logo

  BREAKING NEWS

క‌రోనా బాధితుల‌కు గ్రీన్ ఫంగ‌స్ ముప్పు..లక్ష‌ణాలు, జాగ్ర‌త్త‌లు ఇవే  |   FACK CHECK: క‌రోనా వ్యాక్సిన్ వేసుకుంటే శ‌రీరం అయ‌స్కాంతం అవుతుందా ?  |   కేతిరెడ్డికి జ‌గ‌న్ బంప‌ర్ ఆఫర్.. షాక్‌లో వైసీపీ ఎమ్మెల్యేలు  |   క‌రోనా వ్యాక్సిన్ వేసుకున్నాక ఈ ప‌నులు అస్స‌లు చేయ‌కండి  |   గుడ్ న్యూస్‌.. ఆ వ్యాక్సిన్ సామ‌ర్థ్యం 90 శాతం  |   నెయ్యి తింటే లావుగా అవుతారా ? నెయ్యి ఆరోగ్యానికి మంచిది కాదా ?  |   అరుదైన రికార్డు సొంతం చేసుకోనున్న బైరెడ్డి సిద్ధార్థ‌రెడ్డి  |   కేసీఆర్ మాస్ట‌ర్‌స్ట్రోక్‌.. హుజురాబాద్‌లో ఈట‌లకు క‌ష్ట‌మే  |   జూనియ‌ర్ ఎన్టీఆర్ వేరు జెండా.. కుప్పంలో కొత్త డిమాండ్‌  |   పెట్రోల్‌లో 20 శాతం ఇథ‌నాల్‌.. భారీగా త‌గ్గ‌నున్న ధ‌ర.. మ‌రెన్నో లాభాలు  |  

కోరుకున్నవారితో పెళ్లి జరగాలంటే కార్తీకమాసంలో శివుడిని ఇలా పూజించండి

శివకేశవులకు అత్యంత ప్రీతికరమైనది కార్తీక మాసం. శివుడు అభిషేక ప్రియుడు. . శివాభిషేకం అన్ని దోషాలను పోగొట్టి సకల శుభాలను కలుగచేస్తుంది. కార్తీకంలో శివార్చన చేసిన వారికి గ్రహదోషాలు, ఈతిబాధలు ఉండవు. అరణ్యంలో పూసిన పూలంటే ఆయనకు మహా ఇష్టం. ఈ మాసంలో శివుడిని వివిధ రకాల పూలు, పత్రాలతో పూజిస్తే విశిష్ట ప్రయోజనాలు కలుగుతాయి.

అయితే శివుడి పూజకు వాడే పూలు వాడిపోకూడదు. ఇతరుల ఇల్లు, పూల తోటల నుంచి రహస్యంగా తెచ్చిన పూలతో శివుడిని పూజించకూడదు. అలాగే కీటకాలు కొరికిన పూలు పూజకు పనికిరావు. కార్తీకమాసంలో శివుడిని పాలతో అభిషేకించి జాజి పూలతో పూజించిన వారికి శివుడిని దర్శించుకున్నంత పుణ్యఫలం లభిస్తుంది.

శివుడిని రోజూ తెల్ల జిల్లేడు పూవులతో అర్చించిన వారికి బంగారం దానం చేసినంత ఫలం దక్కుతుంది. ధనప్రాప్తి కావాలనుకునే వారు మహా శివుడిని గన్నేరు పూలతో పూజించాలి. వివాహితులు గులాబీ పూలతో స్వామిని పూజిస్తే సౌభాగ్యం కలుగుతుంది. సంతానం కోరుకునే దంపతులు మల్లె పూలతో స్వామిని అర్చించాలి.

బిల్వ పత్రాలను శివుడి ముందు ఉంచి పూజిస్తే సకల దరిద్రాలు తొలిగి సుఖ శాంతులు కలుగుతాయి. కోరుకున్న కన్యను భాగస్వామిగా పొందాలనుకునే పురుషులు సన్నజాజి పూలతో కార్తీక మాసంలో శివుడిని ఆరాధించాలి. స్త్రీలు వెండి, రాగి బిల్వాలతో కార్తీక పౌర్ణమి రోజున శివుడిని పూజిస్తే సర్వగుణ సంపన్నులు భర్తగా లభిస్తారని పురోహితులు చెప్తున్నారు.

మారేడు దళాన్ని శివ లింగానికి తాకిస్తే, ఆ స్పర్శ వల్ల కలిగిన స్పందనల ప్రభావం ఆ దళంలో చాలా సేపు నిలిచి ఉంటుంది. అలాంటి మారేడు దళం మీరు రోజంతా మీ జేబులో, హృదయానికి దగ్గరగా ఉంచుకొని చూడండి. అది మీ శారీరక స్థితినీ, మానసిక స్థితినీ కూడా ఆరోగ్యంగా, ఆహ్లాదంగా ఉంచుతుంది’ అంటారు సద్గురు జగ్గీ వాసుదేవ్.

 

 

 

Related News