logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

విషాదం: కరోనా సోకిందనే భయంతో దంపతుల బలవన్మరణం!

రాష్ట్రంలో కరోనా కేసులు పెరుగుతున్నప్పటికీ రేకవరీ రేటు కూడా అధికంగానే ఉంది. కరోనా సోకినా వారం పది రోజుల్లో తిరిగి కోలుకుంటున్నారు.కానీ ఈ వైరస్ పై ప్రజల్లో భయాలు మాత్రం తొలగిపోవడం లేదు. తాజాగా జగిత్యాల జిల్లాలో విషాద ఘటన చోటుచేసుకుంది.

జిల్లా కంద్రంలోని శివవీధికి చెందిన రాంబాబుకు నాలుగు రోజుల క్రితం కరోనా సోకింది. తాజాగా పరీక్షలు చేయించగా ఆతని భార్య లావణ్యకు కూడా కరోనా పాజిటివ్ గా తేలింది. ఈ విషయాన్ని లావణ్య చొప్పదండి మండలం అర్నకొండలోని తన తల్లిదండ్రులకు ఫోన్ చేసి చెప్పింది. తమకు కరోనా సోకిందని సాయంత్రం కరీంనగర్ ఆసుపత్రికి వస్తామని తెలిపింది.

కాగా ఆమె కుటుంబ సభ్యులు ఆసుపత్రికి వెళ్లి ఎదురు చూడగా లావణ్య రాంబాబు అక్కడకు రాలేదు. ఫోన్ చేసినా కలవలేదు. దీంతో అదే రాత్రి జగిత్యాలకు వెళ్లారు. ఇంటికి గడి పెట్టి ఉండటంతో కిటికీ తెరిచి చూడగా భార్య భర్తలిద్దరూ ఉరి వేసుకుని వేళ్ళాడుతూ కనిపించారు.ఈ ఘటనపై సమాచారం అందుకున్న పోలీసులు కోవిడ్ నిబంధనల నడుమ అదే రోజు రాత్రి మృతదేహాలకు దహన కార్యక్రమాలు జరిపారు.

కాగా గత పదేళ్లుగా మహారాష్ట్రలో ఉంటున్న రాంబాబు పది నెలల క్రితం తండ్రి మరణించడంతో జిల్లాకు వచ్చాడు. కరోనా కారణంగా తిరిగి వెళ్లలేకపోయాడు. ఈ దంపతులిద్దరికీ పిల్లలు లేకపోవడం, ఇప్పుడు కరోనా సోకిందనే మనస్తాపంతో వీరిద్దరూ బలవన్మరణానికి పాల్పడినట్టుగా సమాచారం.

Related News