logo

  BREAKING NEWS

షాకింగ్‌.. భార్య‌ల‌ను అద్దెకు ఇస్తున్నారు  |   కౌశీక్ రెడ్డికి బంప‌ర్ ఆఫ‌ర్‌.. ఏకంగా డ‌బుల్ ప్ర‌మోష‌న్‌..!  |   తెలంగాణ బీజేపీకి జోష్‌.. త్వ‌ర‌లోనే మాజీ ఎంపీ, కాంగ్రెస్ కీల‌క నేత చేరిక‌  |   రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |  

ఒంటరిగా ఉన్నపుడు హార్ట్ అటాక్ కు గురైతే? .. ఇలా చేస్తే ప్రాణాలు దక్కుతాయి!

హఠాత్తుగా వచ్చి ప్రాణాలను హరించుకుపోయేది హార్ట్ అటాక్. హార్ట్ అటాక్ కు గురైనవారిలో మొదటి గంట చాలా కీలకం. వెంటనే స్పందించి చికిత్స అందిస్తే మరణం నుంచి తప్పించుకోవచ్చు. చాలా మందికి వీటి లక్షణాలు తెలియకపోవడంతో మరణిస్తున్నారు. మరికొందరు ఆసుపత్రి పాలై ఐసీయూలో చికిత్స తీసుకోవలసిన అవసరం ఏర్పడుతుంది. కొంత మంది హఠాత్తుగా మరణిస్తుంటారు. దీనినే సైలెంట్ హార్ట్ అటాక్ అంటారు. అందుకే 30 సంవత్సరాలు దాటిన వారు ప్రతి ఆరు నెలలకొకసారి హెల్త్ చెకప్ తప్పక చేయించుకోవాలి. గుండె జబ్బులపై అవగాహన పెంచుకోవడం చాలా అవసరం. అత్యవసర సమయాల్లో ఈ అవగాహనే ప్రాణాలను కాపాడే సంజీవనిగా మారుతుంది.

గుండెకు రక్తాన్ని సరఫరా చేసే రక్తనాళాల గోడలలో కొవ్వు పేరుకుపోతుంది. అది ఎక్కువైతే.. రక్తనాళాలు సన్నగా మారుతాయి. దీనివల్ల గుండెకు రక్తసరఫరా తగ్గిపోతుంది. రక్తసరఫరా తగ్గడమే కాకుండా.. గుండె కండరాలకు పోషకాలు, ఆక్సిజన్ కూడా అందవు. దీనివల్ల గుండె కండరం చచ్చుబడిపోతుంది. దీన్నే గుండె పోటు లేదా హార్ట్ ఎటాక్ అంటారు.

ఎడమవైపు ఛాతిలో అసౌకర్యంగా ఉండటం, ఎడమ వైపు భుజం, దవడ నొప్పిగా ఉండటం, నొప్పి ఎడమవైపుకు పాకుతూ ఉన్నట్టు అనిపించడం, చెమటలు పట్టడంలాంటి లక్షణాలు కనిపిస్తే వెంటనే అప్రమత్తమవ్వాలి. ఇవన్నీ హార్ట్ అటాక్ లక్షణాలే. హార్ట్ అటాక్ నుంచి కాపాడుకోవడానికి వెంటనే స్పందించడం ఏకైక మార్గం. ఆలస్యం చేస్తే ప్రాణాలు పోయే ప్రమాదం ఉంది. కొన్ని సార్లు ఇలాంటి సమయాల్లో ఎవ్వరూ అందుబాటులో ఉండరు. ఎవరికైనా ఫోన్ చేసి సమాచారం ఇచ్చేంత సమయం ఉండదు. కనీసం లేచి మాత్రలు కూడా తీసుకోలేనంత నొప్పి కలుగుతుంది. అలాంటి విపత్కర సమయాల్లో మనకు మనం చేసుకోగల ప్రథమ చికిత్స ఒకటుంది. మీరు ఆసుపత్రికి చేరేవరకు ఇది మీ ప్రాణాలను నిలిపి ఉంచుతుంది.

గుండె పోటుకు గురవుతున్న లక్షణాలు అనిపించిన వెంటనే బలంగా దగ్గాలి. ఊపిరితిత్తుల నిండా గాలిని పీల్చుకుని ఆపకుండా బలంగా దగ్గే ప్రయత్నం చేయాలి. ఇలా దగ్గడాన్ని వయొలెంట్ కాఫ్ అంటారు. ఇలా చేయడం వలన గుండెకు ఆగిపోయిన రక్త సరఫరాను తిరిగి అందించవచ్చు. ఇలా 5 నిమిషాల పాటు ఈ ప్రమాదాన్ని మీరు వాయిదా వేయగలరు. 5 నిమిషాలే అయినా అవి మీ ప్రాణాలను కాపాడే బంగారు క్షణాలవుతాయి.

ఆ సమయంలో మీరు మీరు మీ కుటుంబ సభ్యులకు సమాచారం అందించవచ్చు. లేదా అంబులెన్స్ కు ఫోన్ చేసేంతవరకైనా మీకు సమయం లభిస్తుంది. ఇలా గుండె సమస్యలతో బాధపడుతున్నవారు కచ్చితంగా స్పిరిన్ మాత్రలను దగ్గర ఉంచుకోవాలి. ఆస్ప్రిన్ మాత్రను నాలుక కింద ఉంచుకోవాలి. మీరు ఇలా దగ్గుతున్న సమయంలోనే ఆస్ప్రిన్ మాత్రలను సంపాదించి వేసుకోగలిగితే ఆసుపత్రికి వెళ్లేంత వరకు మీ ప్రాణాలను కాపాడుకున్నవారవుతారు.

 

Related News