logo

  BREAKING NEWS

ఓటీటీలో రిలీజైన కేజీఎఫ్: చాప్ట‌ర్‌-2..! కానీ షాకిచ్చిన అమెజాన్ ప్రైమ్‌  |   టాయిలెట్‌లో కెమెరా.. హోంమంత్రికి ఫిర్యాదు  |   కాబోయే భ‌ర్త మృతి.. ఆ యువ‌తి చేసిన ప‌నికి క‌న్నీళ్లు ఆగ‌వు  |   స‌లార్ సినిమాపై కిక్కిచ్చే వార్త‌  |   మ‌హేష్ – రాజ‌మౌళి సినిమాపై ఫుల్ క్లారిటీ ఇచ్చిన విజ‌యేంద్ర ప్ర‌సాద్‌  |   వంద‌ల ఎక‌రాల భూమి ఉన్న కుటుంబంలో కేసీఆర్ పుట్టారు  |   2022 – 23కు కేంద్రీయ విద్యాల‌య అడ్మిష‌న్లు ప్రారంభం.. పూర్తి వివ‌రాలు  |   నిరుద్యోగుల‌కు భారీ శుభ‌వార్త‌.. రైల్వేలో 2,65,547 ఖాళీలు  |   మ‌రో కొత్త ప‌థ‌కాన్ని ప్రారంభించ‌నున్న జ‌గ‌న్‌.. దేశంలోనే మొద‌టిసారి  |   అండ‌మాన్ ఎన్నిక‌ల్లో మ‌రోసారి స‌త్తా చాటేందుకు చంద్ర‌బాబు స్కెచ్‌  |  

నిమ్మగడ్డకు హైకోర్టు షాక్.. రాష్ట్రపతి పర్యటనకు మంత్రి పెద్దిరెడ్డి!

రాష్ట్రపతి రామ్ నాథ్ కోవింద్ పర్యటనలో పాల్గొనేందుకు మంత్రి పెద్దిరెడ్డి రామచంద్రారెడ్డికి హైకోర్టు గ్రీన్ సిగ్నల్ ఇచ్చింది. ఏపీలో పంచాయతీ ఎన్నికల సందర్భంగా ఈ నెల 21 వ తేదీ వరకు మంత్రి పెద్ది రెడ్డిని ఇంటి నుంచి బయటకు రానివ్వద్దంటూ ఎన్నికల కమిషనర్ ఆదేశాలు జారీ చేశారు. కాగా ప్రోటోకాల్ కారణంగా రాష్ట్రపతి పర్యటనలో మంత్రి పెద్దిరెడ్డి పాల్గొనాల్సి ఉంది. దీంతో ఈ పర్యటనలో మంత్రి పాల్గొంటారా? లేదా అనే విషయం ఉత్కంఠగా మారింది.

ఆదివారమే పర్యటన ఉండటంతో మంత్రి పెద్దిరెడ్డి ఈ విషయంపై హై కోర్టులో పిటిషన్ దాఖలు చేసారు. ఈ పిటిషన్ పై ఈరోజు ఉదయం నుంచి హై కోర్టులో వాదనలు నడుస్తున్నాయి. రాష్ట్రపతి పర్యటనలో పాల్గొనాల్సి ఉన్న విషయాన్ని మంత్రి తరపు న్యాయవాది కోర్టుకు వివరించారు. దీంతో రాష్ట్రపతి పర్యటనలో పాల్గొనేందుకు కోర్టు అనుమతులు ఇచ్చింది.

ఈరోజు రేణిగుంట విమానాశ్రయంలో రాష్ట్రపతికి స్వాగతం పలికేందుకు మంత్రి వెళ్లనున్నారు. ఇదిలా ఉండగా పెద్దిరెడ్డిపై ఆంక్షలు విధిస్తు ఎన్నికల కమిషనర్ నిమ్మగడ్డ జారీ చేసిన ఆదేశాలను సస్పెండ్ చేయాలనీ మంత్రి తరపు న్యాయవాది కోర్టును కోరారు. కాగా ఈ అంశంపై తీర్పును మధ్యాహ్ననికి వాయిదా వేసింది కోర్టు.

Related News