గడిచిన 10 రోజుల వ్యవధిలో వరుసగా 5 సార్లు పెరిగిన బంగారం ధరలు మూడు రోజులుగా స్థిరంగా కొనసాగుతున్నాయి. ప్రస్తుతానికి బంగారం ధరల్లో ఎలాంటి మార్పు లేకపోయినా రానున్న రోజుల్లో ధరలు పెరిగే అవకాశం ఉంది. దీంతో బంగారం కొనుగోలు చేసేవారికి ఇది మంచి సమయంగా మార్కెట్ విశ్లేషకులు అభిప్రాయపడుతున్నారు. తాజాగా గురువారం అంటే మార్చి 18 రోజున బంగార ధరలను తెలుసుకుందాం..

ప్రస్తుతం హైద్రాబాద్ మార్కెట్లో 10 గ్రాముల 22 క్యారెట్ల బంగారం ధర 42,010 రూపాయలుగా ఉంది. ఒక గ్రాము బంగారం ధర రూ. 4,201 గా ఉంది. అదే విధంగా 24 క్యారెట్ల బంగారం కూడా 45 వేల రూపాయల మార్క్ దగ్గర నిలిచింది. దాంతో 24 క్యారెట్ల బంగారం ధర నిన్నటి ధర వద్దే కొనసాగుతుంది. మొత్తానికి 10 గ్రాముల బంగారం ధర 45,830 గా ఉండగా ఒక్క గ్రాము బంగారం ధర రూ. 4,583 గా ఉంది. హైదరాబాద్ తో పాటుగా విశాఖ, విజయవాడ లో కూడా ఇవే ధరలు ఉన్నాయి.

ఇక వెండి ధరల్లో కూడా ఈరోజు ఎలాంటి మార్పు లేదు. ప్రస్తుతం కేజీ వెండి ధర రూ. 71,600 గా ఉంది. తులం వెండి ధర రూ.716 గా ఉంది. బంగారం,వెండి ధరల్లో వివిధ అంతర్జాతీయ అంశాలకు అనుగుణంగా మార్పులు చోటుచేసుకుంటాయి. కాబట్టి కొనుగోలు దారులు మరొక్కసారి ధరలను పరిశీలించుకోవడం మంచిది.