logo

  BREAKING NEWS

మీనా భ‌ర్త మృతికి అస‌లు కార‌ణం ఇదే  |   మీ సిబిల్ స్కోర్ ఈజీగా పెంచుకోండి ఇలా  |   అంబాసిడ‌ర్ మ‌ళ్లీ వ‌స్తోంది.. కొత్త లుక్ సూప‌ర్‌  |   తిరుప‌తి రైల్వే స్టేష‌న్‌పై వివాదం.. డైరెక్ట‌ర్ నాగ్ అశ్విన్ ట్వీట్‌  |   వామ్మో.. ఓలా బైక్ ఎలా విరిగిపోయిందో చూడండి  |   ప‌వ‌న్ క‌ళ్యాణ్‌కు అందుకే నా మీద కోపం.. షాకింగ్ విష‌యం చెప్పిన‌ రాజ‌శేఖ‌ర్‌  |   ఆంటీతో యువ‌కుడి వివాహేత‌ర సంబంధం.. చివ‌ర‌కు విషాదాంతం  |   కేంద్రం బాట‌లో రాష్ట్రాలు.. భారీగా త‌గ్గుతున్న పెట్రోల్ ధ‌ర‌లు  |   దావోస్‌కు వెళ్లిన టీడీపీ ఎంపీ.. కేంద్ర‌మంత్రితో ఫోటో  |   రేవంత్ రెడ్డిని డిస్‌మిస్ చేయండి.. రాహుల్ గాంధీకి బండ్ల గ‌ణేష్ ఫిర్యాదు  |  

గుండె జబ్బుల బారిన పడకుండా ఉండాలంటే ఈ ఒక్క పని చేస్తే చాలు!

వేసవి కాలంలో ప్రతి ఒక్కరికీ అందుబాటులో ఉండే ఫలం పుచ్చకాయ. ఈ పండు తినడం వల్ల కలిగే ఆరోగ్య ప్రయోజనాల గురించి అందరికీ తెలిసిందే. డీహైడ్రేషన్ కు గురి కాకుండా ఉంచడంలో పుచ్చకాయ చేసే మేలు అంతా ఇంతా కాదు. కానీ ఈ పండులో ఉండే గింజలతో కూడా అన్నే ప్రయోజనాలు కలుగుతాయి. ఈ విషయం తెలియక పుచ్చకాయను తిని గింజలను పడేస్తుంటాం. ఒకసారి ఈ గింజలలో ఉండే పోషక విలువల గురించి తెలుసుకుంటే వీటిని అస్సలు పడేయరు. అవేంటో చూద్దాం..

గుండెకు రక్తాన్ని సరఫరా చేసే రక్తనాళాలు మూసుకుపోయినప్పుడు గుండె పనితీరుకు అంతరాయం కలుగుతుంది. దానినే గుండెపోటుగా పిలుస్తారు. పుచ్చకాయ గింజలలో ఉండే అమైనో యాసిడ్స్ రక్త నాళాలను మూసుకుపోకుండా వెడల్పు చేసి రక్త ప్రసరణ బాగా జరిగేలా చేస్తాయి. తద్వారా గుండె జబ్బులు రాకుండా నిరోధించగలవు. రోగ నిరోధకశక్తిని పెంచడంలో దోహదం చేస్తాయి. ఐరన్ సమస్యతో బాధపడే వారికి పుచ్చపండు గింజలు చాలా ఉపయోగపడతాయి. ఈ గింజలలో ఐరన్ సమృద్ధిగా ఉంటుంది. శరీరంలో క్యాలరీలను శక్తిగా మార్చడంలో సహాయపడతాయి. బలహీనంగా ఉన్నవారు వీటిని తింటే శక్తి లభిస్తుంది. అలాగే శరీరంలో కొలస్ట్రాల్ నిల్వలు లేకుండా చేయటంలో చాలా సమర్ధవంతంగా పనిచేస్తుంది.

అందుకే బరువు తగ్గాలనుకునేవారు వీటిని తప్పకుండా తీసుకోవాలి. వీటిలో ఉండే లైకోపీన్ అనే పదార్థం కారణంగా పురుషుల్లో వీర్య సమస్యలు దూరమవుతాయి. వీర్య కణాల ఉత్పత్తని పెంచడంలో సహాయపడతాయి. అంతేకాకుండా వీటిల్లో ఉండే ప్రొటీన్, అమైనో ఆసిడ్లు శరీరంలో రక్తపోటును తగ్గిస్తాయి. ఇందులో లభించే ఎల్ సిట్రులిన్ కండరాలను బలంగా ఉంచుతాయి. కణజాలాన్ని రిపేర్ చేస్తాయి. ఫోలిక్ యాసిడ్ ను సహజంగా అందించే ఈ గింజలు మెదడు పనితీరును మెరుగుపరుస్తాయి.

ఫ్రీ రాడికల్స్ బారినపడకుండా రక్షిస్తుంది. ఈ గింజలను నీటిలో మరిగించి టీ చేసుకుని తాగడం వలన కిడ్నీల్లో రాళ్లు కరిగిపోతాయి. జ్ఞాపకశక్తిని, ఏకాగ్రతను పెంచుతాయి. కండరాల కదలికలను క్రమబద్దీకరిస్తాయి. వీటిని ఎడిమా వ్యాధి చికిత్సలో ఉపయోగిస్తారు. ఈ గింజలతో తయారు చేసిన నూనెను స్కిన్ మాయిశ్చరైజర్ గా వాడతారు. అందువల్ల చర్మం నిగారింపును సంతరించుకుంటుంది. తలలో ఉండే చుండ్రును కూడా ఈ నూనె వదిలిస్తుంది.

పుచ్చకాయ గింజలను ఎండబెట్టి మొత్తగా పొడి చేసుకోవాలి. రెండు లీటర్ల నీటిలో రెండు టేబుల్ స్పూన్ల పుచ్చ గింజల పొడి వేసి పావుగంటసేపు మరిగించాలి. దీన్ని రెండు రోజులపాటు తాగొచ్చు. తర్వాత ఓ రోజు విరామం ఇచ్చి మళ్లీ రెండు రోజులు తాగాలి. ఇలా చేయడం వల్ల పైన పేర్కొన్న అనారోగ్య సమస్యలు దూరం అవుతాయి.

Related News
%d bloggers like this: