logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

అల్లు అర్జున్‌పై పోలీసుల‌కు ఫిర్యాదు

హీరో అల్లు అర్జున్ ఓ వివాదంలో చిక్కుకున్నారు. క‌రోనా వైర‌స్ నిబంధ‌న‌లు ఉల్లంఘించార‌ని, ఆయ‌న‌పై కేసు న‌మోదు చేసి చ‌ర్య‌లు తీసుకోవాల‌ని అదిలాబాద్ జిల్లా నేరేడుగొండ పోలీసు స్టేష‌న్‌కు ఫిర్యాదు వ‌చ్చింది. స‌మాచార హ‌క్కు సాధ‌న స్ర‌వంతి అనే సంస్థ‌కు చెందిన ప్ర‌తినిధులు ఈ ఫిర్యాదు చేశారు. అల్లు అర్జున్ న‌టిస్తున్న పుష్ప సినిమా షూటింగ్ అదిలాబాద్ జిల్లా అడ‌వుల్లో జ‌రుగుతోంది. షూటింగ్ కోస‌మ‌ని వెళ్లిన అల్లు అర్జున్ కుంటాల జ‌ల‌పాతానికి వెళ్లారు.

అల్లు అర్జున్‌కు అట‌వీ శాఖ అధికారులు ద‌గ్గ‌రుండి కుంటాల జ‌ల‌పాతం అందాల‌ను చూపిస్తూ, విశేషాల‌ను వివ‌రించారు. ఇక్క‌డి వ‌ర‌కు అంతా బాగానే ఉంది. అయితే, అల్లు అర్జున్ రాక కార‌ణంగా ఆ ప్రాంతంలో జ‌నాలు గుమిగూడారు. క‌రోనా వైర‌స్ వ్యాప్తి చెందుతున్న స‌మ‌యంలో ఇలా జ‌నాలు గుమిగూడ‌టం ప్ర‌మాద‌క‌రం. నిజానికి, ఇప్పుడు క‌రోనా నిషేదాజ్ఞ‌ల వ‌ల్ల కుంటాల జ‌ల‌పాతం వ‌ద్ద సంద‌ర్శ‌కుల‌కు అనుమ‌తి లేదు.

అనుమ‌తి లేక‌పోయినా అల్లు అర్జున్ కుంటాల సంద‌ర్శించ‌డం, అట‌వీశాఖ అధికారులే ద‌గ్గ‌రుండి ఆయ‌న‌కు చూపించ‌డం ఇప్పుడు వివాద‌మైంది. ఈ విష‌య‌మై కార్తీక్ అనే సమాచార హ‌క్కు కార్య‌క‌ర్త నేరేడుగొండ పోలీసుల‌కు ఫిర్యాదు చేశారు. తిప్పేశ్వ‌ర్ ప్రాంతంలో అనుమ‌తులు లేకుండా పుష్ప సినిమా షూటింగ్ కూడా జ‌రిగింద‌ని, కాబ‌ట్టి అల్లు అర్జున్‌, సినిమా టీంపై కేసు న‌మోదు చేసుకొని చ‌ర్య‌లు తీసుకోవాల‌ని ఆయ‌న పోలీసుల‌ను కోరారు.

Related News