్ లు ఉన్నాయి. అభ్యర్థుల వయసు 21 నుంచి 30 సంవత్సరాల లోపు ఉండాలి. స్త్రీ, పురుష అభ్యర్థులు ఇద్దరూ అర్హులే. 3 సంవత్సరాల లోపు పై అనుభవం ఉన్నవారికి ప్రాధాన్యత ఇస్తారు. లేకపోయినా దరఖాస్తు చేసుకోవచ్చు. మీరు దరఖాస్తు చేస్తున్న రాష్ట్రీయ భాషలో అనర్గళంగా మాట్లాడటం, రాయడం, చదవడం తప్పనిసరిగా తెలిసి ఉండాలి. ప్రవేశ పరీక్ష, ఇంటర్వ్యూ ద్వారా అభ్యర్థులు ఎంపిక చేస్తారు. మల్టిపుల్ చాయిస్ ప్రశ్నల రూపంలో 100 మార్కులకు పరీక్ష నిర్వహిస్తారు. అందులో జనరల్ అవేర్ నెస్, క్వాంటిటేటివ్ ఆప్టిట్యూడ్, డేటా ఇంటర్ ప్రిటేషన్ అండ్ లాజికల్ రీజనింగ్, వెర్బల్ అబిలిటీ అండ్ రీడింగ్ కాంప్రహెన్షన్ విభాగాల నుంచి ప్రశ్నలు ఉంటాయి. మార్చి 27 దరఖాస్తులకు చివరి తేదీ.

Related News