logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

ఈ సినిమాతోనే.. వేణు రీఎంట్రీ

హీరోగా చేసింది కొన్ని సినిమాలే అయినా కూడా మంచి న‌టుడిగా, కామెడీ పండించే యాక్ట‌ర్‌గా తెలుగు ప్ర‌జ‌ల‌కు బాగా ప‌రిచ‌యం అయ్యాడు వేణు తొట్టెంపూడి. 1999లో స్వ‌యంవ‌రం సినిమాతో తెలుగు తెర‌కు ప‌రిచ‌య‌మైన వేణు ఆ త‌ర్వాత దాదాపుగా 22 సినిమాల్లో న‌టించాడు. ఎనిమిదేళ్ల పాటు ఇండ‌స్ట్రీకి, న‌ట‌న‌కు దూరంగా ఉన్న వేణు ఇప్పుడు మ‌ళ్లీ మ‌న ముందుకు రానున్నాడు.

చిరు న‌వ్వుతో, హ‌నుమాన్ జంక్ష‌న్‌, పెళ్లాం ఊరెళితే, స‌దా మీసేవ‌లో, చెప్ప‌వే చిరుగాలి, ఖుషిఖుషీగా వంటి సినిమాల‌తో తెలుగు ప్ర‌జ‌ల‌కు ద‌గ్గ‌రైన వేణు కొన్ని రోజుల త‌ర్వాత హీరోగా కాకుండా ఇత‌ర కీల‌క పాత్ర‌ల్లో న‌టించ‌డం కూడా ప్రారంభించారు. 2013లో రామ్ చ‌ర‌ణ్ హీరోగా వ‌చ్చిన ద‌మ్ము సినిమాలో వేణు ఒక కీ రోల్‌లో క‌నిపించాడు. ఆ త‌ర్వాత ఏమైందో ఏమో గానీ చాలా రోజులుగా సినిమాల్లో న‌టించ‌డం లేదు.

ఇప్పుడు మ‌ళ్లీ వేణు వెండితెర‌పై క‌నిపించ‌నున్నాడు. రవితేజ, శరత్‌ మండవ కాంబినేషన్‌లో ‘రామారావు ఆన్‌ డ్యూటీ’ అనే ఒక సినిమా వ‌స్తున్న సంగ‌తి తెలిసిందే. ఇటీవ‌లే ఈ సినిమా ఫ‌స్ట్ లుక్ కూడా విడుద‌లైంది. సినిమా టైటిల్‌, ఫ‌స్ట్ లుక్ బాగా ఆక‌ట్టుకుంటోంది. గ‌తంలో ఏ హీరో చేయ‌ని పాత్ర‌లో ర‌వితేజ ఒక త‌హ‌శీల్దార్‌గా ఈ సినిమాలో క‌నిపిస్తాడ‌ని కూడా ప్ర‌చారం జ‌రుగుతోంది.

దివ్యాంశ కౌశిక్, రాజీషా విజయన్ హీరోయిన్స్‌గా న‌టిస్తున్న ఈ సినిమాలో వేణు తొట్టెంపూడి కూడా ఒక కీల‌క పాత్ర‌లో న‌టిస్తున్నాడ‌ని తెలుస్తోంది. వేణు క్యారెక్ట‌ర్‌కు సినిమాలో చాలా ఇంపార్టెన్స్ ఉంటుంద‌ట‌. అందుకే ఎనిమిదేళ్లుగా సినిమాల‌కు దూరంగా ఉంటున్నా కూడా ఈ క‌థ‌, క్యారెక్ట‌ర్ గురించి చెప్ప‌గానే వేణు ఓకే చెప్పాడ‌ని తెలుస్తోంది. ఇప్ప‌టికే షూటింగ్ వేగంగా జ‌రుపుకుంటున్న ఈ సినిమా త్వ‌ర‌లోనే ప్రేక్ష‌కుల ముందుకు రానుంది.

Related News