logo

  BREAKING NEWS

మహిళలు పీరియడ్స్ సమయంలో వాక్సిన్ తీసుకుంటే ప్రమాదమా?  |   బీపీ, షుగర్ ఉన్నవారు వాక్సిన్ వేసుకోవచ్చా..?  |   కోవిడ్ చికిత్సకు కొత్త మందు.. ఆమోదించిన డీసీజీఐ, ఒక్క డోసుతో కరోనా ఆటకట్టు  |   కరోనా రోగులకు ఆక్సిజన్ స్థాయిలు అమాంతం పెంచే టెక్నిక్.. సూచించిన ఆరోగ్య శాఖ  |   మళ్ళీ తగ్గిన బంగారం ధరలు: 24.04. 2021 బంగారం, వెండి ధరలు  |   మౌత్ వాష్ లతో తగ్గుతున్న కరోనా ముప్పు.. నోట్లోనే వైరస్ ఖతం!  |   రూ. 50 వేల ప్రారంభ వేతనంతో.. డీఎఫ్‌సీసీఐఎల్ ప్రభుత్వ రంగ సంస్థలో భారీగా ఉద్యోగాలు  |   కరోనా రోగులకు శుభవార్త: ఇంట్లోనే ఆక్సిజన్.. ఈ ఒక్కటి ఉంటె చాలు!  |   కరోనా తిప్పలు తీరుస్తున్న ‘తిప్పతీగ’.. మహమ్మారికి దివ్యౌషధం, కరోనా సోకినా ఏమీ చేయలేదట!  |   కరోనా బారిన పడ్డారా? చికిత్స ఎలా? ఆక్సిజన్ ఎక్కడ దొరుకుతుంది? ఆసుపత్రుల వివరాలు అన్నిటికీ ఒకటే యాప్  |  

గూగుల్ విజిటింగ్ కార్డు ఇస్తోంది.. మీకు కావాలా ?

మ‌నం పేరు, వృత్తి, సంస్థ పేరు, మొబైల్ నెంబ‌ర్‌, చిరునామాతో కూడిన విజిటింగ్ కార్డు ఎవ‌రికైనా ఇస్తే మ‌న గురించి బేసిక్ ఇన్‌ఫ‌ర్మేష‌న్ అంతా వారికి చెప్పిన‌ట్లే. ఒక్క చిన్న విజిటింగ్ కార్డు ద్వారా మ‌న గురించి మ‌నం చెప్పుకొవ‌చ్చు. అయితే, ఈ డిజిట‌ల్ జ‌మానాలో విజిటింగ్ కార్డులకు ప్రాధాన్య‌త త‌గ్గిపోతోంది. ఎవ‌రికీ విజిటింగ్ కార్డులు ఇవ్వాల్సిన అవ‌స‌రం ప‌డ‌టం లేదు. అంతా డిజిట‌ల్ మ‌యం అయిపోయింది. ఎవ‌రికైనా ఏదైనా కావాలి అంటే గూగుల్‌లో సెర్చ్ చేసి చూసుకుంటారు.

దీంతో గూగుల్ సెర్చ్‌లో మ‌న వ్యాపారానికి సంబంధించిన వివ‌రాలు ఉండ‌టం ఇప్పుడు కీల‌క‌మైపోయింది. అందుకే గూగుల్ ఇప్పుడు మ‌న‌కు వ‌ర్చువ‌ల్ విజిటింగ్ కార్డు ఇస్తోంది. దీనిని పీపుల్ కార్డుగా గూగుల్ చెబుతోంది. అచ్చం విజిటింగ్ కార్డులానే ఉండే డిజిట‌ల్ కార్డు ఇది. ఇందులోనూ మ‌న పేరు, చిరునామా, మొబైల్ నెంబ‌ర్‌, సంస్థ పేరు, వృత్తి, హోదా వంటి వివ‌రాల‌ను మ‌నం పొందుప‌ర‌చ‌వ‌చ్చు. ఇవి ఎవ‌రికి కావాలంటే వారికి పంపించుకోవ‌చ్చు.

కొంత‌కాలం క్రితం గూగుల్ ఈ పీపుల్ కార్డు స‌దుపాయాన్ని మ‌న దేశంలో ప్రారంభించింది. పీపుల్ కార్డు మ‌నం చేయించుకుంటే గూగుల్ సెర్చ్‌లోనూ మ‌న వివ‌రాలు సులువుగా వ‌స్తాయి. అయితే, అంద‌రికీ ఇది అవ‌స‌రం లేదు. ఏవైనా వ్యాపారాలు చేస్తున్న వారికి, గూగుల్‌లో త‌మ పేరు, వివ‌రాలు ఉంటే ఉప‌యోగ‌క‌రంగా ఉంటుంద‌ని, వ్యక్తిగ‌త ప్రైవ‌సీకి ఎటువంటి ఇబ్బంది ఉండ‌దు అనుకునే వారే ఈ పీపుల్ కార్డు తీసుకుంటే మంచిది.

గూగుల్ పీపుల్ కార్డు పొందే విధానం
1. మ‌న మొబైల్ ఫోన్‌లో గూగుల్ క్రోమ్ బ్రౌజ‌ర్ ఓపెన్ చేసి మ‌న జీమెయిల్‌తో లాగిన్ కావాలి.
2. యాడ్ మీ టూ సెర్చ్ అని టైప్ చేస్తే యాడ్ యువ‌ర్‌సెల్ఫ్ టూ గూగుల్ సెర్చ్ అని ఒక బాక్స్ వ‌స్తుంది.
3. కింద గెట్ స్టార్టెడ్ అనే బ‌ట‌న్ క్లిక్ చేయాలి.
4. కొత్త‌గా ఓపెన్ అయ్యే ఒక పేజ్‌తో మీ పూర్తి పేరు, ప్రాంతం, వృత్తి, వ్యాపారం, ఉద్యోగం వంటి వివ‌రాలు పొందుప‌ర్చాలి.
5. మ‌న ఫోన్ నెంబ‌ర్‌, సోష‌ల్ మీడియా ప్రొఫెల్ అడ్ర‌స్‌లు, జీమెయిల్ అడ్ర‌స్ వంటి వివ‌రాలు కూడా ఇవ్వొచ్చు.
6. వివ‌రాలు అన్ని నింపాక ఒక‌సారి ప్రివ్యూ చూసుకోవాలి.
7. ప్రివ్యూలో అంతా బాగుంది అనుకున్నాక సేవ్ ఆప్ష‌న్ క్లిక్ చేస్తే మీ పీపుల్ కార్డు సిద్ధమ‌వుతుంది.
8. మొబైల్ నుంచి మాత్రం పీపుల్ కార్డ్ త‌యారు చేసుకునే అవ‌కాశం ఉంటుంది.

Related News