logo

  BREAKING NEWS

మీనా భ‌ర్త మృతికి అస‌లు కార‌ణం ఇదే  |   మీ సిబిల్ స్కోర్ ఈజీగా పెంచుకోండి ఇలా  |   అంబాసిడ‌ర్ మ‌ళ్లీ వ‌స్తోంది.. కొత్త లుక్ సూప‌ర్‌  |   తిరుప‌తి రైల్వే స్టేష‌న్‌పై వివాదం.. డైరెక్ట‌ర్ నాగ్ అశ్విన్ ట్వీట్‌  |   వామ్మో.. ఓలా బైక్ ఎలా విరిగిపోయిందో చూడండి  |   ప‌వ‌న్ క‌ళ్యాణ్‌కు అందుకే నా మీద కోపం.. షాకింగ్ విష‌యం చెప్పిన‌ రాజ‌శేఖ‌ర్‌  |   ఆంటీతో యువ‌కుడి వివాహేత‌ర సంబంధం.. చివ‌ర‌కు విషాదాంతం  |   కేంద్రం బాట‌లో రాష్ట్రాలు.. భారీగా త‌గ్గుతున్న పెట్రోల్ ధ‌ర‌లు  |   దావోస్‌కు వెళ్లిన టీడీపీ ఎంపీ.. కేంద్ర‌మంత్రితో ఫోటో  |   రేవంత్ రెడ్డిని డిస్‌మిస్ చేయండి.. రాహుల్ గాంధీకి బండ్ల గ‌ణేష్ ఫిర్యాదు  |  

ప్రేమోన్మాది దాడి: యువతి పరిస్థితి విషమం.. ఆ పరిచయమే కొంపముంచింది!

హైదరాబాద్ లో ప్రేమోన్మాది దాడిలో తీవ్రంగా గాయపడిన యువతి పరిస్థితి విషమంగా మారింది. మంగళవారం రాత్రి యువతి, ఆమె తల్లిపై నిందితుడు విచక్షణారహితంగా కత్తితో దాడికి పాల్పడ్డాడు. ఈ ఘటనలో యువతి ఛాతి, కడుపు భాగంలో కత్తితో పొడిచాడు. ప్రస్తుతం ఆసుపత్రిలో చికిత్స పొందుతున్న బాధిత యువతి చావు బ్రతుకుల మధ్య కొట్టుమిట్టాడుతున్నట్టుగా వైద్యులు వెల్లడించారు.

వివరాల్లోకి వెళితే.. నార్సింగి పరిధిలోని హైదర్ షా కోట్ లక్ష్మి నగర్ కు చెందిన యువతిని అదే ప్రాంతానికి చెందిన షారుక్ ప్రేమ పేరుతో వేధిస్తున్నాడు. ఛాలెంజ్ హబీబ్ అనే సెలూన్ లో షారుక్ పనిచేస్తుండగా అదే సెలూన్ కు యువతి తరచుగా వెళ్ళేది ఈ క్రమంలో ఏర్పడ్డ పరిచయంతోతనను ప్రేమించాలంటూ రెండేళ్లుగా ఆ యువతి ని వేధిస్తున్నట్టుగా సమాచారం.

గతంలో బాధితురాలు తన తండ్రితో కలిసి షారుక్ పై షీ టీమ్స్ కు ఫిర్యాదు చేసింది. అయినా అతనిలో మార్పు రాలేదు. దీంతో యువతికి పెళ్లి చేయాలని ఆమె తల్లిదండ్రులు నిర్ణయించుకున్నారు. ఈ విషయం తెలిసిన షారుక్ తనకు దక్కని యువతి మరెవరికీ దక్కకూడదని నిర్ణయించుకున్నాడు. మంగళవారం రాత్రి ఆమె నివసిస్తున్న అపార్ట్మెంట్ వద్దకు వెళ్లిన షారుక్ మాట్లాడాలంటూ ఆమెను కిందకు పిలిచాడు.

యువతి మాట్లాడుతున్న సమయంలోనే వెంట తెచ్చుకున్న కత్తితో ఆమె పై దాడి చేసాడు. యువతి అరుపులతో ఆమె తల్లిదండ్రులు అక్కడికి చేరుకున్నారు. అడ్డొచ్చిన తల్లిపై కూడా షారుక్ దాడి చేసాడు. కాగా ఈ ఘటనపై సమాచారం అందుకున్న నార్సింగి పోలీసులు నిందితుడిని అదుపులోకి తీసుకున్నారు.

 

 

Related News
%d bloggers like this: