logo

  BREAKING NEWS

మహిళలు పీరియడ్స్ సమయంలో వాక్సిన్ తీసుకుంటే ప్రమాదమా?  |   బీపీ, షుగర్ ఉన్నవారు వాక్సిన్ వేసుకోవచ్చా..?  |   కోవిడ్ చికిత్సకు కొత్త మందు.. ఆమోదించిన డీసీజీఐ, ఒక్క డోసుతో కరోనా ఆటకట్టు  |   కరోనా రోగులకు ఆక్సిజన్ స్థాయిలు అమాంతం పెంచే టెక్నిక్.. సూచించిన ఆరోగ్య శాఖ  |   మళ్ళీ తగ్గిన బంగారం ధరలు: 24.04. 2021 బంగారం, వెండి ధరలు  |   మౌత్ వాష్ లతో తగ్గుతున్న కరోనా ముప్పు.. నోట్లోనే వైరస్ ఖతం!  |   రూ. 50 వేల ప్రారంభ వేతనంతో.. డీఎఫ్‌సీసీఐఎల్ ప్రభుత్వ రంగ సంస్థలో భారీగా ఉద్యోగాలు  |   కరోనా రోగులకు శుభవార్త: ఇంట్లోనే ఆక్సిజన్.. ఈ ఒక్కటి ఉంటె చాలు!  |   కరోనా తిప్పలు తీరుస్తున్న ‘తిప్పతీగ’.. మహమ్మారికి దివ్యౌషధం, కరోనా సోకినా ఏమీ చేయలేదట!  |   కరోనా బారిన పడ్డారా? చికిత్స ఎలా? ఆక్సిజన్ ఎక్కడ దొరుకుతుంది? ఆసుపత్రుల వివరాలు అన్నిటికీ ఒకటే యాప్  |  

భారత్ లో జో బైడెన్ బంధువులు.. ఎక్కడున్నారంటే?

ట్రంప్ పై భారీ ఆధిక్యంతో అమెరికా అధ్యక్ష పీఠాన్ని గెలుపొందారు జో బైడెన్. త్వరలోనే ఆ దేశానికి 46వ అధ్యక్షడిగా ప్రమాణ స్వీకారం చేయబోతున్నారు. ఈ నేపథ్యంలో బైడెన్ గురించిన ఓ ఆసక్తికర విషయం తెలిసింది. బైడెన్.. తన పూర్వీకుల మూలాలు భారత్ లో ఉన్నాయని తెలిపి షాకిచ్చారు. అంతే కాదు తనకు భారత్ లో బంధువులు కూడా ఉన్నారన్నారు.

ఇప్పటికే అమెరికా ఉపాధ్యక్ష పదవికి ఎన్నికైన కమలా హ్యారిస్ భారత మూలాలు కలిగిన మహిళ అని తెలిసిందే. కాగా ఇప్పుడు అమెరికా అధ్యక్షుడు కాబోతున్న బైడెన్ కూడా భారత్ తో తనకున్న సంబంధాన్ని గుర్తుచేసుకున్నారు. 2013 లో ఉపాధ్యక్షుల రేసులో ఉన్న బైడెన్ తన పర్యటనలో భాగంగా ఈ విషయాన్ని స్వయంగా తెలిపారు.

తమ పూర్వికులు ఈస్ట్ ఇండియా కంపెనీ పాలన కొనసాగుతున్న సమయంలో భారత్ లో పనిచేసేవారని, ఆ సమయంలో భారతీయ మహిళనే పెళ్లి చేసుకుని ఇండియాలో స్థిరపడ్డారని తెలిపారు. అయితే ఈ విషయం తనకు తన 29వ ఏటనే తెలిసిందన్నారు. తాను తొలిసారిగా సెనెటర్ గా ఎన్నికయ్యే సమయంలో తనకో లేఖ వచ్చిందని అన్నారు. పేరు చివర బైడెన్ అని ఉండటం అది తనకు ఇండియా నుంచి రావడం ఎంతో ఆశ్చర్యాన్ని కలిగించిందన్నారు.

తన ముత్తాత అయిన జార్జ్ బైడెన్ ఈస్ట్ ఇండియాలో పని చేస్తూ అక్కడి మహిళను పెళ్లి చేసుకోవడం వలన తనకిప్పుడు ముంబైలో అయిదుగురు బంధువులు ఉన్న విషయం తెలుసుకున్నానన్నారు. ఆ లేఖ తనకు ఎంతో ప్రత్యేకమన్నారు. అయితే గతంలో బైడెన్ ఈ విషయం చెపుతూ.. భారత్ లో ఉన్న తన రక్త సంబంధీకులను గుర్తించి తనకు తెలపాలని కోరారు. కాగా ఇప్పటివరకు బైడెన్ ముంబైలో ఉన్న తన బంధువులను కలుసుకోలేకపోయారు.

Related News