logo

  BREAKING NEWS

బిగ్ బాస్ – 5 కంటెస్టెంట్స్ ఫైన‌ల్ లిస్టు ఇదే  |   ఈ సినిమాతోనే.. వేణు రీఎంట్రీ  |   రేవంత్ రెడ్డి తెచ్చిన జోష్‌.. కాంగ్రెస్‌లోకి బిగ్ బాస్ కంటెస్టెంట్‌  |   రామ‌ప్ప‌కు యునెస్కో గుర్తింపు.. ఇప్ప‌టివ‌ర‌కు మ‌న దేశంలో, ఏపీ, తెలంగాణ‌లో ఎన్ని గుర్తించారో తెలుసా ?  |   కోవీషీల్డ్ వ్యాక్సిన్ వేసుకున్న వారికి సూప‌ర్ న్యూస్‌  |   అస‌లు మ‌న‌లో వ్యాక్సిన్ ప‌ని చేస్తుందా ? తెలంగాణ‌లో స‌ర్వే  |   ఈసారి ప‌వ‌న్ పోటీ ఇక్క‌డి నుంచే ? గెలుపు ప‌క్కా  |   ఇండియా vs పాకిస్థాన్ మ్యాచ్‌కు డేట్ ఫిక్స్‌  |   స్వంత ఇలాఖాలో రేవంత్‌కు షాక్‌  |   ఇదేం ప‌ని.. ఐదో త‌ర‌గ‌తి పిల్ల‌ల‌కు స్కూళ్ల‌లోనే కండోమ్‌లా ?  |  

జగిత్యాలలో విషాదం: మిస్సైన ప్రేమ జంట.. కుళ్లిన స్థితిలో శవాలై..

జగిత్యాల జిల్లాలో విషాద ఘటన చోటుచేసుకుంది. జిల్లాలోని హైదరాపల్లిలో ఓ పాడుబడ్డ ఇంట్లో నుంచి దుర్వాసన రావడంతో స్థానికులు వెళ్లి చూడగా ఇద్దరి మృతదేహాలు కుళ్ళిన స్థితిలో కనిపించాయి. పోలీసులకు సమాచారం అందించడంతో మృతదేహాలను పరిశీలించగా ఈ ఘటన జరిగి పది రోజులయినట్టుగా నిర్దారించారు.

కాగా మృతులు హైద్రాపల్లికి చెందిన నలువాల మధు, సిరిసిల్ల జిల్లా మల్లాపూర్‌కు చెందిన ఐలేని సౌమ్యలుగా అగుర్తించారు. వీరిద్దరూ గత ఆరేళ్లుగా ప్రేమించుకుంటున్నారు. మధు స్థానికంగా ఉండే ఫాస్ట్ ఫుడ్ సెంటర్లో పనిచేస్తూనే ఐలేని కాలేజీలో డిగ్రీ ఫైనల్ ఇయర్ చదువుతున్నాడు. సౌమ్య కూడా అదే కాలేజీలో చదువుతుంది. వీరిద్దరి ప్రేమ ఇటీవల పెద్దలకు తెలియడంతో గొడవ జరిగింది. ఇద్దరినీ పంచాయతీలో పెట్టి కలుసుకోకుండా చేశారు. ఇకపై కలవబోమని ఓ పాబంధి కాగితం కూడా రాయించుకున్నారు.

ఈ నెల 6వ తేదీ నుంచి సౌమ్య కనిపించకుండా పోయింది. పోలీసులకు తల్లిదండ్రులు సమాచారమివ్వగా మిసింగ్ కేసు నమోదైంది. కాగా వీరిద్దరూ మనస్ధాపంచెంది ఓ పాడుబడ్డ ఇంట్లో ఆత్మహత్య చేసుకోవాలని నిర్ణయించుకున్నారు. పురుగుల మందు తాగి ఉరివేసుకుని ఆత్మహత్య చేసుకున్నారు. స్థానికంగా ఎవ్వరూ లేకపోవడంతో ఈ ఘటన ఆలస్యంగా వెలుగులోకి వచ్చింది. మృతదేహాలు బాగా కుళ్లిపోవడంతో తల తెగి పడింది. ఈ ఘటనతో రెండు కుటుంబాల్లో విషాద ఛాయలు అలుముకున్నాయి.

Related News