logo

  BREAKING NEWS

క‌రోనా బాధితుల‌కు గ్రీన్ ఫంగ‌స్ ముప్పు..లక్ష‌ణాలు, జాగ్ర‌త్త‌లు ఇవే  |   FACK CHECK: క‌రోనా వ్యాక్సిన్ వేసుకుంటే శ‌రీరం అయ‌స్కాంతం అవుతుందా ?  |   కేతిరెడ్డికి జ‌గ‌న్ బంప‌ర్ ఆఫర్.. షాక్‌లో వైసీపీ ఎమ్మెల్యేలు  |   క‌రోనా వ్యాక్సిన్ వేసుకున్నాక ఈ ప‌నులు అస్స‌లు చేయ‌కండి  |   గుడ్ న్యూస్‌.. ఆ వ్యాక్సిన్ సామ‌ర్థ్యం 90 శాతం  |   నెయ్యి తింటే లావుగా అవుతారా ? నెయ్యి ఆరోగ్యానికి మంచిది కాదా ?  |   అరుదైన రికార్డు సొంతం చేసుకోనున్న బైరెడ్డి సిద్ధార్థ‌రెడ్డి  |   కేసీఆర్ మాస్ట‌ర్‌స్ట్రోక్‌.. హుజురాబాద్‌లో ఈట‌లకు క‌ష్ట‌మే  |   జూనియ‌ర్ ఎన్టీఆర్ వేరు జెండా.. కుప్పంలో కొత్త డిమాండ్‌  |   పెట్రోల్‌లో 20 శాతం ఇథ‌నాల్‌.. భారీగా త‌గ్గ‌నున్న ధ‌ర.. మ‌రెన్నో లాభాలు  |  

తెలుగు రాష్ట్రాల్లో ఇస్లామిక్ స్టేట్ ఉగ్ర‌వాద‌ కార్య‌క‌లాపాలు

ఉగ్ర‌వాదానికి సంబంధించి ఓ సంచ‌ల‌న విష‌యం ఎన్ఐఏ విచార‌ణ‌లో వెల్ల‌డైంది. భార‌త్‌లో ఇస్లామిక్ స్టేట్ ఉగ్ర‌వాద కార్య‌క‌లాపాలు ఉన్న‌ట్లు ఎన్ఐఏ విచార‌ణ‌లో తేలింద‌ని కేంద్ర హోంశాఖ స‌హాయ‌మంత్రి కిష‌న్ రెడ్డి పేర్కొన్నారు. రాజ్య‌స‌భ‌లో ఓ ప్ర‌శ్న‌కు ఆయ‌న ఈ మేర‌కు లిఖిత‌పూర్వ‌క స‌మాధానం ఇచ్చారు. దేశంలో మొత్తం 15 రాష్ట్రాల్లో ఇస్లామిక్ స్టేట్ ఉగ్ర‌వాద కార్య‌క‌లాపాలు ఉన్న‌ట్లు కిష‌న్ రెడ్డి తెలిపారు.

ఈ జాబితాలో తెలుగు రాష్ట్రాలైన తెలంగాణ‌, ఆంధ్ర‌ప్ర‌దేశ్ కూడా ఉన్నాయి. కేర‌ళ‌, క‌ర్ణాట‌క‌, మ‌హారాష్ట్ర‌, త‌మిళ‌నాడు, ప‌శ్చిమ బెంగాల్‌, రాజ‌స్థాన్‌, బిహార్‌, ఉత్త‌ర‌ప్ర‌దేశ్‌, మ‌ధ్య‌ప్ర‌దేశ్‌, జ‌మ్మూ క‌శ్మీర్‌లో ఇస్లామిక్ స్టేట్ కార్య‌క‌లాపాలు ఉన్న‌ట్లు ఎన్ఐఏ విచార‌ణ‌లో తేలింద‌ని కిష‌న్ రెడ్డి ప్ర‌క‌టించారు. ఈ సంస్థ‌లో ప‌లువురు మ‌న దేశానికి చెందిన కొంద‌రు కూడా చేరిన‌ట్లు విచార‌ణ సంస్థ‌ల‌కు ఆధారాలు ల‌భించిన‌ట్లు ఆయ‌న తెలిపారు.

ఈ సంస్థ త‌మ ఉగ్ర‌వాద భావ‌జాలాన్ని ప్ర‌చారం చేసుకునేందుకు సోష‌ల్ మీడియా వేదిక‌ల‌ను వాడుకుంటోంద‌ని, అందుకే ఇంట‌ర్నెట్ వినియోగంపై మ‌న విచార‌ణ సంస్థ‌లు నిఘా పెట్టి ఉన్నాయ‌ని తెలిపారు. కాగా, ప్ర‌పంచంలో ఇప్పుడు ఇస్లామిక్ స్టేట్ ఉగ్ర‌వాద సంస్థ ప్ర‌మాద‌క‌ర సంస్థగా ఉన్న సంగ‌తి తెలిసిందే. ప్ర‌పంచం మొత్తాన్ని ఇస్లాం రాజ్యంగా చేయాల‌నే ల‌క్ష్యంతో ఈ సంస్థ రక్త‌పాతాన్ని సృష్టిస్తోంది.

Related News