logo

  BREAKING NEWS

వ్యాక్సిన్ అంద‌రూ తీసుకోవాలా ? క‌రోనా వ‌చ్చి త‌గ్గిన వారూ తీసుకోవాలా ?  |   గుర‌క పెడుతున్నారా..? ఈ చిట్కా పాటిస్తే జీవితంలో గుర‌క పెట్ట‌రు  |   వ‌కీల్ సాబ్ మ‌రో రికార్డు.. షూటింగ్ కాక‌ముందే రూ.15 కోట్లు వ‌చ్చేశాయి  |   తెలంగాణ కొత్త‌గా ఆరు ఎయిర్‌పోర్టులు.. ఎక్కడెక్క‌‌డో తెలుసా ?  |   ‘మా సినిమా డైలాగులే కాపీ కొడతారా?’.. దేవినేనికి కొడాలినాని కౌంటర్  |   ముఖ్య‌మంత్రి మార్పు ఉండొచ్చు.. ఈటెల సంచ‌ల‌న‌ వ్యాఖ్య‌లు  |   భూమా అఖిలప్రియ అరెస్టుపై కొడాలినాని సంచలన వ్యాఖ్యలు!  |   సీఎం జగన్ ఆకస్మిక ఢిల్లీ పర్యటన.. మతలబేంటి?  |   ”జీవితకాలం శిక్షపడే కేసులు స్వీకరించం”.. అఖిలప్రియకు కోర్టు భారీ షాక్!  |   బ్రేకింగ్: కన్నీళ్లు పెట్టుకున్న ఎమ్మెల్యే రోజా..!  |  

టీటీడీ నిర్ణ‌యం అనాచారం.. అరిష్ఠం.. అధ్యాత్మిక ద్రోహం

అన్య‌మ‌తస్థులు తిరుమ‌ల శ్రీవారిని ద‌ర్శించుకునేందుకు డిక్ల‌రేష‌న్ ఇవ్వాల్సిన అవ‌స‌రం లేదంటూ టీటీడీ బోర్డు ఛైర్మ‌న్ వైవీ సుబ్బారెడ్డి చేసిన వ్యాఖ్య‌ల‌పై ప్ర‌తిప‌క్ష నేత చంద్ర‌బాబు నాయుడు మండిప‌డ్డారు. అనాదిగా అనుసరిస్తున్న సంప్రదాయాన్ని మార్చడం అనాచార‌మ‌ని, సమాజానికే అరిష్ఠమ‌ని, అది ఆధ్యాత్మిక ద్రోహమ‌ని ఆయ‌న పేర్కొన్నారు. మన సంస్కృతికి మూలం సనాతన ధర్మమనని, అలాంటి ధర్మ, సంప్రదాయాలు పాలకులు మారినప్పుడల్లా మారవని అన్నారు.

సనాతనం అంటే ప్రాచీనమైన, నిత్యమైన, ఏ నాటికీ మారని శాశ్వత ధర్మమ‌ని, ఇలా మార్చాలనుకోవడం ప్రజల మనోభావాలను దెబ్బతీయడమేన‌ని ఆరోపించారు. అసలు మతం అంటేనే నమ్మకమ‌ని, ఎవరైనా సరే స్వామిపై నమ్మకంతో రావడం కోసమే తిరుమల తిరుపతి దేవస్థానంలో అన్యమతస్థులు డిక్లరేషన్లు ఇచ్చే సంప్రదాయాన్ని పెట్టారని పేర్కొన్నారు.

ఒక నమ్మకం లేని వ్యక్తి కోసం అనాదిగా అనుసరిస్తున్న సంప్రదాయాన్ని మార్చడం అనాచారమ‌ని, సమాజానికే అరిష్ఠమ‌ని అన్నారు. అన్య‌మ‌త‌స్థులు తిరుమ‌ల శ్రీ వేంక‌టేశ్వ‌ర‌స్వామిని ద‌ర్శించుకునేందుకు ఇప్ప‌టివ‌ర‌కు డిక్ల‌రేష‌న్ ఇవ్వాల‌నే నిబంధ‌న ఉండేది. ఈ నిబంధ‌న‌ను తొల‌గించాల‌ని, భ‌క్తి, న‌మ్మ‌కంతో ఏ మ‌త‌స్థుడైన స్వామివారిని ద‌ర్శించుకునే అవ‌కాశం క‌ల్పించాల‌ని టీటీడీ భావిస్తోంది.

Related News