logo

  BREAKING NEWS

ఓటీటీలో రిలీజైన కేజీఎఫ్: చాప్ట‌ర్‌-2..! కానీ షాకిచ్చిన అమెజాన్ ప్రైమ్‌  |   టాయిలెట్‌లో కెమెరా.. హోంమంత్రికి ఫిర్యాదు  |   కాబోయే భ‌ర్త మృతి.. ఆ యువ‌తి చేసిన ప‌నికి క‌న్నీళ్లు ఆగ‌వు  |   స‌లార్ సినిమాపై కిక్కిచ్చే వార్త‌  |   మ‌హేష్ – రాజ‌మౌళి సినిమాపై ఫుల్ క్లారిటీ ఇచ్చిన విజ‌యేంద్ర ప్ర‌సాద్‌  |   వంద‌ల ఎక‌రాల భూమి ఉన్న కుటుంబంలో కేసీఆర్ పుట్టారు  |   2022 – 23కు కేంద్రీయ విద్యాల‌య అడ్మిష‌న్లు ప్రారంభం.. పూర్తి వివ‌రాలు  |   నిరుద్యోగుల‌కు భారీ శుభ‌వార్త‌.. రైల్వేలో 2,65,547 ఖాళీలు  |   మ‌రో కొత్త ప‌థ‌కాన్ని ప్రారంభించ‌నున్న జ‌గ‌న్‌.. దేశంలోనే మొద‌టిసారి  |   అండ‌మాన్ ఎన్నిక‌ల్లో మ‌రోసారి స‌త్తా చాటేందుకు చంద్ర‌బాబు స్కెచ్‌  |  

కొవాగ్జిన్ సామర్థ్యంపై ఐసీఎంఆర్ కీలక ప్రకటన.. భారీగా పెరగనున్న వాక్సిన్ ఉత్పత్తి

కరోనా సెకండ్ వేవ్ లో రోజుకో కొత్త వేరియంట్ పుట్టుకొస్తుంది. ఈ వార్తలు ప్రజలను బెంబేలెత్తిస్తున్నాయి. ఓ దశలో కొత్త వేరియంట్లపై ఇప్పుడు అందుబాటులో ఉన్న వాక్సిన్ లు ప్రభావాన్ని చూపలేవనే ప్రచారం కూడా జరిగింది. కానీ అవన్నీ అవాస్తవాలే అని రుజువైంది. తాజాగా ఐసిఎంఆర్ (ఇండియన్ కౌన్సిల్ ఆఫ్ మెడికల్ రీసెర్చ్) కీలక ప్రకటన చేసింది. కరోనా కొత్త వేరియంట్లపై భారత్ బయోటెక్ రూపొందించిన కొవాగ్జిన్ సమర్థవంతంగా పని చేస్తున్నట్టుగా ప్రకటించింది.

సార్స్ కోవ్ -2 తో పాటుగా అందులో వచ్చిన కొత్త మ్యుటెంట్లను కూడా కొవాగ్జిన్ అడ్డుకోగలదని, ప్రస్తుతం భారత్ లో ఉన్న డబుల్ మ్యుటెంట్ పై కూడా కొవాగ్జిన్ బలంగా పనిచేస్తుందని ఇసిఎంఆర్ తన ప్రకటనలో పేర్కొంది. ప్రస్తుతం యూకే, బ్రెజిల్ లో తీవ్రంగా వ్యాప్తి చెందుతున్న వైరస్ లను, భారత్ లో ఉన్న డబుల్ మ్యుటెంట్ వైరస్లను బందించి కల్చర్ చేయడం ద్వారా ఈ విషయాన్ని నిర్దారించినట్టుగా తెలిపారు.

ఇంజెక్షన్ రూపంలో ఇచ్చే కోవిడ్ వాక్సిన్ ఊపిరితితుల్లోని కింది భాగాన్ని రక్షిస్తాయని పై భాగాన్ని కాదని తెలిపారు. దాని వల్ల వాక్సిన్ తీసుకున్న తర్వాత వైరస్ శరీరంలోకి ప్రవేశించినా తీవ్రత తక్కువగా ఉంటుందని, ఊపిరితితులపై తీవ్ర ప్రభావం చూపలేదని భారత్ బయోటెక్ ఛైర్మెన్ కృష్ణా ఎల్లా పేర్కొన్నారు. వాక్సిన్ తీసుకున్నా కరోనా జాగ్రత్తలు పాటించడం తప్పనిసరి అని ఆయన స్పష్టం చేసారు. ఈ నేపథ్యంలో భారత్ లో కొవాగ్జిన్ ఉత్పత్తిని మరింత పెంచే విధంగా భారత్ బయోటెక్ కృషి చేస్తుంది. ప్రపంచవ్యాప్తంగా మరో 60 దేశాల్లో కొవాగ్జిన్ టీకాకు అనుమతులు తీసుకునేందుకు భారత్ బయోటెక్ ప్రయత్నాలు చేస్తుంది. అందులో ఇప్పటికే పలు దేశాలు కొవాగ్జిన్ కు అత్యవసర అనుమతులు ఇచ్చాయి.

Related News