logo

  BREAKING NEWS

రెండు డోసుల క‌రోనా వ్యాక్సిన్ తీసుకున్న వారికి శుభ‌వార్త‌  |   సాయిధ‌ర‌మ్ తేజ్ యాక్సిడెంట్‌పై పోలీసుల విచార‌ణ‌లో వెలుగులోకి కొత్త విష‌యాలు  |   తేజ్ బైక్ ధ‌ర ఎంత ? ఎంత స్పీడ్‌తో వెళుతుంది ? మైలేజ్ ఎంత ఇస్తుంది ?  |   ఓలా ఎల‌క్ట్రిక్ స్కూట‌ర్ ధ‌ర‌, ఫీచ‌ర్లే ఇవే.. ఒక్క‌సారి ఛార్జింగ్ పెడితే 150 కిలోమీట‌ర్లు  |   మామూలు జ‌లుబుగా క‌రోనా వైర‌స్ ?  |   భార‌త్ బ‌యోటెక్ కొత్త క‌రోనా వ్యాక్సిన్‌.. ఇది చాలా స్పెష‌ల్‌  |   మోహ‌న్ బాబు కుటుంబానికి గుడ్ న్యూస్ చెప్పిన జ‌గ‌న్ ?  |   ‘టైగ‌ర్ నాగేశ్వ‌ర‌రావు’గా ర‌వితేజ‌.. కథ వింటే విజిల్స్‌  |   ఒక‌సారి క‌రోనా వ‌చ్చిన వారు వ్యాక్సిన్ వేసుకోక‌పోతే ఏమ‌వుతుంది ?  |   మ‌న ‘గోల్డ్’ నీర‌జ్‌కు ఎన్ని డ‌బ్బులు వ‌చ్చాయో తెలుసా ?  |  

కొబ్బరి నీళ్లు షుగర్ లెవల్స్ ను పెంచుతాయా?

డయాబెటిస్ తో బాధపడేవారు కొబ్బరి నీళ్లు తాగొచ్చా? షుగర్ లెవల్స్ పెరుగుతాయా? రుచికి తీయగా ఉండటం వలన ఇది చాలా మందికి కలిగే అనుమానం. కొబ్బరి నీళ్లలో మూడు గ్రాముల పీచు పదార్థం, ఆరు గ్రాముల పిండి పదార్థం ఉంటుంది. ఇవి రెండు చాలా సులభంగా జీర్ణమయ్యేవే. అంతేకాదు చక్కెరను తగ్గించే మెగ్నీషియం ఈ నీళ్ళల్లో పుష్కలంగా ఉంటుంది. అందువల్ల టైపు -2 మధుమేహంతో బాధపడేవారికి, డయాబెటిస్ మొదటి దశలో ఉన్నవారికి కొబ్బరి నీరు చాలా మంచి చేస్తుందని వైద్యులు సూచిస్తున్నారు.

ఈ నీటితో షుగర్ పెరుగుతుందనేది కేవలం అపోహ మాత్రమే. రుచికి తీయగా ఉండే కొబ్బరి నీళ్లలో అసలు తీపి పదార్థమే ఉండదు. ఇందులో కాల్షియం, భాస్వరం, జింక్, మాంగనీస్, ఐరన్, కాపర్, అమైనో ఆమ్లాలు, పొటాషియం, సోడియం లాంటి లవణాలు ఎక్కువ మోతాదులో ఉంటాయి. ఇందులో కొవ్వును నియంత్రించి బరువును అదుపులో ఉంచే గుణాలు ఉంటాయి. షుగర్ ఉండి జీర్ణ సమస్యలతో బాధపడేవారికి కొబ్బరి నీరు ఉపయోగపడుతుంది.

ఇందులో ఉండే అమైనో యాసిడ్స్ ఇన్సులిన్ ఉత్పత్తిని సరిగ్గా జరిగేలా చేస్తాయి. తద్వారా షుగర్ ను అదుపులో ఉంచుతాయి. అందుకోసం వీరు తాజా కొబ్బరి నీళ్లను మాత్రమే తీసుకోవాలి. షుగర్ ఉన్నవారు తీయటి నీళ్ల కన్నా వగరుగా ఉండే నీటిని తాగడం ఇంకా మంచిది. అయితే ఏదైనా పరిమితికి మించి తీసుకుంటే వాటి తాలూకు దుష్ప్రభాలు కూడా ఉంటాయి. షుగర్ పేషంట్లు కొబ్బరి నీరు తీసుకోవచ్చు కానీ తగిన మోతాదులో మాత్రమే తీసుకోవాలి. ఇందులో 15 శాతం ప్రాక్టోజ్, 50 శాతం గ్లూకోజ్, 35 శాతం సుక్రోజ్ లాంటి సహజ చక్కరలు ఉంటాయి. ఓ అధ్యయనం ప్రకారం డయాబెటిస్ బాధితులు రోజుకి 200 మిల్లీ లీటర్ల కొబ్బరి నీరు తాగడం ఆరోగ్యానికి చాలా మంచిది.

Related News