logo

  BREAKING NEWS

వైఎస్ షర్మిల పార్టీలో తొలి నియామకం.. టీఆర్ఎస్ సీనియర్ నేతకు చోటు!

తెలంగాణాలో కొత్త పార్టీ ఏర్పాటు పై శరవేగంగా ముందుకు వెళ్తున్నారు వైఎస్ షర్మిల. వరుసగా వైఎస్ అభిమానులతో సమీక్షలు నిర్వహిస్తున్నారు. ఈ నేపథ్యంలో జిల్లా స్థాయి ముఖ్య నేతలను కలుసుకుంటున్నారు. ఇప్పటికే పలువురు నేతలు, మాజీ ఐఏఎస్, ఐపీఎస్ లు షర్మిలతో భేటీ అయిన విషయం తెలిసిందే.

తాజాగా కొత్త పార్టీకి సంబందించిన తొలి నియామకాన్ని చేపట్టారు షర్మిల. తన కార్యక్రమాల సమన్వయకర్తగా టీఆర్ఎస్ కు చెందిన సీనియర్ నేతను అధికారికంగా నియమించుకున్నారు. టీఆర్ఎస్ పార్టీ సీనియర్ నేత అయిన వాడుక రాజగోపాల్ ను తన కార్యక్రమాల సమన్వయ కర్తగా షర్మిల నియమించుకున్నారు. వాడుక రాజగోపాల్ కు వైఎస్ కుటుంబంతో 30 ఏండ్ల అనుబంధం ఉంది.

మరోవైపు ఆయన రంగారెడ్డి జిల్లా గ్రంథాలయ సంస్థ డైరెక్టర్ గా కూడా పనిచేశారు. ఈ నేపథ్యంలో రాజగోపాల్ తన పదవికి రాజీనామా చేసారు. అనంతరం షర్మిలతో భేటీ అయ్యి ఆమెకు తన మద్దతును ప్రకటించారు. ఇదిలా ఉండగా మాజీ ఐఏఎస్ ప్రభాకర్ రెడ్డి, మాజీ ఐపీఎస్ ఉదయ సింహాలు షర్మిల కొత్త పార్టీకి సలహాదారులుగా ఉందనున్న విషయం తెలిసిందే.

Related News