logo

  BREAKING NEWS

రేవంత్ రెడ్డి తెచ్చిన జోష్‌.. కాంగ్రెస్‌లోకి బిగ్ బాస్ కంటెస్టెంట్‌  |   రామ‌ప్ప‌కు యునెస్కో గుర్తింపు.. ఇప్ప‌టివ‌ర‌కు మ‌న దేశంలో, ఏపీ, తెలంగాణ‌లో ఎన్ని గుర్తించారో తెలుసా ?  |   కోవీషీల్డ్ వ్యాక్సిన్ వేసుకున్న వారికి సూప‌ర్ న్యూస్‌  |   అస‌లు మ‌న‌లో వ్యాక్సిన్ ప‌ని చేస్తుందా ? తెలంగాణ‌లో స‌ర్వే  |   ఈసారి ప‌వ‌న్ పోటీ ఇక్క‌డి నుంచే ? గెలుపు ప‌క్కా  |   ఇండియా vs పాకిస్థాన్ మ్యాచ్‌కు డేట్ ఫిక్స్‌  |   స్వంత ఇలాఖాలో రేవంత్‌కు షాక్‌  |   ఇదేం ప‌ని.. ఐదో త‌ర‌గ‌తి పిల్ల‌ల‌కు స్కూళ్ల‌లోనే కండోమ్‌లా ?  |   గుడ్‌న్యూస్‌.. క‌రోనా ముక్కు వ్యాక్సిన్ సూప‌ర్‌  |   ఈ కిట్‌తో మ‌న‌మే క‌రోనా టెస్టు చేసుకోవ‌చ్చు.. ధ‌ర ఎంతో తెలుసా ?  |  

రాజకీయాలపై మెగాస్టార్ సంచలన వ్యాఖ్యలు.. మళ్ళీ జన్మంటూ ఉంటె..

తెలుగు తెరపై మెగాస్టార్ గా ఓ వెలుగువెలిగిన చిరంజీవి ఆ తర్వాత ప్రజల్లో తనకున్న క్రేజ్ తో రాజకీయాల్లోకి వచ్చారు. ప్రజారాజ్యం పార్టీ ని కూడా స్థాపించారు. కానీ ఎన్నికల ఫలితాల్లో సంచలనం సృష్టిస్తారని అనుకున్న అభిమానులకు షాకిస్తూ కేవలం 18 సీట్లకు ఆ పార్టీ పరిమితమైంది. ఆ తర్వాత ప్రజారాజ్యం పార్టీని చిరంజీవి కాంగ్రెస్ లో విలీనం చేసిన సంగతి తెలిసిందే.

కొన్నేళ్లపాటు రాజ్య సభ సభ్యుడిగా, కేంద్ర మంత్రిగా కూడా అయన పనిచేసారు. తర్వాత క్రమంగా రాజకీయాల నుంచి తప్పుకున్నారు. అయితే తాజాగా చిరు తన రాజకీయ జీవితంపై ఆసక్తికర వ్యాఖ్యలు చేసారు. ఇటీవల సమంత హోస్ట్ గా సామ్ జామ్ షో ప్రసారం అవుతున్న విషయం తెలిసిందే.

అందులో పాల్గొన్న చిరంజీవిని రాజకీయాల్లోకి వెళ్లిన మీరు మళ్లీ సినిమాల్లోకి రావడానికి గల కారణం ఏమిటని సమంత ప్రశ్నించింది. అందుకు బదులిస్తూ.. తనకు రాజకీయాలు సెట్ కావని అన్నారు. రాజకీయాల్లో ఉన్న పదేళ్ల కాలంలో తాను చాలా నేర్చుకున్నానన్నారు. తనకు ప్రస్తుతం రాజకీయాల పై ఎలాంటి ఆసక్తి లేదన్నారు. తన సోదరుడు పవన్ కళ్యాణ్ పార్టీ పెట్టి కష్టపడుతున్నాడని త్వరలోనే మంచి ఫలితాన్ని అందుకోవాలని భావిస్తున్నానని పేర్కొన్నారు.

ఇక తనకు మళ్ళీ జన్మంటూ ఉంటె నటుడిగానే కొనసాగుతానని అన్నారు. మెగాస్టార్ అభిమానులంతా పవన్ కళ్యాణ్ పార్టీలో చేరుతున్న వేళ తనకు మాత్రం జనసేన పార్టీలో చేరడంపై ఎలాంటి ఆసక్తి లేదని స్పష్టం చేసారు. తాను ఎప్పటికీ మెగాస్టార్ గానే ఉండాలని కోరుకుంటున్నానన్నారు.

Related News