logo

  BREAKING NEWS

బిగ్ బాస్ – 5 కంటెస్టెంట్స్ ఫైన‌ల్ లిస్టు ఇదే  |   ఈ సినిమాతోనే.. వేణు రీఎంట్రీ  |   రేవంత్ రెడ్డి తెచ్చిన జోష్‌.. కాంగ్రెస్‌లోకి బిగ్ బాస్ కంటెస్టెంట్‌  |   రామ‌ప్ప‌కు యునెస్కో గుర్తింపు.. ఇప్ప‌టివ‌ర‌కు మ‌న దేశంలో, ఏపీ, తెలంగాణ‌లో ఎన్ని గుర్తించారో తెలుసా ?  |   కోవీషీల్డ్ వ్యాక్సిన్ వేసుకున్న వారికి సూప‌ర్ న్యూస్‌  |   అస‌లు మ‌న‌లో వ్యాక్సిన్ ప‌ని చేస్తుందా ? తెలంగాణ‌లో స‌ర్వే  |   ఈసారి ప‌వ‌న్ పోటీ ఇక్క‌డి నుంచే ? గెలుపు ప‌క్కా  |   ఇండియా vs పాకిస్థాన్ మ్యాచ్‌కు డేట్ ఫిక్స్‌  |   స్వంత ఇలాఖాలో రేవంత్‌కు షాక్‌  |   ఇదేం ప‌ని.. ఐదో త‌ర‌గ‌తి పిల్ల‌ల‌కు స్కూళ్ల‌లోనే కండోమ్‌లా ?  |  

రుద్రాక్షల గురించి ఈ విషయాలు మీకు తెలుసా?

రుద్రాక్ష గురించి తెలియని భారతీయులు ఉండరు అంటే అతిశయోక్తి కాదు. హిందూ మతంలో రుద్రాక్షలకు ఎంతో విశిష్టత ఉంది. రుద్రాక్ష చుట్టూ ప్రపంచంలోనే ప్రాచీనమైన వృక్షాలలో ఒకటి. పురాణ గాథల ప్రకారం.. రుద్రాక్షలను శివుడి అన్నిటి బొట్లుగా చెప్తారు. రుద్రుడు అంటే శివుడు రాక్షసులతో పోరాడి కొన్ని ప్రాంతాలని భస్మం చేస్తాడు. ఆ సమయంలో మరణించిన వారిని చూసి విచారిస్తాడు. అలా ఆయన కన్నీటి బొట్లే భూమి మీద పడి రుద్రాక్షలుగా మారాయని అంటారు. అందుకే రుద్రాక్షలను శివుడి రూపాలుగా భావించి పూజిస్తారు. ఒక్కో ముఖాన్ని ధరించడం వలన ఒక్కో ప్రయోజనం ఉంటుంది. అనుకున్న పనులు నెరవేరడానికి, పనిలో ఆటంకాలు తొలగడానికి, సుఖ సంతోషాలతో జీవించడానికి వీటిని ధరిస్తారు. ఈ విధంగా ఎలాంటి రుద్రాక్షను ధరిస్తే ఏ ఫలితాలు ఉంటాయో తెలుసుకుందాం..

ఏక ముఖి రుద్రాక్ష అత్యంత శక్తివంతమైనది. దీనిని శివుడి రూపంగా భావిస్తారు. దీనిని ధరించిన వారికి జీవితంలో ఎలాంటి కొరత ఉండదు. సంపదతో పాటుగా జ్ఞానం, వ్యక్తిత్వ వికాసం లభిస్తాయి.ఏకముఖి రుద్రాక్ష అన్ని పాపాలు హరిస్తుంది. అయితే ఏకముఖిని ధరించిన వారు 12 రోజులలో కుటుంబాన్ని వదిలిపెడతారని అంటారు. అందుకు కారణం దీనిలో ఉండే కొన్ని శక్తులు దీనిని ధరించిన వారిని ఏకాంతంగా ఉండే విధంగా చేస్తాయట.

వైవాహిక జీవితం బాగుండాలని కోరుకునే వారు ద్విముఖి రుద్రాక్షలను ధరించాలి. అంటే రెండు ముఖాలు ఉన్నవి. ఈ రుద్రాక్షను శివ పార్వతుల అర్థనారీశ్వరీ తత్వానికి సంకేతంగా నమ్ముతారు. సౌభాగ్యాన్ని ప్రసాదించి చెడు ఆలోచనను రాకుండా నివారిస్తుంది.

తరచుగా అనారోగ్యానికి గురవుతున్న వారు త్రిముఖి రుద్రాక్షను అంటే మూడు ముఖములు ఉన్న దానికి ధరించాలి. చతుర్ముఖి రుద్రాక్షను పాలలో వేసి ఉంచి ఆ పాలను తాగడం వలన మానసిక రోగాలు నయమవుతాయి. నరాల సంబంధిత వ్యాధులను తగ్గించి, జ్ఞాపక శక్తిని, తెలివి తేటలను పెంచుతుంది. పంచముఖి రుద్రాక్షను పిల్లలు స్త్రీలు ఎవరైనా ధరించవచ్చు. గుండె జబ్బులు, రక్తపోటు, షుగరు వ్యాధి ఉన్నవారికి మంచిది. కోపాన్ని అదుపు చేసి మనసుకు ప్రశాంతతను ఇస్తుంది.

షట్ముఖి రుద్రాక్షని కుడి చేతికి ధరిస్తే లోబీపీ తగ్గుతుంది. రక్తపోటు, హిస్టీరియా కూడా దూరమవుతాయి. సప్తముఖి రుద్రాక్షను ధరించిన వారికి అకాల మరణం సంభవించిందని నమ్మకం. జీవితంలో అభివృద్ధి చెందుతారు. ప్రమాదాల నుంచి, ఆపదల నుంచి రక్షణ లభించడానికి అష్ట ముఖి రుద్రాక్షను ధరించాలి. ఎడమ చేతికి నవముఖి రుద్రాక్షను ధరిస్తే వివాహ సంబంధిత సమస్యల నుంచి విముక్తి లభిస్తుంది.

స్త్రీలు ఎక్కువగా ధరించే దశ ముఖి రుద్రాక్ష వల్ల నరాల సంబంధిత వ్యాధులు నయమవుతాయి. అలాగే జ్ఞాపకశక్తిని పెంచుతుంది. సంతాన సమస్యల వల్ల బాధపడేవారు ఏకాదశముకి రుద్రాక్షను ధరించాలి. శత్రువుల నుంచి రక్షణ పొందడానికి ద్వాదశముఖి రుద్రాక్ష మంచిది. శారీరక అందం కోరుకున్నవారు త్రయోదశముఖి అంటే 13 ముఖాలు ఉన్న రుద్రాక్షను పాలలో వేసి ఆ పాలను తాగితే సౌందర్యం పెరిగి ఆత్మవిశ్వాసంతో కనబడతారు.

Related News