logo

  BREAKING NEWS

రేవంత్ రెడ్డి తెచ్చిన జోష్‌.. కాంగ్రెస్‌లోకి బిగ్ బాస్ కంటెస్టెంట్‌  |   రామ‌ప్ప‌కు యునెస్కో గుర్తింపు.. ఇప్ప‌టివ‌ర‌కు మ‌న దేశంలో, ఏపీ, తెలంగాణ‌లో ఎన్ని గుర్తించారో తెలుసా ?  |   కోవీషీల్డ్ వ్యాక్సిన్ వేసుకున్న వారికి సూప‌ర్ న్యూస్‌  |   అస‌లు మ‌న‌లో వ్యాక్సిన్ ప‌ని చేస్తుందా ? తెలంగాణ‌లో స‌ర్వే  |   ఈసారి ప‌వ‌న్ పోటీ ఇక్క‌డి నుంచే ? గెలుపు ప‌క్కా  |   ఇండియా vs పాకిస్థాన్ మ్యాచ్‌కు డేట్ ఫిక్స్‌  |   స్వంత ఇలాఖాలో రేవంత్‌కు షాక్‌  |   ఇదేం ప‌ని.. ఐదో త‌ర‌గ‌తి పిల్ల‌ల‌కు స్కూళ్ల‌లోనే కండోమ్‌లా ?  |   గుడ్‌న్యూస్‌.. క‌రోనా ముక్కు వ్యాక్సిన్ సూప‌ర్‌  |   ఈ కిట్‌తో మ‌న‌మే క‌రోనా టెస్టు చేసుకోవ‌చ్చు.. ధ‌ర ఎంతో తెలుసా ?  |  

ఐటీ నిపుణులకు భారీ ఊరట… ట్రంప్ నిర్ణయాన్ని తిప్పికొట్టిన బైడెన్!

భారతీయులకు నూతన అధ్యక్షుడు జో బైడెన్ భారీ శుభవార్తను వినిపించారు. హెచ్ 1 బీ వీసాదారులకు సంబంధించి బైడెన్ మరో కీలక నిర్ణయం తీసుకున్నారు. మాజీ అధ్యక్షుడు ట్రంప్ హయాంలో హెచ్ 1బీ వీసా పొందే వారిపై కనీస వేతన పరిమితి అమలును నిలిపివేస్తున్నట్టుగా కార్మిక శాఖ ఓ నోటిఫికేషన్ ను జారీ చేసింది. జూన్ 1వతేదీ నుంచి ఈ నిర్ణయం అమలులోకి రానున్న నేపథ్యంలో మరో 60 రోజుల పాటు వాయిదా వేసే దిశగా బైడెన్ ఉన్నారని సమాచారం.

బైడెన్ తాజా నిర్ణయం అమెరికాకు హెచ్ 1బీ వీసాలపై వెళ్లేవారికి, ప్రస్తుతం అక్కడ ఉద్యోగం చేసే భారతీయులకు భారీ ఊరటనిస్తోంది. గతంలో ట్రంప్ అధ్యక్షుడిగా ఉన్న సమయంలో అమెరికన్లను మెప్పించేందుకు కనీస వేతనాలకు సంబంధించి కీలక ఆదేశాలు జారీ చేసారు. సాధారణంగా హెచ్ 1బీ వీసా పొందాలంటే వారి కనీస వార్షిక వేతనం 65 డాలర్ల కన్నా ఎక్కువ ఉండాలి.

అయితే ట్రంప్ హయాంలో దీనిని 1.10 లక్షల డాలర్లకు మార్చారు. అంటే 45 శాతాన్ని పెంచారు. దీని వల్ల విదేశీయులను నియమించుకునే కంపెనీలు వారి ఉద్యోగులకు అధిక వేతనాలు చెల్లించాల్సి వచ్చేది. ఈ విధంగా వేతనాల భారం తగ్గించుకునేందుకు కంపెనీలు విదేశీ ఉద్యోగుల స్థానంలో స్వదేశీయులనే నియమించుకుంటాయనేది ట్రంప్ వాదన.

అమెరికాలోని టెక్ కంపెనీలు ఏటా భారత్, చైనాల నుంచి వేల సంఖ్యలో ఉద్యోగులను నియమించుకుంటున్నాయి. దీంతో ఆ కంపెనీలన్నీ ట్రంప్ నిర్ణయాన్ని తీవ్రంగా వ్యతిరేకించాయి. మరోవైపు ప్రవాస భారతీయుల్లో కూడా దీనిపై ఆందోళన వ్యక్తమైంది. ఇప్పుడు బైడెన్ నిర్ణయంతో ఐటీ నిపుణులకు భారీ ఊరట లభించింది. అయితే బైడెన్ నిర్ణయాన్ని ఫెడరేషన్‌ ఫర్‌ అమెరికన్‌ ఇమ్మిగ్రేషన్‌ రిఫార్మ్‌(ఫెయిర్‌) సంస్థ తీవ్రంగా వ్యతిరేకించింది. ఈ నిబంధనను నిలిపివేయడం వల్ల ఇప్పటికే కరోనా కారణంగా ఇబ్బందులు ఎదుర్కుంటున్న అమెరికన్లు పరిస్థితి మరింత క్షీణిస్తుందని వ్యాఖ్యానించింది.

Related News